21-годишна девојка почина по каснување од оса на грчки остров

Трагичен настан го потресе грчкиот остров Евија, каде 21-годишна девојка го загуби животот откако била касната од оса.

— реклама —

Според грчките медиуми, младата девојка во несвесна состојба била итно пренесена во Здравствениот центар во Псахна, каде медицинскиот тим веднаш започнал интензивни обиди за реанимација. И покрај неколкучасовната борба на лекарите, таа не успеала да се избори и била прогласена за почината.

— реклама —

Членови на нејзиното семејство изјавиле дека непосредно пред да ја изгуби свеста, девојката била касната од оса. Засега не е официјално потврдено дали смртта настапила како последица на силна алергиска реакција.

— реклама —

Поради сериозноста на случајот, на местото биле повикани полициски службеници, а по наредба на обвинителството, телото на починатата е пренесено во регионалната болница во Халкида, каде ќе биде извршена обдукција.

— реклама —

Резултатите од судско-медицинската анализа треба да ја утврдат точната причина за смртта и да ги разјаснат сите околности поврзани со оваа трагедија.