дебар

Хорор во Дебарско: жена киднапирана од дворот на својот дом, однесена во напуштена зграда и силувана

Две лица од Дебарскиот регион се лишени од слобода и против нив е поднесена кривична пријава за „грабнување“ и „полов напад и силување“, соопшти Министерството за внатрешни работи.„ОВР Струга поднесе кривична пријава против А.Л. (26) од селото Џепиште поради постоење основи на сомнение дека ги сторил кривичните дела грабнување и полов напад и силување, како и против Е.В. (18) од селото Отишани, поради сомнение за сторено кривично дело грабнување,“ информираат од МВР.Според полициските информации, на 6 ноември 2025 година околу 19 часот, двајцата осомничени насилно ја извлекле 30-годишната жена од дворот на нејзината куќа во село во Дебарско и ја внеле во возило „Ауди“, управувано од Е.В.Потоа се упатиле кон напуштен објект во близина на Струга, каде што А.Л. физички ја нападнал, при што оштетената изгубила свест, а тој потоа ја силувал.По извршениот напад, двајцата ја однеле жената во Општата болница во Струга, каде побарале лекарска помош.Од МВР информираат дека двајцата сторители се пронајдени и уапсени, а против нив е поднесена кривична пријава до надлежното обвинителство.

Македонија | пред 1 месец

Каранфиловa-Пановска од Дебар: На 19 октомври да се обединиме за Македонија да го фати вистинскиот правец

Заменик претседателката на СДСМ, Фани Каранфиловa-Пановска на граѓанската средба „Се бориме за нашиот дом“ во Дебар ги повика граѓаните на 19 октомври, да гласаат за бројот 5, за обединување, за Македонија да го фати вистинскиот правец, бидејќи по година и половина со ДПМНЕ земјата оди во изолација, во поделби, а народот во сиромаштија.„Македонија денес е втора најсиромашна земја во Европа според минимална плата. Сите економски параметри се лоши. Во изминативе 14 месеци над 1,8 милијарди евра нов долг има создадено оваа власт на грбот на народот, а највуваат уште 6 милијадри. Инфлацијата е 4%, повратот на ДДВ за фирмите доцни, над 700 милиони евра има државата долг кон фирмите кој не е вратен“, истакна Каранфиловa-Пановска.Таа нагласи дека нема развој со вакви погрешни политики.„Секој човек мисли што ќе однесе на трпезата дома, како ќе плати сметки, ова не е живот, ова е преживување. Младите се иселуваат, не затоа што не сакаат да живеат овде, туку затоа што државата им ја одзема надежта“, истакна Каранфиловa-Пановска, додавајќи дека токму затоа е важно во Советот на Дебар да има луѓе што ќе се борат за секој локален проект, за секој инвеститор, за секоја идеја што носи развој.„Нашата борба за нашиот дом е борба и за заедништво, за општини коишто обединуваат, за Македонија што се гради со љубов, а не со поделби. Нашиот најголем адут на овие избори се чесните луѓе, нашите кандидати. Ние пред граѓаните изгледуваме со чесна понуда. Овде во Дебар тоа се нашите кандидати на советничката листа, кои ќе бидат вистински глас на народот на чело со Мухамед Имеровски!“, порача заменик-претседателката на СДСМ, Фани Каранфиловa-Пановска во Дебар.

Македонија | пред 2 месеци

Пронајдена почината 27-годишна девојка во Дебарското Езеро

Во водите на Дебарското Езеро, во близина на пумпната станица кај градот Дебар, на 28 јуни 2025 година била пронајдена почината 27-годишна жена, соопшти СВР Охрид.Како што информира портпаролот Стефан Димоски, телото на С.А. од Дебар било лоцирано на околу два метри од брегот. По наредба на јавен обвинител, на местото на настанот бил извршен увид од полициски екипи.Лекар од Општата болница во Дебар констатирал смрт без видливи траги на насилство. Телото е предадено за обдукција, а надлежните институции работат на утврдување на причините за смртта.

Македонија | пред 6 месеци