ГРЦИЈА

Домашна помошничка во Грција уапсена за кражба на пари и накит

Шеесет и седумгодишна жена беше уапсена во саботата од полицијата во Атина, под сомнение дека крадела пари и накит додека работела како домашна помошничка.Надлежните соопштија дека жената во изминатата година и половина имала пристап до домовите во кои работела и систематски одземала готовина и вредни предмети. Во еден од случаите, безбедносни камери ја снимиле како зема банкнота од 50 евра од сеф во спална соба.Осомничената му ги признала кражбите на сопственикот на домот и ги вратила парите. Таа, исто така, признала дека од истиот дом земала и други суми пари и накит, како и дека во истиот период безуспешно се обидела да отвори уште еден сеф. Полицијата од нејзиниот дом запленила повеќе вредни предмети и банкнотата од 50 евра.Во вторникот, осомничената била изведена пред јавен обвинител.

Свет | пред 10 часа

„Луфтханза“ потврди: Исчезнатата Лаура отпатувала за Германија на денот на исчезнувањето

Авиокомпанијата „Луфтханза“ потврди дека тинејџерката која околу еден месец се водеше за исчезната од Патра, на 8 јануари, денот на нејзиното исчезнување, отпатувала за Франкфурт, Германија.Шеснаесетгодишната Лаура последен пат била видена на 8 јануари во близина на југозападниот град Патра. Полицијата соопшти дека девојката го продала својот мобилен телефон пред да исчезне, со цел да не може да биде лоцирана. Потоа, парите добиени од продажбата ги искористила за да отпатува со такси до Атина. Службениците утврдиле и дека таа ги избришала сите свои профили на социјалните мрежи еден ден пред исчезнувањето.Родителите на девојката, германски државјани кои живеат постојано во Рио, го пријавиле нејзиното исчезнување, по што хуманитарната организација „Smile of the Child“ издаде аларм.Портпаролката на полицијата, Константија Димоглиду, во гостување на државниот радиодифузер ЕРТ претходно во текот на денот изрази незадоволство поради тоа што биле испратени пет барања до авиокомпанијата од 12 јануари наваму, со цел да се утврди дали Лаура патувала со нивен авион, но останале без одговор.Таа рече дека надлежните органи стапиле во контакт со сите авиокомпании што извршуваат летови кон Германија во првите 24 часа, но дека компанијата што го издала билетот „се уште не одговорила“.Димоглиду појасни дека немало наредба од јавен обвинител со која авиокомпанијата би била обврзана да одговори, бидејќи случајот не се однесува на кривично дело, но дека полицијата имала согласност од родителите да побара информации.

Свет | пред 13 часа

Исчезнатата тинејџерка во Грција отпатувала во Германија на денот на исчезнувањето

Исчезна 16-годишно девојче во Грција. Грчката полиција потврди дека исчезнатата тинејџерка патувала со авион за Германија на првиот ден од нејзиното исчезнување, изјави портпаролката Константија Димоглиду во интервју за државната телевизија ЕРТ.Шеснаесетгодишната Лаура последен пат била видена на 8 јануари во близина на југозападниот град Патра. Полицијата соопшти дека девојката го продала својот мобилен телефон пред да исчезне за да не може да се трага по неа. Парите од продажбата ги искористила за да патува со такси до Атина. Службениците исто така утврдиле дека таа ги избришала профилите на социјалните мрежи еден ден пред исчезнувањето.Нејзините родители, германски државјани кои живеат постојано во Рио, пријавиле дека девојката исчезнала, а организацијата „Smile of the Child“ издаде аларм.Димоглиду рече дека авиокомпанијата не одговорила на барањето на полицијата, и покрај тоа што била информирана дека животот на Лаура бил сметан за ризичен. Таа додаде дека властите контактирале со сите авиокомпании што оперираат летови за Германија во првите 24 часа, но авиокомпанијата што издала билет „се уште не одговорила“.„Ова е нешто што можеше да ни биде соопштено во првите часови“, рече таа, повикувајќи се на фактот дека тинејџерката купила билет и отпатувала истиот ден кога исчезнала.Таа објасни дека нема наредба од јавен обвинител за да се обврзе авиокомпанијата да одговори, бидејќи случајот не се однесува на кривично дело.Димоглиду истакна дека недостатокот на соработка од страна на авиокомпанијата не го попречил истражувањето, кое од самиот почеток ја разгледувало можноста дека девојката отпатувала во странство.Таа додаде дека германските власти се известени за исчезнувањето и дека родителите на Лаура ја бараат.

Свет | пред 16 часа

Таксистите во Атина штрајкуваат два дена поради електричната транзиција

Атина ќе остане без такси услуги во вторник и среда, откако таксистите најавија нов дведневен штрајк.Сојузот на таксисти на Аттика (SATA) протестира против роковите за транзиција кон електрични возила и конкуренцијата од други даватели на возачки услуги, додека бара даночни олеснувања и дозвола таксистите да ги користат лентите за јавен превоз.SATA, кој последните недели организира низа штрајкови, планира и протестен марш низ централна Атина кон канцеларијата на премиерот Кијакос Мицотакис во вторник наутро.Таксистите во Солун најавија дека ќе штрајкуваат во среда.Од 1 јануари, сите нови такси возила за кои е издадена лиценца мора да бидат на електрична енергија како дел од зелената транзиција на Грција, а SATA бара продолжување на рокот за неколку години. Сојузот бил дополнително незадоволен поради тоа што Министерството за транспорт им доделило, според SATA, неправедни привилегии на конкуренти кои управуваат со возила со нулта емисија и нудат возачки услуги.

Свет | пред 17 часа

(Видео) Силно невреме во Грција: Обилните снежни врнежи ги затворија училиштата

Силно невреме ја погоди Грција, принудувајќи ги властите да ги затворат училиштата во делови од Тракија, додека обилни снежни врнежи, мраз, невреме и силни дождови предизвикуваат сериозни проблеми низ целата земја.Според одлуката на официјалните лица, наставата во училишта во повеќе области во Тракија ќе се одвива онлајн, додека училишта остануваат затворени поради обилни снежни врнежи и мраз, пренесува ERT njuz.Во ски-центарот Лајлија во Серес, 15 автомобили беа заробени со часови бидејќи нивните возачи не ставиле синџири за снег.Невремето во Грција денеска ќе донесе обилни дождови, невреме и локално обилни снежни врнежи во повеќе делови од земјата, а најзагрозени ќе бидат Источниот Егеј, Крит, Тракија, каде се предвидува засилување на ветровите и дополнително паѓање на температурите.

Свет | пред 1 ден

Два резервоари од кои истекувало гас се причина за експлозијата во фабриката за колачи во Грција

Подрум кој не се појавува во плановите на зградата и два непрјавени резервоари со пропан се во центарот на истрагата за причините на експлозијата што ја уништи фабриката за колачи „Виоланта“ во близина на градот Трикала, при што животот го загубија пет работнички, а седум други лица кои биле присутни на местото се здобиле со повреди. Несреќата се случила кратко по 4 часот наутро минатиот понеделник.Истражувањата покажуваат дека имало два резервоари надвор, но имало и четири внатре во подрумот – или, поточно, од цевките кои биле поврзани со нив, истекувало гас со месеци.Сопственикот и шефот на обезбедувањето негираат дека биле информирани од вработените за сомнителен мирис на гас.Случајот има и политички импликации, бидејќи инженерот кој ја потпишал дозволата за градба, Димитрис Папастергиеу, подоцна градоначалник на Трикала, е сегашен министер за дигитална администрација.

Свет | пред 1 ден

Истражителите бараат причина за пукањето на цевките што предизвика експлозија во фабрика кај Трикала

Експертите на противпожарната служба кои ја истражуваат експлозијата во фабриката за бисквити во близина на Трикала, во која животот го загубија пет работнички, се обидуваат да утврдат што предизвикало пукање на подземните цевки кои носеле запалив гас до печките во фабриката, што довело до експлозијата.Според првичните наоди, противпожарната служба соопшти дека од цевките со месеци истекувал пропан, предизвикувајќи акумулација. Искра од засега неидентификуван електричен извор предизвикала експлозија, при која загинале петте жени.Државната телевизија ЕРТ јави дека една од разгледуваните можности е дека тешките возила кои учествувале во работите минатата година за асфалтирање на земјата што го покривала цевководот можеле да предизвикаат оштетување. Експертите исто така ќе утврдат дали сопствениците на фабриката „Виоланта“ имале потребни дозволи за поставување подземни цевки кои носеле пропан од надворешни резервоари.Истражувањето ги проверува и сите дозволи за градба, мерките за заштита од пожар и инфраструктурата, како и дали петте гас детектори кои требало да бидат поставени биле таму и функционирале.Неколку преживеани, според пријави, изјавиле пред истражителите на противпожарната служба дека во фабриката одамна се чувствувал мирис на гас пред несреќата. Пропанот природно е без мирис, но заради безбедност се додаваат хемикалии кои му даваат карактеристичен мирис на расипано јајце.Погребите на три од жртвите се одржаа во четврток, додека останатите две ќе бидат погребани во петок.

Свет | пред 4 дена

Шок во Грција – дедо од 89 години возел по брзата лента во спротивен правец, па си продолжил како ништо да не било

Полицијата уапси 89-годишен маж кој, според обвинувањата, се движел во спротивна насока по главен автопат во северна Грција околу 10 километри, користејќи ја брзата лента и дури не застанал откако друг возач направил сообраќајка со автомобилот за да го избегне.Инцидентот, според полицијата, се случил рано попладне во среда во близина на градот Верија. Полицијата соопшти дека 50-годишна жена се здобила со повреди кои не се опасни по живот кога со автомобил удрила во централната преграда на автопатот Егнатија за да избегне судир со возилото што доаѓало од спротивен правец.89-годишниот возач се соочува со обвиненија за неодговорно возење, причинување повреди од небрежност и прекршување на правилата за автопат.Тој бил уапсен откако го напуштил автопатот.Според пријавите, на полицијата ѝ рекол дека не ја забележал несреќата и ветил дека ќе престане да вози.

Свет | пред 5 дена

Тројцата преживеани од несреќата во Романија со авион ќе бидат вратени во Грција

Тројцата преживеани од сообраќајната несреќа со минибус во Романија, во која животот го загубија седум навивачи на ПАОК, се очекува во четврток да бидат вратени во Грција со специјално опремен авион.Двајца од повредените имаат по 20 години, додека третиот има 28. Сите тројца моментално се лекуваат во Клиничката ургентна болница на округот Пиус Бринзеу во Темишвар, а по враќањето се очекува да бидат префрлени во болницата „Папагеоргиу“ во Солун.Државната телевизија ЕРТ, повикувајќи се на извори од Министерството за одбрана, објави дека во Елефсина во готовност се наоѓа и воен транспортен авион Ц-130, кој може да го изврши трансферот доколку тоа го побараат надлежните институции.Несреќата се случила на дволентен пат во близина на Темишвар, додека жртвите патувале кон Лион, Франција, за да присуствуваат на натпревар од Лига Европа на кој настапувал ПАОК.Во меѓувреме, романските власти ја завршија идентификацијата на телата на седумте навивачи на ПАОК кои загинаа во несреќата„Телата на седумте починати се идентификувани и ќе има официјално соопштение“, изјави заменик-министерот за надворешни работи Јанис Ловердос.Ловердос изјави дека тројцата преживеани се лекуваат во универзитетска болница во Романија и добиваат соодветна медицинска нега. Едниот од повредените се здобил со повеќекратни повреди, додека другите двајца се во подобра здравствена состојба. Тој изрази сочувство до семејствата на жртвите и до пошироката заедница на ПАОК.Телевизијата СКАЈ објави дека најстариот од тројцата преживеани им помогнал на властите во процесот на идентификација.Претходно, еден од преживеаните тврдеше дека системот за асистенција при возење во лента можеби придонел за несреќата.

Свет | пред 6 дена

Два случаи на туберкулоза: Затворени училишта во Волос, Грција

Властите привремено затворија основно и средно училиште во Волос, во централна Грција, кои ги посетуваат и ученици од блискиот специјален рурален воспитно-поправен дом за млади сторители, откако во установата беа потврдени два случаи на туберкулоза.Затворањето ќе остане на сила до петок, додека надлежните институции ги проценуваат дополнителните мерки за заштита на учениците и на вработените.

Свет | пред 6 дена

Истекување на пропан причина за пожарот во фабриката во Грција

Истражителите за пожари потврдија дека смртоносната експлозија во фабриката за колачи „Виоланта“ во Трикала, централна Грција, која се случи в понеделникот наутро, била предизвикана од истекување на пропан, потврдувајќи ги првичните проценки на пожарникарите.Тимот на Дирекцијата за истраги на пожари и судските експерти утврдија со сигурност дека експлозијата, при која загинаа пет жени, била резултат на истекување на пропан и негово насилно палење. Според изворите, во фабриката немало инсталирани гасни детектори за откривање на можно истекување.Подоцна во вторникот, пожарникарите во координација со обвинител, го уапсија сопственикот на компанијата, менаџерот за безбедност и шефот на смена. Тие се товарат за убиство од небрежност, предизвикување експлозија, небрежно предизвикување пожар и телесни повреди.Инспекцијата открила дупка во цевката што го носи пропанот од складиштето до печките. Дупката се наоѓала во подземниот дел на крилото каде што официјалните лица првично ја идентификувале експлозијата. Инженер за електрична енергија и хемичар помагаат во истрагата.

Свет | пред 6 дена

(Видео) Страшна сообраќајка во Романија: Загинаа седум млади навивачи на ПАОК

Седум лица загинаа, а три се повредени во судир на повеќе возила што се случи кратко по 13 часот во близина на Тимишоара, Романија, во вторникот. Повеќето од жртвите беа под 30 години и патувале од Грција кон Франција за да присуствуваат на натпреварот од Лига Европа меѓу ПАОК и Лион, кој ќе се игра во четврток.Црниот миниван на жртвите преминал во спротивната коловозна лента и се судрил директно со камион. Во инцидентот беа вклучени четири возила: миниванот, камион, цистерна со алкохол и патничко возило.Маршрутата, преку Бугарија, Романија и Унгарија, е често користена од навивачите на ПАОК за да се избегнат долги чекања на границите надвор од ЕУ.Делницата локално е позната како „пат на смртта“ – тесна, неразделена и без заштитни огради.Надлежните органи ја истражуваат причината за несреќата, вклучително и можни медицински проблеми или моментално одвлекување на вниманието, изјавија романските експерти по прегледот на видеото.ВИДЕО ТУКА

Свет | пред 6 дена

Земјотрес од 4,7 степени го погоди Закинтос

Земјотрес со магнитуда од 4,7 степени според Рихтеровата скала го погоди островот Закинтос во Јонското Море, соопштија грчките власти, при што не се пријавени материјални штети ниту повредени лица.Според Атинскиот геодинамички институт, земјотресот се случил нешто пред 20 часот, со епицентар на околу 85 километри југозападно од Закинтос, на длабочина од 9,2 километри.Закинтос се наоѓа во западниот дел на Грција, регион кој е познат како сеизмички активен и често погоден од земјотреси. Надлежните служби ја следат состојбата, но засега нема информации за дополнителни последици.

Свет | пред 6 дена

Пронајдено телото на петтата жртва од експлозијата во фабриката во Трикала

Тимовите за спасувањегo пронајдоа телото на петтата вработена која беше пријавена за исчезната по силната експлозија и пожарот што ја зафати фабриката за бисквити „Виоланта“ во централниот грчки град Трикала во понеделникот, при што загинаа пет работници.Според државната телевизија ЕРТ, телото е пронајдено на приземјето на фабриката, неколку метри од местото каде што беа пронајдени три од останатите четири тела, сите жени.Експлозијата се случи рано наутро во понеделникот, во производниот дел на фабриката, каде што 13 вработени работеле ноќна смена, соопштија официјални лица. Осум од 13-те работници успеале сами да го напуштат објектот, а три беа пренесени со амбуланта во болница за прва помош, уште три со сопствени возила, додека двајца останале на местото на настанот.Петмина вработени беа пријавени за исчезнати и подоцна беа пронајдени мртви по часови пребарување и спасување.Властите соопштија дека идентификацијата на жртвите ќе биде особено тешка и ќе се изврши преку ДНК анализа.Според првичните наоди на пожарникарската служба, најверојатниот сценарио за експлозијата вклучува истекување на гас користен за работа на индустриските печки во кои се печеле производите на компанијата.

Свет | пред 1 седмица

Црвен метео аларм на Крит: Силен дожд, грмежи и локален град предвидени во Грција

Денес се предвидуваат обилни врнежи, грмежи и локален град за делови од Грција, при што властите го ставија Крит на црвена тревога, по ажурираниот извештај за итни временски услови.Според прогнозата, се очекува облачност со дожд и грмежи на источните егејски острови, Додеканези, Киклади и Крит. Нестабилно време со локален дожд и изолирани грмежи ќе го погоди остатокот од земјата, додека слаби снежни врнежи се очекуваат во планинските предели на северниот копнен дел.Ветровите ќе достигнат 4 до 6 степени според Бофортовата скала, а во некои источни и јужни предели и 7 степени.Во среда, дождот и изолираните грмежи ќе продолжат на источните егејски острови, Додеканези и можеби Крит, додека облачноста и дождот постепено ќе се прошируваат кон западниот, централниот и северниот копнен дел подоцна во денот.

Свет | пред 1 седмица