(Видео ) Протести ширум Франција, ангажирани 70.000 полицајци и жандарми

Протестите во Франција продолжуваат и денеска, четврта недела по ред, со учество на млади луѓе и припадници на Движењето „Жолти елеци“. Демонстрантите бараат повисоки плати, поголеми средства за образование и подобра заштита на децата и адолесцентите.

— реклама —

Францускиот министер за внатрешни работи Лоран Нуњез најави дека низ земјата се очекуваат од 50 до 60 собири. За обезбедување на протестите се ангажирани 70.000 полицајци и жандарми, исто колку и за претходните три демонстрации, кои започнаа на 24 октомври.

— реклама —

— реклама —

Во Париз протестот против високите цени започна на Плоштадот Република. Поради најавената поворка, затворени се 21 метро-станица долж маршрутата на демонстрантите. Се очекува да се приклучат и активисти за заштита на децата и адолесцентите, како и борци за заштита на климата. Проценките се дека на улиците во француската престолнина ќе излезат меѓу 30.000 и 60.000 луѓе.

— реклама —

Собири се најавени и во Бордо, Рен, Лион и Марсеј. Во Тулуз, пак, мирно заврши протестот на левичарските партии и синдикатите. Според полицијата, на него учествувале 1.800 лица, додека организаторите тврдат дека имало 6.000 демонстранти.