Трагедија при гаснење пожар во Грција: Загинаа двајца пожарникари, еден е повреден

Двајца пожарникари ги загубија животите, а уште еден е повреден при гаснење пожар во напуштена зграда во Грција. Загинатите се Елиас Валатсос (44) и Георге Зимпидис (23), кој бил вработен во противпожарната служба пред само три месеци.

— реклама —

Според информациите што се објавуваат, двајцата пожарникари паднале во провалија меѓу скалите, по што врз нив се урнал дел од објектот. Повредениот колега бил пренесен во болница.

— реклама —

— реклама —

Грчката полиција уапсила три лица осомничени дека го предизвикале пожарот – 33-годишна жена и нејзините две малолетни ќерки, на возраст од 13 и 16 години. Според објавените информации, тие живееле во напуштената зграда, која претходно била фабрика за ПВЦ-прозорци и врати.

— реклама —

Пожарот наводно избувнал откако пепел од печка на дрва била фрлена во отпад од пластика и хартија во објектот. Полицијата трага и по 44-годишниот сопруг на жената, кој исто така е осомничен, но е во бегство.