МИЦКОСКИ

Добрососедството е двонасочна улица, порача Мицкоски: Македонија нема да отстапи ниту милиметар без исполнување на обврските од Бугарија

Премиерот Христијан Мицкоски порача дека Македонија ќе остане на своите позиции во однос на спорните прашања со Бугарија сè додека не бидат исполнети обврските од другата страна, нагласувајќи дека добрососедските односи се процес што бара ангажман од двете држави.„Добрососедските односи се двонасочна улица. Не можете да танцувате сами – или танцувате со партнер или немате партнер“, изјави Мицкоски, додавајќи дека и покрај одредената загриженост околу почетокот на мандатот на новата бугарска влада, очекува разумот да преовлада.Премиерот оцени дека Бугарија се соочува со сериозни внатрешни политички и економски предизвици, кои, според него, може да влијаат врз заострувањето на ставовите кон македонското прашање.Тој истакна дека Македонија останува посветена на изнаоѓање решенија и градење добри односи, но нагласи дека од бугарска страна не се почитуваат претходно преземените обврски.„На маса стојат најмалку 14 пресуди од Стразбур што не се почитуваат“, рече Мицкоски, осврнувајќи се на пресудите на Европскиот суд за човекови права.Во однос на евроинтегративниот процес, премиерот порача дека членството во Европската Унија не смее да биде условувано со дополнителни билатерални барања.„Ако условот е да ги прифатиме сите барања за да влеземе во клубот, тогаш таа игра оваа влада нема да ја игра. Сè додека сум премиер, Македонија нема да се помести ниту милиметар без испорака од другата страна“, нагласи Мицкоски.Тој додаде дека државата ќе продолжи трпеливо да работи на своите стратешки цели, изразувајќи уверување дека Македонија ќе успее да ги надмине предизвиците и во иднина.

Македонија | пред 7 часа

Мицкоски најави поевтинување на дизелот за до 6,5 денари по литар

Премиерот Христијан Мицкоски најави можно поевтинување на дизел-горивото за шест до шест и пол денари по литар, додека цените на бензините би останале речиси непроменети или би се зголемиле за најмногу половина денар.Одговарајќи на новинарски прашања, Мицкоски информираше дека утре ќе се одржи онлајн владина седница на која ќе се разгледуваат мерките поврзани со цените на горивата. Според владините анализи, базирани на движењата на светските берзи во втората половина на мај и во текот на изминатата недела, се очекува постепена стабилизација на цените и на домашниот пазар.Тој посочи дека повластената стапка на ДДВ за бензините ќе се врати од 10 на 18 проценти, додека намалената акциза од два денари по литар за дизелот и безоловните бензини ќе остане во сила. Дополнително, Владата води разговори со компанијата „Окта“ за можни попусти во првата половина на јуни.Според премиерот, и покрај динамичниот тримесечен период на енергетските пазари, земјата успеала да ја зачува ценовната стабилност и непреченото снабдување со нафтени деривати. Тој нагласи дека во одредени денови побарувачката на бензинските пумпи била зголемена и до 50 проценти во однос на вообичаеното ниво.Мицкоски оцени дека и по евентуалните корекции, државата ќе остане меѓу земјите со најниски цени на горивата во регионот, додавајќи дека Владата останува фокусирана на мерки за заштита на животниот стандард на граѓаните.

Македонија | пред 8 часа

„Законот за пушење е подготвен по консултации со сите засегнати страни, нема да има повластени, ќе се спроведува на целата територија на државата“, вели Мицкоски

Премиерот Христијан Мицкоски изјави дека новиот предлог-закон за пушење е изготвен по широк консултативен процес со сите засегнати страни и најави дека неговата примена ќе биде строго контролирана на целата територија на државата, без исклучоци и повластени.На средба во Владата со претставници на здруженија, организации и стопански субјекти, Мицкоски истакна дека законското решение не е донесено еднострано, туку е резултат на разговори со производители, дистрибутери, угостители, хотелиери и други засегнати чинители.„Не постои идеално законско решение. Целта беше да дојдеме до компромис со кој сите ќе имаат одредено ниво на незадоволство, но и чувство дека нивните ставови се слушнати и земени предвид“, рече премиерот.Тој информираше дека предлог-законот следната недела ќе биде доставен на владина седница, каде што ќе биде разгледан од министрите.Според Мицкоски, една од главните цели на Владата е намалување на употребата на тутунски производи и подобра заштита на јавното здравје. Воедно, тој очекува новите законски решенија да придонесат за подобри здравствени резултати кај населението.Премиерот најави засилени инспекциски контроли и нагласи дека законот ќе се применува подеднакво во сите региони на државата.„Нема да има повластени региони, градови или поединци. Ако некој мисли дека поради блискост со одредени структури ќе може да го избегне законот, се лаже. Можеби еднаш или двапати нема да биде откриен, но третиот пат сигурно ќе биде санкциониран“, порача Мицкоски.Тој додаде дека Владата и во минатото носела законски решенија кои не биле популарни, но биле неопходни за заштита на човечките животи, посочувајќи го како пример проектот „Безбеден град“, за кој рече дека придонел за значително намалување на бројот на жртви во сообраќајот во првите месеци од годинава.

Македонија | пред 9 часа

Мицкоски: Љубопитни сме да ги слушнеме новите идеи за проширувањето на ЕУ

Премиерот Христијан Мицкоски изјави дека Владата внимателно ги следи новите идеи за проширување на Европската Унија, но оцени дека е рано за коментари сè додека предлозите не добијат официјална форма.Одговарајќи на новинарско прашање за иницијативата на германскиот канцелар Фридрих Мерц за забрзување на евроинтеграциите на земјите кандидатки, Мицкоски рече дека повеќе детали очекува да бидат презентирани на Самитот на ЕУ и Западен Балкан што ќе се одржи на 4 и 5 јуни во Тиват.„Тие размислувања и идеи ги слушаме подолго време, но не би можел да коментирам ништо додека не станат официјални. Канцеларот Мерц најави ваков развој на настаните уште на состанокот на Берлинскиот процес во Лондон минатата есен“, изјави Мицкоски при отворањето на нов трговски центар во Гевгелија.Премиерот додаде дека уште тогаш било најавено оти во регионот ќе се појават нови предлози и можности поврзани со европската интеграција.„Љубопитни сме да дознаеме повеќе каква е идејата. Претпоставувам дека тоа ќе се случи на Самитот во Тиват. Ќе бидам таму и со нетрпение очекувам да ги слушнам овие концепти и идеи. Откако ќе имаме повеќе суштина, тогаш ќе можеме подетално да зборуваме во јавноста“, рече тој.Според медиумските информации, германскиот канцелар Фридрих Мерц во писмо до европските лидери предложил нови модели за забрзана интеграција на земјите кандидати. За Украина е предложен модел на „асоцијативно членство“, додека за земјите од Западен Балкан и Молдавија се предлага постепено вклучување во европските институции и привилегиран пристап до внатрешниот пазар на Унијата.Мерц смета дека ваквиот пристап би можел да создаде нова динамика во процесот на проширување и да придонесе за побрзи реформи во земјите кандидати, како и за зајакнување на геополитичката улога на Европската Унија.

Македонија | пред 1 ден

Мицкоски: Започна со работа првиот модерен трговски центар „Mega Shopping Park“ во Гевгелија

Премиерот Христијан Мицкоски денеска присуствуваше на отворањето на нов шопинг-центар во Гевгелија, оценувајќи дека инвестицијата претставува значајна додадена вредност за локалната економија и за развојот на регионот.Во своето обраќање, Мицкоски истакна дека објектот има потенцијал да стане атрактивна дестинација за домашните и странските патници кои транзитираат низ земјава по Коридорот 10.„Очекувам ова место да прерасне во точка што ќе ја посетуваат сите оние кои минуваат низ Македонија. Содржините што ги нуди се навистина импресивни, а дополнително се планира отворање на нови продажни места“, рече премиерот.Тој нагласи дека близината до еден од најфреквентните сообраќајни правци во регионот претставува голема предност и можност за привлекување посетители.Мицкоски упати благодарност до градоначалникот на Гевгелија за поддршката во реализацијата на проектот, како и до инвеститорот за вложувањето, оценувајќи дека развојот на приватниот сектор придонесува за зајакнување на државната економија.„Колку повеќе расте и вреди вашиот бизнис, толку државата станува посилна. Тоа е двонасочна улица“, истакна премиерот.Тој изрази уверување дека новиот шопинг-центар ќе придонесе за економски придобивки за Гевгелија и ќе понуди нови можности за посетителите и туристите кои минуваат низ овој дел од земјата.

Македонија | пред 1 ден

Левица: Економскиот „раст“ на Мицкоски е статистичка илузија

Од политичката партија Левица ги отфрлија тврдењата на премиерот Христијан Мицкоски за економските успеси на Владата, оценувајќи дека станува збор за статистички показатели кои, според нив, не ја отсликуваат реалната состојба со која се соочуваат граѓаните.Од партијата наведуваат дека растот на бруто-домашниот производ не може да се смета за вистински економски успех во услови кога државата се задолжува со милијарди евра и кога јавната потрошувачка е значително зголемена.„Реалната економија покажува пад на земјоделското и индустриското производство, зголемен увоз и намален извоз. Домашното производство слабее, а економијата сè повеќе се потпира на задолжување и јавна потрошувачка“, велат од Левица.Според нив, номиналниот раст на БДП може да биде резултат на инфлација, поскапувања и задолжувања, но тоа не значи дека граѓаните имаат подобар животен стандард.Од Левица посочуваат и дека потрошувачката кошничка е значително поскапена, додека платите не го следат растот на цените.Партијата исто така забележува дека дел од економските показатели на кои се повикува Владата се базираат на проекциите на Меѓународниот монетарен фонд, за кои, според нив, нема гаранција дека ќе бидат реализирани.„Граѓаните не живеат од статистички презентации, туку од можноста да ги платат сметките и да обезбедат пристоен живот. Огромен дел од населението не го чувствува растот со кој власта секојдневно се фали“, наведуваат од Левица.

Македонија | пред 1 ден

СДСМ: Уште 2 дена до неисполнување на ветувањето на Мицкоски, нема реформи, нема Груевски - има Стоилковиќ и Кина

Остануваат уште два дена до 1 јуни, датумот до кој премиерот Христијан Мицкоски јавно вети дека ќе ги исполни сите точки од Реформската агенда и обврските поврзани со продолжувањето на европскиот пат на државата, соопшти СДСМ.Од партијата оценуваат дека станува збор за уште едно неисполнето ветување на премиерот, посочувајќи дека реформите не се реализирани, а меѓу нерешените прашања ги наведуваат и обврските од евроинтегративниот процес.Според СДСМ, Владата за две години целосно завршила само две од десетте предвидени точки од Реформската агенда, додека клучното прашање – внесувањето на малцинствата во Уставот – останува нерешено.„Без оваа обврска нема продолжување на преговорите со Европската Унија, нема отворање нови поглавја, нема нови европски фондови и нема подобрување на животниот стандард на граѓаните“, наведуваат од партијата.СДСМ го повика Мицкоски да ги спроведе уставните измени или, како што велат, јавно да признае дека не сака членство на државата во Европската Унија.Во соопштението опозициската партија ја обвинува Владата дека ја води државата кон изолација и дека не ги спроведува потребните реформи за продолжување на евроинтегративниот процес.

Македонија | пред 1 ден

„За период од само 2 години сме оствариле додадена вредност поголема од таа на СДСМ и ДУИ за 6 години, а долгот е за речиси 2 и пол пати помал“, вели Мицкоски

Премиерот Христијан Мицкоски денеска во Собранието изјави дека според податоците на Меѓународниот монетарен фонд, актуелната Влада за две години создала поголема додадена вредност во економијата отколку што, според него, направиле СДСМ и ДУИ за шест години владеење, при значително помало задолжување.Говорејќи на седницата за пратенички прашања, Мицкоски нагласи дека во јуни нема да има ново задолжување, спротивно на тврдењата на опозицијата, и направи споредба меѓу јавниот долг и растот на бруто-домашниот производ во двата периоди.Според премиерот, јавниот долг во периодот од 2017 до крајот на 2023 година пораснал од 4,787 милијарди евра на 8,477 милијарди евра, што, како што рече, претставува нето-задолжување од 3,69 милијарди евра.За актуелната Влада, Мицкоски посочи дека јавниот долг на почетокот на 2025 година изнесувал 9,619 милијарди евра, а дури и според, како што рече, „претпоставките на опозицијата“, задолжувањето би достигнало околу 11 милијарди евра, што би значело нето-задолжување од 1,381 милијарда евра.Премиерот тврдеше дека клучен показател е додадената вредност во економијата, односно растот на номиналниот БДП.„Во периодот од шест години претходната влада успеала да додаде вредност од 4,52 милијарди долари, а државата ја задолжила за 3,69 милијарди евра. Оваа Влада, според ММФ, за две години ќе создаде додадена вредност од 4,66 милијарди евра, а ќе се задолжи за 1,381 милијарда евра“, изјави Мицкоски.Тој нагласи дека разликата во додадената вредност е околу 140 милиони во корист на актуелната Влада.„Да поедноставам – додадената вредност за период од две години е поголема од таа за шест години, а долгот е речиси два и пол пати помал. Тоа се бројки“, рече Мицкоски.Премиерот додаде дека овие оценки не се политички ставови на Владата, туку податоци базирани на анализи на ММФ.„Јас можеби не знам многу за економија, но знам за бројки. И ова не го зборува Христијан Мицкоски, туку ММФ“, изјави премиерот.

Македонија | пред 2 дена

„Правда мора да има, дополнителни буџети без резултати нема да дозволиме“, вели Мицкоски

Премиерот Христијан Мицкоски на денешната собраниска седница за пратенички прашања изјави дека Македонија и во јунскиот извештај за реформската агенда ќе остане пред земјите што се сметаат за фронтранери, но порача дека Владата нема да дозволи дополнителни буџетски средства и зголемувања на примањата во правосудството без конкретни резултати во испораката на правдата.Мицкоски оцени дека граѓаните со право се незадоволни од бавната правда и истакна дека очекува побрза и поефикасна работа од судовите и обвинителството.„Сите ќе се согласиме дека правдата е премногу бавна или воопшто ја нема и дека не сме задоволни. Очекувам во периодот што следува побрза и поробусна испорака на правдата споредено со тоа што било порано“, изјави Мицкоски.Тој посочи дека до обвинителството се доставени околу 120 до 130 ревизорски извештаи во кои, според ревизорите, биле констатирани бројни незаконитости и очекува институциите да постапуваат врз основа на тие наоди.Премиерот нагласи дека Владата обезбедила услови за подобро функционирање на правосудниот систем, меѓу кои ги наведе донесувањето на Законот за Судски совет, измените на Законот за јавно обвинителство, зголемувањето на платите за службениците во судовите и обвинителствата за 40 проценти, како и 200 нови вработувања.Дополнително, како што рече, Владата ја почитувала и одлуката на Уставниот суд за враќање на платите на судиите на нивото од 2025 година.Сепак, Мицкоски порача дека нови покачувања нема да има доколку не се видат конкретни резултати.„Континуирано да обезбедуваме средства за зголемување на буџетите и платите без притоа да има никакви резултати, односно резултати кои нè враќаат назад, тоа како Влада нема да го дозволиме“, истакна премиерот.Тој додаде дека оваа позиција ќе му биде пренесена и на Герт-Јан Копман на следната средба поврзана со реформската агенда.Во однос на евроинтеграциите, Мицкоски повтори дека Владата ќе продолжи да ги реализира сите обврски од реформската агенда, освен прашањето за уставните измени, за кое, како што рече, ставот останува непроменет.„И да не успее овој чекор, ние и во јунскиот извештај ќе бидеме подобри од самопрогласените фронтранери, исто како што бевме и во декемврискиот извештај“, порача Мицкоски.

Македонија | пред 2 дена

„Секој има право да го користи својот мајчин јазик. Но, некој се обидува да создава етнички конфликт каде што го нема“, вели Мицкоски

Премиерот Христијан Мицкоски денеска од собраниската говорница порача дека во новиот Закон за правична застапеност нема да бидат пресудни процентите, туку квалитетот на кадарот, додавајќи дека очекува поддршка од сите пратеници.Одговарајќи на пратеничко прашање од Скендер Реџепи, премиерот истакна дека секој граѓанин има право да го користи својот мајчин јазик, но оцени дека дел од политичарите се обидуваат да создадат етнички конфликт каде што, според него, не постои.„Секој има право да го користи својот мајчин јазик. Но, некој се обидува да создава етнички конфликт каде што го нема“, рече Мицкоски.Во однос на правосудниот испит, премиерот посочи дека законот не пропишува на кој јазик се полага, туку тоа прашање го регулира министерот за правда.Тој ги критикуваше организаторите на протестите поврзани со правосудниот испит, оценувајќи дека испратиле „лош пример“ и дека не истакнале државно знаме на протестот.Мицкоски се осврна и на улогата на Венецијанската комисија, нагласувајќи дека станува збор за важно тело во рамки на европската методологија за преговори.„Не сакам да ги гледам луѓето низ проценти, туку низ квалитет и низ објективна оптика“, изјави премиерот.Тој најави дека Законот за правична застапеност наскоро ќе се најде пред пратениците во Собранието.

Македонија | пред 2 дена

СДСМ: Мицкоски им порача на граѓаните дека ќе ја платат цената додека цело ВМРО си обезбеди пасоши од ЕУ преку Бугарија

Од СДСМ обвинија дека премиерот Христијан Мицкоски со своите изјави признал дека не сака членство на државата во Европската Унија.„По изјавата дека за ЕУ ‘ќе чекаме децении’, денеска Мицкоски им порача на граѓаните дека треба ‘да ја платиме цената’ што нема да станеме членка на Унијата. Нема поголемо признание од ова дека Мицкоски не сака членство во ЕУ“, соопштија од партијата.Од СДСМ велат дека граѓаните се „заложници на криминалот и корупцијата“ и на, како што наведуваат, стравот на Мицкоски од одговорност.Според опозициската партија, најголемата цена ќе ја платат младите, кои ќе продолжат да се иселуваат од државата.„Додека Мицкоски им порачува на граѓаните дека треба да ја платат цената за децениско чекање за членство во ЕУ, цело ВМРО за себе и своите семејства веќе си има обезбедено европски пасоши преку бугарски државјанства“, тврдат од СДСМ.Од партијата оценуваат дека станува збор за „лицемерно и нечесно однесување“ и додаваат дека ВМРО-ДПМНЕ „никогаш не водела битка за државните интереси, туку за власт, бизниси и лични привилегии“.„Лажниот патриотизам падна. Вистината излезе на виделина“, порачуваат од СДСМ.

Македонија | пред 4 дена

Стратешко партнерство меѓу Скопје и Загреб: Фокус на енергетика, безбедност и економија

Премиерот Христијан Мицкоски порача дека договорот за стратешка соработка меѓу Македонија и Хрватска претставува рамка за долгорочно партнерство и јасна политичка определба за продлабочување на односите меѓу двете држави.Во обраќањето по средбата со хрватскиот премиер Андреј Пленковиќ во Охрид, Мицкоски истакна дека посетата има особено значење бидејќи претставува потврда на долгогодишното пријателство и соработка меѓу двете земји.Тој нагласи дека Македонија и Хрватска делат заеднички интереси, регионални предизвици и визија за стабилен и европски Западен Балкан.Според Мицкоски, на средбата се разговарало за билатералната соработка, економијата, инвестициите, инфраструктурата, енергетиката, европските интеграции и регионалната безбедност.Премиерот посочи дека новиот договор ќе овозможи поинтензивна соработка во повеќе области, меѓу кои транспортот, енергетиката, информатичките технологии, индустријата, здравството, образованието, јавната безбедност, сајбер-безбедноста и управувањето со границите.Мицкоски ја потенцираше и важноста на хрватското искуство во процесот на европската интеграција, оценувајќи дека Македонија останува посветена на реформите и европскиот пат и покрај, како што рече, „непринципиелните блокади“.Во фокусот на разговорите била и енергетиката, при што бил потпишан и меморандум за разбирање и соработка во енергетскиот сектор меѓу двете држави.Како НАТО-сојузници, двајцата премиери разговарале и за актуелните безбедносни предизвици, при што била потврдена заедничката определба за зајакнување на регионалната стабилност и евроатлантската безбедност.

Македонија | пред 4 дена

Мицкоски и Пленковиќ разговарале за соработката и европската перспектива

Премиерот Христијан Мицкоски денеска соопшти дека остварил тет-а-тет средба со претседателот на Владата на Хрватска, Андреј Пленковиќ.Според објавата на Мицкоски, на средбата, која се одржала во пријатна и конструктивна атмосфера, се разговарало за продлабочување на соработката меѓу двете држави, регионалната стабилност, европската перспектива и заедничките предизвици.Средбата се одржа во рамки на официјалната посета на хрватската владина делегација на Македонија.

Македонија | пред 4 дена

Мицкоски во Охрид го пречекува хрватскиот премиер Пленковиќ, во фокусот е енергетиката и стратешката соработка

Премиерот Христијан Мицкоски денеска во Охрид ќе го пречека хрватскиот премиер Андреј Пленковиќ, кој престојува во официјална посета на Македонија.Според владината агенда, делегацијата ќе биде пречекана на аеродромот „Св. Апостол Павле“, по што ќе следува тет-а-тет средба меѓу двајцата премиери, како и билатерална владина средба.Во рамки на посетата е предвидено потпишување договори за стратешка соработка меѓу Македонија и Хрватска, како и меморандум за соработка во областа на енергетиката.По официјалните средби, Мицкоски и Пленковиќ ќе одржат заедничка прес-конференција, а на агендата е и бизнис-средба меѓу компании од Македонија и Хрватска.

Македонија | пред 4 дена

СДСМ: Мицкоски ги излажа и ги изневери граѓаните

Членката на Извршниот одбор на СДСМ, Симона Цветановски, на денешната прес-конференција обвини дека премиерот Христијан Мицкоски не ги исполнил ветувањата што ги дал пред доаѓањето на власт.„Граѓаните добро знаат дека Мицкоски, кога клечеше и молеше за власт, ветуваше враќање на името, промена на преговарачката рамка и укинување на Преспанскиот договор. Ги излажа граѓаните“, изјави Цветановски.Таа додаде дека „му пропаднал лажниот патриотизам“ и обвини дека дел од владините функционери поседуваат бугарски пасоши.Од СДСМ тврдат дека Владата не ги исполнила ниту економските ветувања.„По две години Влада на Мицкоски, граѓаните живеат полошо, едвај врзуваат крај со крај, со најниски плати во Европа и секојдневна борба да се преживее од први до први“, рече Цветановски.Таа посочи дека синдикалната кошничка достигнала речиси 69.000 денари, додека минималната плата е 26.000 денари.Според СДСМ, странските инвестиции се намалиле за 61 процент, а бројот на вработени во индустријата за една година опаднал за 2,8 проценти.Цветановски обвини и за зголемување на јавниот долг, тврдејќи дека за две години бил создаден нов долг од 2,5 милијарди евра.„Мицкоски ги излажа и ги изневери граѓаните“, порача Цветановски.

Македонија | пред 5 дена

Мицкоски: Трпението е при крај, правдата ќе ги стигне сите

Премиерот Христијан Мицкоски порача дека не е целосно задоволен од темпото со кое институциите испорачуваат правда и оцени дека е потребна многу побрза реакција од надлежните органи.„Морам да кажам дека и јас не сум до крај задоволен и сметам дека може многу, многу подобро и со многу побрзи резултати“, изјави Мицкоски.Тој рече дека ги слуша реакциите и незадоволството на граѓаните, особено во случаи кога, како што наведе, поединци мислат дека успеале да ја избегнат правдата.„Немојте да мисли кој било од вас дека не ги слушам оние крици на луѓето кои ѝ се смеат на правдата, кои мислат за себе дека се непобедливи и дека ја измамиле правдата“, рече премиерот.Мицкоски упати критики и до дел од обвинителството, за кое оцени дека премногу често бара изговори наместо ефикасно да постапува.„Ним, и на оној дел од обвинителството кој сè почесто смислува изговори, им велам дека трпението е при крај и дека правдата ќе ги стигне сите“, порача тој.Според него, институциите мора побрзо да реагираат на поднесените пријави и предмети.„Нема ни да премолчам кога мислам дека се греши, ниту кога мислам дека треба побрзо да се реагира и кога фиоките во институциите се полнат со пријави и тужби за кои обвинителството треба да реагира побрзо“, изјави Мицкоски.Тој додаде дека во политиката влегол за да воспостави ред, правда и владеење на законите.„Нема да отстапам од тоа да им дишеме во врат на оние кои се богатат и печалат на маката на народот“, порача премиерот.На крајот оцени дека ова е „последна шанса“ актуелната генерација политичари да создаде систем што ќе остане за идните генерации.

Македонија | пред 6 дена

Мицкоски: Без образование нема силна држава, да го чуваме словото, да ја создаваме иднината

Премиерот Христијан Мицкоски денеска се обрати по повод одбележувањето на делото на светите браќа Кирил и Методиј, нагласувајќи дека нивната мисија претставува цивилизациски темел на писменоста, културата и духовниот развој на словенските народи.Тој порача дека народите што се потпираат на словото, образованието и духовноста опстојуваат низ историјата и дека вистинската слобода доаѓа преку правото на сопствен јазик, култура и изразување.Мицкоски истакна дека делото на Кирил и Методиј претставува победа на знаењето над темнината и основа за културната и духовната ренесанса на словенските народи, додавајќи дека нивната мисија и денес останува актуелна во услови на брз технолошки развој и глобални промени.Тој нагласи дека образованието не е само пренос на информации, туку создавање критичка мисла, вредности и карактер, оценувајќи дека тоа е најсилното оружје против сиромаштијата и најсигурната основа за развој на државата.Во своето обраќање, премиерот се осврна и на состојбата со правосудниот систем и борбата против корупцијата, посочувајќи дека потребни се побрзи и поефикасни резултати и дека институциите мора да постапуваат одговорно и без одложување.Мицкоски исто така порача дека државата мора да остане достоинствена на својот европски пат, но без откажување од националниот идентитет и јазик, повикувајќи на обединување на општеството околу клучните национални и образовни цели.Тој заврши со порака дека иднината припаѓа на народите кои инвестираат во знаење, култура и млади генерации, нагласувајќи дека Македонија има потенцијал да гради силна иднина врз својата историја, јазик и духовна традиција.

Македонија | пред 6 дена

Македонија и Словенија ќе ја продлабочуваат политичката и економската соработка, порача Мицкоски

Премиерот Христијан Мицкоски соопшти дека денеска остварил телефонски разговор со словенечкиот премиер Јанез Јанша, при што му упатил честитки за изборот и формирањето на новата влада во Словенија.Во објавата, Мицкоски посочува дека на Словенија ѝ посакал стабилност, напредок и успешна работа во периодот што следи.Тој нагласил дека во разговорот била потврдена заедничката заложба за продлабочување на пријателските односи, политичката соработка и партнерството меѓу двете земји.„Македонија и Словенија продолжуваат да градат силни врски засновани врз меѓусебна почит, европски вредности и заедничка визија за развој, стабилност и подобра иднина за нашите граѓани“, наведува Мицкоски во објавата.

Македонија | пред 1 седмица

Левица: Владата на Мицкоски ги штити коцкарските бизниси поврзани со корупција и поткуп во Австрија

Левица алармира дека македонската коцкарска индустрија е длабоко поврзана со меѓународни компании чии сопственици се гонат за корупција и поткуп на политичари.„Односно, најголем удел во македонскиот бизнис со коцкање има австриската компанија ,,Novomatic AG", која преку низа фирми контролира значителен дел од автомат клубовите во државата.Додека македонските граѓани тонат во сиромаштија, фирмите поврзани со австриската ,,Novomatic" извлекуваат милионски профити од зависноста и социјалната беда. Само една од нивните компании во Македонија – ,,ХТЛ Мацедониа" – во 2025 година остварила чист профит од над 955.000 евра! Особено скандалозно е што токму кога австриското обвинителство официјално подигна обвинение против сопственикот на австриската ,,Novomatic" за поткуп и корупција поврзани со коцкарски лиценци во Австрија, владата на Мицкоски предлага закон со кој коцкарските компании ќе продолжат да плаќаат симболични давачки.Според предлог-законот на Владата, лиценцата за автомат клуб изнесува само 100.000 евра за период од шест години. Тоа значи дека само една фирма поврзана со ,,Novomatic" - за само една година заработува девет пати повеќе од износот што го плаќа за лиценца за период од шест години. Ова е јасен доказ дека законите не се пишуваат во интерес на граѓаните, туку во интерес на коцкарските лобија.Се поставува логичното прашање: како е можно власта на ВМРО-ДПМНЕ да предлага толку ниски давачки за индустрија која врти милиони, ако зад тоа не стојат политички договори, клиентелизам и коруптивни релации?Јасно е дека власта на ВМРО-ДПМНЕ е под директно влијание на коцкарското лоби, кое со години ја поткопува државата преку политички врски, мито и привилегирани лиценци. Наместо заштита на јавниот интерес, Владата се претвора во сервис на странски коцкарски корпорации со сомнително корупциско минато.Додека во европските држави се отвораат истраги за поткуп и влијание врз политичари, во Македонија истите тие компании добиваат повластен третман, ниски давачки и законски решенија скроени по нивна мерка. Тоа е уште еден доказ дека власта на Мицкоски не води борба против криминалот и корупцијата, туку ја институционализира“, велат од Левица.

Македонија | пред 1 седмица

СДСМ: До кога граѓаните ќе чекаат Мицкоски и Филков да пратат документи за екстрадиција на Груевски?

СДСМ ја обвини Владата дека намерно ја одолговлекува постапката за екстрадиција на Никола Груевски и побара документите веднаш да бидат испратени.Од партијата прашуваат до кога граѓаните ќе чекаат премиерот Христијан Мицкоски и министерот за правда Игор Филков да ја завршат процедурата.„Помина повеќе од еден месец, а сè уште нема одговор зошто се кочи постапката“, велат од СДСМ.Според опозициската партија, причината е тоа што власта не сака Груевски да биде екстрадиран, бидејќи неговото враќање би можело да влијае врз состојбите во ВМРО-ДПМНЕ.Од СДСМ упатија и критики кон министерот за правда, оценувајќи дека се обидува да ја зачува функцијата и покрај, како што наведуваат, шпекулациите за негова можна смена.„Доста криминалци штитат криминалци. Испратете ги документите веднаш. Правда сега“, порачаа од СДСМ.

Македонија | пред 1 седмица

Филипче: Бугарија е јасна, Францускиот предлог останува услов

Лидерот на СДСМ, Венко Филипче, напиша дека Францускиот предлог останува на маса и дека, според него, премиерот Христијан Мицкоски повеќе нема простор за нови ветувања.„Бугарија е јасна: Францускиот предлог е на маса. Нема што Мицкоски да ветува - секое негово ветување завршува со неисполнување“, порача Филипче.Тој повторно се осврна на рокот за реализација на Реформската агенда, потсетувајќи дека остануваат уште девет дена до 1 јуни.„Уште 9 дена до 1 јуни и уште едно неисполнето ветување за Реформската агенда“, вели Филипче.Според него, граѓаните повеќе не веруваат во политички изјави, туку очекуваат конкретни резултати.„Граѓаните веќе не веруваат во зборови. Сакаат резултати“, изјави Филипче.

Македонија | пред 1 седмица

По најавата за собир за Вучиќ во Куманово, Мицкоски порача: „Не поддржувам надворешно мешање“

Премиерот Христијан Мицкоски вели дека не поддржува никакво надворешно мешање во внатрешните политики на Македонија, коментирајќи го најавениот собир во Куманово за поддршка на српскиот претседател Александар Вучиќ.На новинарско прашање дали собирот го смета за мешање во внатрешните работи на државата, како што обвинува опозицијата, Мицкоски одговори:„Апсолутно. Не поддржувам било какво надворешно мешање врз внатрешните политики во Македонија.“Тој додаде дека вакви случаи имало и претходно.„Како што тоа беше случај пред некој ден“, рече Мицкоски, мислејќи на протестите за правосуден испит да се полага на албански, на кој дојдоа лица од Косово и Албанија.Премиерот порача и дека Владата нема намера да се меша во внатрешните политики на други држави.„Но исто така, ние како Влада апсолутно немаме намера, ниту пледираме, ниту некогаш сме се мешале во внатрешните и независни политики на било која држава“, изјави Мицкоски.Претходно, на социјалните мрежи беше објавен повик за „народен собир“ во Куманово на 23 мај, пред Српскиот конзулат, под слоганот „Србија победува“, со поддршка за српскиот претседател Александар Вучиќ. На плакатите стои порака: „Дојдете да ја поддржиме нашата матица, нашиот претседател, нашата иднина“.

Македонија | пред 1 седмица

„Многу работи ќе бидат појасни“ – Мицкоски за „исчезнатиот“ вицепремиер Арбен Фетаи

Премиерот Христијан Мицкоски не даде директен одговор на прашањето дали вицепремиерот за добро владеење, Арбен Фетаи, доаѓа на работа и дали зема плата додека подолг период не се појавува во Владата и во Собранието.На новинарско прашање дали има сознанија за отсуството на Фетаи, Мицкоски само најави средба со него следната недела.„Вицепремиерот господинот Арбен Фетаи следната недела имаме јас и тој заеднички состанок, така што после тој состанок многу работи ќе бидат појасни“, рече Мицкоски.Тој додаде дека Фетаи формално сѐ уште ја извршува функцијата.„Инаку, официјално тој е потпретседател на владата, задолжен за добро владеење“, кажа премиерот.Потрагата и интересот по Арбен Фетаи трае веќе втор месец. Не дојде ниту во Собрание на пратенички прашања. СДСМ пак се интересираше колку време не оди на работа, дали за истото време зема плата, како и од каде пари за патување на Тајланд.Во април годинава, премиерот Мицкоски изјави дека Арбен Фетаи најавил повлекување од Владата и дека сака кариерата да ја продолжи во европските институции во Брисел.Тогаш Мицкоски рече дека неговите контакти и искуство би можеле да се искористат преку евентуален ангажман како специјален пратеник.

Македонија | пред 1 седмица

Мицкоски за аферата со шпионажа кај претседателката Сиљановска: „Тоа се шпионски талог и глодари од минатото“

Премиерот Христијан Мицкоски со остри зборови ја коментираше аферата поврзана со сомнежите за шпионажа во Кабинетот на претседателката Гордана Сиљановска-Давкова во Вила Водно, оценувајќи дека станува збор за „шпионски талог на општеството“ и „структури од минатото“.Одговарајќи на новинарско прашање дали има сознанија за случајот и дали може да сподели детали, Мицкоски рече:„Па, видете, тоа се шпионски талог на општеството, структури од минатото. Коишто се наоѓале во кабинетите како глодари на некои поранешни политичари. Претседатели, премиери и така натаму.“Премиерот тврдеше дека тие лица се претставувале како група вработени и испраќале анонимни дописи до обвинителствата.„И тие се претставуваат како група вработени и испраќаат анонимни дописи до обвинителства“, рече Мицкоски.Во изјавата тој директно го спомена и шефот на Обвинителството за гонење организиран криминал и корупција, Ислам Абази.„Се разбира, таму е Ислам Абази, веднаш да истрча и да создаде паника во јавноста дека нешто се случувало“, изјави премиерот.На крајот додаде дека не сака повеќе да ги коментира лицата кои ги нарече „глодари“.„Јас не би ги коментирал овие глодари, бидејќи мислам дека треба да ги заборавиме“, рече Мицкоски.Претходно, „Скопје1“ објави дека Министерството за внатрешни работи не даде конкретен одговор каде се снимките од безбедносните камери од Вила Водно, кои Обвинителството за гонење организиран криминал и корупција ги бара со месеци во предметот за сомнежи за шпионажа и недозволени активности во Кабинетот на претседателката.Според ОЈО ГОКК, предметот бил отворен уште во декември 2025 година по известување од МВР – Сектор за компјутерски криминал, а се однесува на сомнежи дека доверливи електронски податоци од Кабинетот на претседателката биле неовластено копирани и можеби завршиле кај странски разузнавачки структури.Обвинителството соопшти дека со месеци бара копии од видео надзорот од Вила Водно, но дека до денес нема добиено повратни информации од МВР за обезбедувањето на снимките.

Македонија | пред 1 седмица

(Видео) Го прекршија законот за знамиња, за државната химна, Уставот, а навредите се домашно воспитување, вели Мицкоски за протестот за правосудниот

Премиерот Христијан Мицкоски изјави дека го поддржува правото на протест, но оцени дека на вчерашниот протест во Скопје, на кој се бараше правосудниот испит да може да се полага и на албански јазик, биле прекршувани закони и Уставот.„Па, видете, јас поддржувам протести секогаш, тоа е демократско право да се поддржат протести. И тука немам никаква дилема“, рече Мицкоски.Сепак, тој посочи дека му пречи однесувањето на дел од демонстрантите.„Мене лично ми пречи што протестантите коишто практично се правници, коишто се борат за право, го прекршуваат законот, да речеме законот за знамињата. Законот за државната химна, Уставот и така натаму“, изјави премиерот.Мицкоски рече дека нема да ги коментира навредите и инцидентите што се случиле за време на протестот.„Ајде, навредите нема да ги коментирам, тоа е сепак домашно воспитување што во првите 7 години од животот се стекнува, нема да го коментирам ни оној инцидент насилен којшто се случи“, додаде тој.Премиерот спомена и, како што рече, „надворешни мешања“ во внатрешните работи на Македонија.„Нема ни да ги коментирам ни надворешните мешања во внатрешните работи на Македонија на некои надворешни фактори, тоа сѐ ќе го оставиме како фолклор“, рече Мицкоски.Тој посочи дека Владата работи на „трајно решение“ за ова прашање.„Она коешто ние како влада во моментов го работиме е да се обезбеди трајно решение со коешто овој, но и низа други проблеми коишто ги наследивме од минатото, ќе бидат решени“, кажа премиерот.Мицкоски ја нападна и ДУИ, оценувајќи дека партијата имала две децении да ги реши овие прашања, но наместо тоа, решавала „лични прашања“.„Исто така, го осудувам однесувањето на опозициската партија Демократска унија за интеграција, бидејќи тие имаа можност 20 години да ги решат овие прашања, за жал, ништо не направија, но затоа решија многу лични прашања“, рече тој.Во продолжение, Мицкоски додаде:„Ако ја споредите имотната состојба, ќе видите како од голтари се станува милионери, на грбот на националните пароли и на грбот на луѓето коишто мака мачат како од први до први да го поминат месецот“.Претходно, на протестот во центарот на Скопје беа истакнати транспаренти со пораки како „Знаењето нема забранет јазик“, „Овој јазик има маченици зад себе“ и „Политиката го зароби Уставниот суд“.На протестот беа носени албански, американски и знамиња на Европската Унија, а дел од демонстрантите дојдоа и од Приштина. За време на протестот се извикуваше и „УЧК“.

Македонија | пред 1 седмица