(Видео) Демонстрантите во Франција ја распарчија „главата“ на Макрон – се разлетаа конфети и лажни банкноти

Необична сцена го одбележа протестот во францускиот град Бордо, каде што над насобраните демонстранти била поставена пињата во облик на глава со ликот на претседателот Емануел Макрон.

— реклама —

Снимката е направена на плоштадот Виктоар, а на неа се гледаат неколку лица качени на метална конструкција. Едно од нив држи долга прачка на која е закачена фигурата, додека друго почнува да ја удира со стап.

— реклама —

По неколку удари, пињатата се распарчува, а врз демонстрантите паѓаат конфети, парчиња хартија и лажни банкноти. Насобраните ја поздравуваат сцената, која брзо се прошири на социјалните мрежи.

— реклама —

Настанот се случил во време на протести против високите трошоци за живот во Франција. Истиот ден во Бордо биле забележани и сериозни тензии, а протестниот марш прераснал во грабежи на улицата Сент-Катерин.

На снимката се забележуваат и неколку знамиња, меѓу кои и палестинско знаме. Засега нема информации за официјална реакција на француските власти во врска со настанот.