29-годишник од Дебарско пијан нападнал полицајци, па кршел инвентар во станицата

29-годишен жител на Дебарско бил уапсен откако физички нападнал полицајци кои извршувале службени дејствија, а потоа оштетил дел од инвентарот во полициската станица. МВР соопшти дека тој бил под дејство на алкохол, со измерени 1,82 промили.

— реклама —

Според полицијата, Е.А. од селото Бајрамовци, Општина Центар Жупа, ги нападнал полициските службеници на 28 август, по што бил лишен од слобода.

— реклама —

— реклама —

По неговото приведување, тој оштетил дел од инвентарот во полициската станица. По извршените проверки било утврдено дека бил во алкохолизирана состојба.

Против него е поднесена кривична пријава за три кривични дела: „напад врз службено лице при вршење работи на безбедноста“, „загрозување на сигурноста“ и „оштетување туѓи предмети“.