21-годишник тешко повреден откако со автомобил удрил во бандера кај Велешта

Дваесет и едногодишен жител на струшкото село Велешта се здобил со тешки телесни повреди во сообраќајна несреќа што се случила рано утрово.

— реклама —

Според информациите од МВР, несреќата била пријавена во 01:45 часот, на регионалниот пат во Велешта, кога патничко возило „фиат“, управувано од В.Ѓ. (21), удрило во бандера, а потоа излетало од патот.

— реклама —

— реклама —

Возачот бил пренесен во Специјалната болница „Св. Еразмо“ во Охрид, каде што му биле констатирани тешки телесни повреди.

— реклама —

На местото на несреќата увид извршиле јавен обвинител од Основното јавно обвинителство Струга и полициска екипа од ОВР Струга.