(Видео) Мицкоски: Новиот социјален станбен објект во Дебар ќе обезбеди дом за семејства во социјален ризик

Премиерот Христијан Мицкоски соопшти дека во Дебар е пуштен во употреба нов социјален станбен објект, со што, како што наведе, многу семејства и лица во социјален ризик добиваат безбеден и достоинствен дом.

— реклама —

Во објава на социјалните мрежи, Мицкоски им посака здравје, среќа и спокој на новите станари и истакна дека Владата ќе продолжи да вложува во проекти што го подобруваат квалитетот на животот на граѓаните.

— реклама —

— реклама —

„Со пуштање во употреба на овој социјален станбен објект во Дебар, многу семејства и лица во социјален ризик добиваат безбеден и достоинствен дом. Владата ќе продолжи да инвестира во вакви проекти што обезбедуваат подобри услови за живот на граѓаните“, напиша Мицкоски.