23-годишна девојка од Македонија пронајдена почината во Солун

Млада девојка од Македонија е пронајдена почината во стан во областа Неаполи во Солун, објавуваат грчките медиуми.

— реклама —

Според информациите, нејзиното семејство неколку дена не можело да стапи во контакт со неа, по што близок роднина заминал до станот во кој престојувала. Таму ја пронашол без знаци на живот и веднаш ги известил грчката полиција и надлежните служби.

— реклама —

Според првичните информации објавени од грчкиот портал Thestival.gr, досегашните наоди упатуваат дека смртта најверојатно настапила како последица на болест или природен процес во организмот.

При извршената обдукција, засега не се пронајдени траги што би укажувале на кривично дело. Надлежните ги очекуваат резултатите од токсиколошките анализи, кои треба да ја утврдат точната причина за смртта.

— реклама —

Грчките медиуми наведуваат дека девојката, која имала потекло од Македонија, претходно била пријавена за исчезната откако семејството не успеало да воспостави контакт со неа. Истрагата за случајот продолжува, а се проверуваат сите околности поврзани со нејзината смрт.

— реклама —

Според неофицијални информации, девојката била од Прилеп.