(Видео) Тешка автобуска несреќа во Франција, има жртви

Повеќе лица загинале во тешка автобуска несреќа што утрово се случила во источниот дел на Франција, во близина на границата со Швајцарија, потврдиле локалните власти, пренесува „Ројтерс“.

— реклама —

Засега нема усогласени информации за видот на автобусот што учествувал во несреќата. Францускиот министер за образование Едуар Жефреј изјавил дека станува збор за училишен автобус, додека префектот на регионот соопштил дека се работи за меѓуградски автобус.

— реклама —

Телевизијата БФМ објавила фотографија на која се гледа сино-бел автобус навален во нешто што изгледа како канал покрај патот, додека околу него има група луѓе. Телевизијата првично известила за две жртви, но портпарол на цивилната заштита не можел да ја потврди информацијата за загинати. Ниту регионалната префектура во тој момент не можела да потврди смртни случаи.

— реклама —

Францускиот министер за транспорт Филип Табаро соопштил дека се упатил кон местото на несреќата.

— реклама —