МИЦКОСКИ

Филипче: Мицкоски лаже, македонскиот јазик е признаен во ЕУ

Лидерот на СДСМ, Венко Филипче, денеска на прес-конференција го обвини премиерот и лидер на ВМРО-ДПМНЕ, Христијан Мицкоски, дека лаже кога тврди дека македонскиот јазик е загрозен.Филипче изјави дека македонскиот јазик е јасно признаен во Европската Унија и дека тоа е наведено во преговарачката рамка.„Премиерот го спомнува идентитетот, јазикот и така натаму, а тоа е само уште една тема на којашто гледаме дека човекот е лажго. Премиерот лаже“, рече Филипче.Тој потсети дека Мицкоски претходно тврдеше дека Македонија нема да добие датум за преговори со владата на Зоран Заев, а потоа, според него, лажно зборувал и за Преспанскиот договор и за наводна загрозеност на македонскиот јазик.„Во Францускиот предлог, односно во Преговарачката рамка, јасно стои македонски јазик. Не стои ниту со фуснота, ниту како што е цитиран во Уставот. Стои чист македонски јазик“, нагласи Филипче.Тој додаде дека граѓаните треба да ја знаат вистината и оцени дека премиерот се претставува како голем патриот, додека, според него, манипулира со темата за идентитетот и јазикот.

Македонија | пред 17 минути

(Фото) Премиерот со порака до Македонците во Албанија: „Вие го сочувавте македонското име кога било најтешко“

Премиерот Христијан Мицкоски денеска остварил средба со Македонци од Туминец, Преспа и Мала Преспа, при што порача дека на Македонија ѝ е потребно национално обединување и заедништво околу клучните државни интереси.Во објавата, Мицкоски истакна дека обединувањето треба да биде околу иднината на децата, почитта кон историјата и достоинството на македонскиот народ.„Нашите предци не се делеа кога ја бранеа слободата. Не прашуваа кој од каде е, ниту кој на кого припаѓа. Сите стоеја под едно име – Македонија“, напиша премиерот.Тој посочи дека Македонците во Албанија се „нераскинлив дел од македонското национално ткиво“ и им оддаде признание за зачувувањето на македонскиот идентитет низ децениите.„Вие го сочувавте македонското име, јазикот, традицијата и духот и тогаш кога било најтешко“, наведува Мицкоски.Во пораката до Македонците во Албанија, премиерот порача дека Македонија нема да ги заборави.„Матицата нема да ве заборави. Македонија стои со својот народ каде и да е, со почит, со грижа и со искрена поддршка“, додаде Мицкоски.

Македонија | пред 1 час

Мицкоски: Пазар со идентитетот никогаш нема да правам

Премиерот Христијан Мицкоски на свеченоста по повод 9 Мај – Денот на победата над фашизмот и Денот на Европа порача дека Европа е нашиот единствен пат и оти нашата татковина нема друга иднина и шанса за успех освен интеграцијата во Европската Унија.Мицкоски истакна дека во Европа не гледа само како на географија и оти Европа треба да биде вредност, како и дека мора да се разговара за трајни решенија по кои ќе можеме да одиме напред, а не за решенија со кои ќе оставиме големи товари на нашите потомци.„Денес стоиме исправени пред историјата. Пред ден кој не е само датум во календарот, туку ден врежан во совеста на човештвото. Ден на победата над фашизмот. Ден кога светот покажа дека злото може да биде поразено, дека тиранијата не е вечна и дека слободата секогаш ја наоѓа својата сила во народите кои не се предаваат. Овој ден е и белег за трудот и постојаноста на многу генерации кои се бореа за слобода. Големите работи не доаѓаат незаслужено, а кога станува збор за нашата татковина, ќе се согласите дека секој голем чекор на нашите комити, војводи и партизани е испишан низ историските страници со многу жртви, буни, востанија и со непоколеблива и пркосна желба за своја држава и слобода. Нема народ кој до овие цели не стигнал со многу препреки, но нашиот го имаше најдолгиот пат, по кој дојде државата.Ние, Македонците, многу добро ја разбираме цената на слободата. Нашата историја не е историја на покорување, туку историја на отпор. Историја на луѓе кои, и кога биле малубројни, знаеле да бидат големи. Историја на генерации кои ја чувале идејата за своја држава, свој јазик, свој идентитет и свое достоинство.Зад мене е споменикот на ослободителите. Погледнете го убаво. Во него, низ седум ликови, се раскажува приказната за нашата борба. Борец на чело кој со пушка во рака ги охрабрува борците на јуриш, жена во одлучен став со пушка во рацете, дете меѓу борците, борец кој со едната рака придржува ранет другар, а со другата фрла бомба, борец во умирање кој со своите последни сили го држи знамето на слободата и младинец кој се подготвува за напад кон поробителите. Ова е само една епизода од плејадата драматични слики од нашата историја. Токму вака изгледала и битката на оние кои ја донесоа слободата.И денес пред мене се дел од вистинските ликови од оваа епопеја и нивните наследници. Како премиер, но пред сè како човек, имам обврска да изразам почит кон делото и жртвата, кон вас и илјадници други кои испишаа историја. Нивните имиња и дела мора да ги паметиме.Во годините на Втората светска војна, македонскиот народ, рамо до рамо со своите сограѓани Албанци, Турци, Роми, Срби, Власи и Бошњаци, застана на вистинската страна на историјата. Илјадници борци ги положија своите животи за слободата која денес ја живееме. Тие не се бореа само против окупаторот. Тие се бореа за правото човекот да живее слободно, да говори на свој јазик, да го чува своето име и да верува во иднината.И затоа денес, кога се поклонуваме пред нивната жртва, не смееме да дозволиме нивниот подвиг да биде заборавен или релативизиран. Слободата никогаш не е подарок. Таа е избор, жртва и одговорност. И колку тоа некој да сака да го сокрие или прескокне, нашите предци беа на исправната страна на историјата. Имаше и такви челници на народи кои тоа не беа. Беа непријатели во оваа битка и низ нишан се гледаа. И тоа не беа администратори, туку окупатори.И јас, без ни малку предрасуди, на сето ова гледам како на историски факти, сакал некој да признае или не, се срамел некој или не. Народите кои се издигнаа над таквите парадигми и не робуваа на историските дамки дека нивните раководства биле на погрешната страна, отидоа многу напред. Но има и такви кои заглавија во историјата и со себе сакаат да ги повлечат и другите.Моралната вертикала е многу голема кога ќе се соберат сили да се зборува и за недостатоците и грешките кои одредени држави и народи ги правеле. И тоа не може да биде една иста генерална слика за цел народ, ниту еден народ да се гледа како непријател. Тоа е заслуга и последица на тогашните раководства и нивните челници.Но во исто време, како граѓанин и како човек кој има мандат да одлучува за процесите, ниту сега ниту во иднина нема да замолчам кога станува збор за вистината за нашата борба и нема да престанам да ги вреднувам заслугите на нашите предци кои ја изборија слободата. Повторувам – тие беа на вистинската страна. На страната на слободата. Против фашизмот.Овие лекции се и лекции за Европа.Европа тоа го научи на најтешкиот можен начин. Од урнатините на војната се роди идејата за европско обединување. Не како политички проект на бирократи, туку како цивилизациски завет – дека никогаш повеќе народите нема да се уништуваат меѓусебно. Европа на солидарност, вредности и принципи. А што се принципите ако не правила кои треба да важат за сите, норми кои треба да донесат просперитет и иднина.Ние верувавме во тоа и сè уште веруваме дека Европа е нашиот единствен пат. Нашата татковина нема друга иднина и шанса за успех освен интеграцијата во Европската Унија. Но, исто така, да не се залажуваме – постои и горко искуство од многу откажувања, препреки и неразумни спорови на овој наш пат. Тоа силно и длабоко фрустрира, кога принципите се кршат токму врз грбот на оние кои бараат принципи и праведна шанса. Исто како што обесхрабрува и рамнодушноста на многу поголеми држави кон овие неправедни епизоди на нашиот народ и држава.Јас на Европа не гледам само како на географија. Европа треба да биде вредност. Европа е верба во човековото достоинство, во демократијата, во владеењето на правото, во почитта кон различностите и во правото секој народ слободно да чекори по својот пат.Разбирам и дека Европа денес повторно се соочува со предизвици. Војни, поделби, радикализам, економска неизвесност и криза на доверба. Во време кога повторно се слуша јазикот на омразата, наша должност е да бидеме глас на разумот, стабилноста и единството. Мора да разговараме и да се обидуваме, затоа што само така можеме да дојдеме до решенија. Но не решенија со кои ќе оставиме големи товари на нашите потомци, туку трајни решенија по кои ќе можеме да одиме напред.Секој што ме знае добро, уверен е дека, колку и да постојат празнини и недржавничко однесување во нашиот политички естаблишмент, добро знае дека пазар со идентитетот, пазар со нашето достоинство во замена за какви било лични или политички придобивки, какви што имало во нашата понова историја, никогаш нема да правам. Ниту ми паднало на ум такво нешто. Оваа моја позиција им пречи на неколкумина, но и тие знаат дека честа нема цена и дека никогаш нема да нанесам каква било штета на нашата заедничка татковина.Како народ отсекогаш сме знаеле дека силата е во заедништвото. Во нашата историја имало моменти кога сме биле делени, разочарани и оттурнати. Но секогаш кога сме биле обединети околу државата, околу народот и околу иднината – сме победувале. Денес ни е потребно токму тоа. Обединување. Не обединување во стравот, туку во надежта. Не во омразата, туку во визијата. Не во поделбите, туку во заедничката борба за подобар живот, посилна економија, праведно општество и држава во која младите ќе сакаат да останат.Големите чекори секогаш ги правеле поединците кои ја гледале големата слика. Жал ми е што таа рака за обединување многупати беше одбиена. Но, има и такви политичари коишто за да стигне до обединување, треба да знае дека мора да чекори напред, а не да стои во место или да одат назад. Да не одбива разговор, затворена во своите кругови и целосно отсечена од реалноста.Медиокритетите од таквите редови создаваат лицемерен отсјај кој може да се види и во изјавите и критиките дека се за единство и европска интеграција, а не гласаат ниту еден закон од реформската агенда која е приоритет на истата таа Европа. Таквиот нихилизам создава омраза, но и облак во кој ни самите не можат да се препознаат.И нивното талкање низ таквиот простор се гледа и во променливоста и неконзистентноста на ставовите. Најчесто нивните ставови за клучните прашања се разликуваат од утро до пладне. А чести се случаите кога при очи се прават слепи, а при уши – глуви. Политиката на кодошење на сопствената земја таквите ги прави добри слуги на туѓи фактори, но не и пријатели на својот народ. И затоа, повеќе од кога било, потребно е да ја видиме суштината и да постигнеме единство. Но единство на принципи и вредности.Нашата борба денес не е со оружје. Нашата борба е за знаење, за развој, за институции и за достоинствен живот. Борба против сиромаштијата, корупцијата, неправдата и безнадежноста. И таа борба мора да ја добиеме со истата решителност со која нашите предци ја бранеа слободата.Како што рекол Винстон Черчил: „Успехот не е конечен, неуспехот не е фатален – важна е храброста да се продолжи понатаму.“Токму таа храброст денес ѝ е потребна на татковината.Да продолжиме напред со исправена глава. Да градиме држава која ќе биде почитувана, стабилна и просперитетна. Држава која нема да биде симбол на поделби, туку пример за достоинство и напредок.Знам дека не се живее лесно. Знам дека многу семејства секој ден прават пресметки како да го поминат месецот. Дека ценовните шокови, инфлацијата и скапиот живот се најголемата грижа на граѓаните. И тоа не е само ваша грижа – тоа е и моја лична грижа. Затоа сè што правиме во овој период е насочено кон тоа државата повторно да ја застанеме на нозе, да ја закрепиме економијата и да создадеме сигурност и перспектива за секој човек.Нашата политика е политика на четири клучни столба.Првиот столб е економијата и животниот стандард. Нашата цел е јасна – повисоки плати, повеќе инвестиции, нови работни места и силна домашна економија. Работиме на поддршка на компаниите, на отворање нови капацитети, на инфраструктурни проекти и на финансиска стабилност.Вториот столб е образованието. Моќта на образованието е најсилниот лек против сиромаштијата. Држава која инвестира во знаење, инвестира во својата иднина. Затоа вложуваме во училишта, во подобри услови за учениците и наставниците, во модерни програми и дигитализација. Сакаме младите да добијат образование кое ќе им отвора врати, а не ќе ги тера да ја бараат иднината надвор. Образованието мора да биде двигател на промените и надеж за секое дете.Третиот столб е правдата. Народот со години беше разочаран од двојните аршини, од чувството дека за едни има закон, а за други нема. Затоа рековме – нема да има наши и ваши, нема да има заштитени и недопирливи. Граѓаните мора повторно да поверуваат дека институциите постојат за да служат на народот, а не на поединци.Четвртиот столб се младите и иднината. Нема иднина ако младите ја губат надежта. Затоа нашата борба е да создадеме држава во која младите ќе сакаат да останат, да создаваат семејства, да работат и да успеваат. Сакаме младите луѓе да бидат двигател на промените, а не сведоци на разочарувања. Нашата обврска е да им оставиме држава со перспектива, достоинство и верба дека најдоброто време допрва доаѓа.Економија и стандард, правда, образование и иднина.Драги пријатели,Нека 9 Мај биде потсетник дека слободата и мирот не се нешто што еднаш се добива и засекогаш се чува. Тие секоја генерација повторно ги брани – со мудрост, со работа и со единство.Денес, кога се поклонуваме пред жртвите кои го победија фашизмот, не смееме да заборавиме една голема вистина – слободата никогаш не е подарена. Таа е избор. Таа е борба. Таа е жртва. И секоја генерација има должност повторно да ја брани, со мудрост, со единство и со човечност.9 Мај не е само датум од историјата. Тоа е потсетник дека и во најтемните времиња народите можат да најдат сила да се обединат околу доброто. Дека омразата и поделбите никогаш не смеат да бидат посилни од достоинството и надежта. И дека Европа не е создадена само од договори и институции, туку од солзите на мајките, од жртвата на хероите и од сонот никогаш повеќе да не се повтори злото на војната.Ние, добро ја знаеме цената на слободата. Знаеме што значи борба за своја држава, за свое име и за свое достоинство. И токму затоа денес испраќаме порака дека остануваме на страната на мирот, слободата и европските вредности. Да градиме Европа која не заборава.Европа која обединува. Европа на народите, достоинството и можностите. Но пред сè – да градиме држава како дом во кој секој човек ќе живее со надеж, сигурност и вера во иднината. Нека е вечна славата на хероите кои ја победија темнината. Нека е вечна идејата за слобода. Доаѓа времето на Македонската иднина – горда, исправена и европска“ изјави Мицкоски.

Македонија | пред 1 ден

Владата вложува во спортот, тоа е иднината на Македонија, вели Мицкоски

Христијан Мицкоски на денешната пре-конференција порача дека Владата ќе продолжи да вложува во спортот и младите, оценувајќи дека спортот претставува важен дел од иднината на Македонија.На отворањето на првата сезона од „Плазма“ спортски игри за млади на плоштадот во Скопје, Мицкоски рече дека атмосферата и присуството на младите претставуваат „прекрасна и божествена глетка“.„Убеден сум дека овие денови, недели и месеци од вашите животи ќе ги паметите цел живот“, им порача премиерот на учесниците.Тој ги повика младите да спортуваат, да се дружат и да учат, нагласувајќи дека спортот е иднината на државата.Мицкоски упати благодарност и до наставниците и професорите присутни на настанот, додавајќи дека Владата ќе продолжи да стои зад младите и спортските активности.„Нека е со среќа, нека е со успех и нека победи подобриот“, порача Мицкоски.

Македонија | пред 2 дена

Во месеците кои што следат ќе има ново проширување на лекови на позитивната листа, вели Мицкоски

Премиерот Христијан Мицкоски на денешната пре-конференција најави дека во наредните месеци се очекува ново проширување на позитивната листа на лекови, посочувајќи дека Владата работи на промени во здравствениот сектор какви што, според него, не се случиле со години.Одговарајќи на новинарско прашање, Мицкоски истакна дека граѓаните наскоро ќе добијат нови лекови кои ќе бидат достапни преку позитивната листа.„Очекуваме во месеците што следат нови убави вести за македонските граѓани со нови лекови кои ќе бидат вклучени на позитивната листа“, изјави Мицкоски.Тој нагласи дека здравствениот систем претставува сериозен предизвик и дека е потребен поодговорен однос кон неговото функционирање.Според премиерот, државата ќе продолжи да инвестира и да ги штити интересите на граѓаните, но истовремено очекува одговорно однесување од сите вклучени во системот.„Не можеме континуирано да го исцрпуваме системот, а истовремено да очекуваме квалитетни услуги и сервис“, рече Мицкоски.Тој посочи и на можни злоупотреби во здравствениот систем, споменувајќи примери со пријавување прекувремени часови и дежурства кои, како што рече, не соодветствуваат со реалната работа.„Ќе треба и ние многу повеќе да водиме сметка за општиот интерес и интересот на граѓаните“, додаде премиерот.

Македонија | пред 3 дена

Германските компании не се само инвеститори, тие се партнери во трансформацијата на нашата македонска економија , вели Мицкоски

Премиерот Христијан Мицкоски се обрати на German-Macedonian Business Summit 2026, истакнувајќи дека соработката со германските компании претставува клучен сегмент во економската трансформација на државата.Тој нагласи дека германските компании не се само инвеститори, туку и партнери во развојот на македонската економија, кои носат нови стандарди, технологии и корпоративна култура.Мицкоски посочи дека светската економија се менува брзо и дека Македонија мора да се прилагоди преку дигитална трансформација, иновации и инвестиции во човечки капитал.„Нашата цел е јасна — да изградиме модерна, ефикасна и конкурентна економија интегрирана во европските синџири на вредност“, истакна премиерот, додавајќи дека Владата работи на намалување на административните бариери и подобрување на бизнис-амбиентот.Тој нагласи дека економскиот раст повеќе не може да се базира на евтина работна сила, туку на знаење, технологија и автоматизација, при што посебен акцент стави на дигитализацијата и образованието.Мицкоски порача дека Владата инвестира во инфраструктура, иновации и дуално образование, со цел младите да ја градат својата иднина во земјата, а не надвор од неа.На крајот, тој истакна дека Германија останува стратешки партнер и дека преку заеднички проекти и доверба може да се создаде стабилен економски раст и модерна европска Македонија.

Македонија | пред 3 дена

Можно е нови партии да влезат во Владата, со сигурност има промена на кадри во јуни - кој заминува?

Премиерот Христијан Мицкоски најави дека во текот на јуни ќе следуваат разговори за тоа како ќе изгледа Владата во иднина, откако ќе заврши внатрепартиската реорганизација во ВМРО-ДПМНЕ.Одговарајќи на новинарско прашање поврзано со можната реконструкција и позицијата на министерот за труд и социјала Фатмир Лимани, Мицкоски рече дека анализите се во тек, но дека засега нема конечни одлуки.„Привршуваме со внатрепартиската реорганизација, очекувам овој месец да ја завршиме и во јуни да се посветиме на усогласување на ставовите за тоа како ќе изгледа Владата во иднина“, рече Мицкоски.На дополнително прашање дали веќе е утврдено кој не ги исполнува очекувањата и кој би можел прв да биде заменет, премиерот посочи дека сè уште нема конечни заклучоци, но дека се прават анализи.„Сè уште немаме така длабински размислувано, но правиме анализа, и јас лично, но и луѓето од мојот кабинет, имаме некакви индикации. Во јуни ќе имаме повеќе детали“, додаде тој.Во однос на евентуална прераспределба на политичката моќ меѓу коалициските партнери, Мицкоски рече дека ВМРО-ДПМНЕ ќе настапи со свој став, базиран на анализите, но ќе ги слушне и позициите на останатите партнери во владината коалиција.„Би сакале да ги слушнеме и ставовите на останатите коалициони партнери и се надевам дека како стратешка коалиција и понатаму успешно ќе продолжиме да ја водиме македонската Влада“, изјави премиерот.На прашањето дали е можно нови партии да се приклучат во рамки на реконструкцијата, Мицкоски кратко одговори: „Сè е можно, да“.

Македонија | пред 3 дена

Мицкоски: Стратегијата за демографска отпорност 2026-2046 е национална рамка за иднината на државата

Премиерот Христијан Мицкоски на Втората регионална министерска конференција за демографска отпорност, што се одржува во Скопје, истакна дека новата „Стратегија за демографска отпорност 2026–2046“ претставува долгорочна национална рамка за справување со демографските предизвици и градење одржлива иднина.На настанот, на кој учествуваат високи претставници од Обединетите нации, Советот на Европа, УНЕЦЕ, УНФПА и повеќе од 25 држави, Мицкоски порача дека демографските промени веќе не се статистичко прашање, туку суштинска општествена реалност која директно влијае врз образованието, економијата, здравството и пазарот на труд.Тој нагласи дека празнењето на одредени региони, одливот на млади и притисокот врз социјалните системи бараат нов пристап, заснован на долгорочни и системски политики, а не на краткорочни мерки.„Оваа стратегија не е формален документ, туку национална рамка за иднината. Нејзината суштина е во луѓето и во создавање услови младите да останат, семејствата да опстојат, а повозрасните да живеат достоинствено“, истакна Мицкоски.Тој додаде дека клучните столбови на стратегијата се инвестиции во човечки капитал, зајакнување на семејствата, инклузивни политики за сите категории граѓани и трансформирање на миграцијата во развојна можност преку ангажман на дијаспората.Според него, демографските предизвици се заеднички за Европа и поширокиот регион, поради што е неопходна засилена меѓународна соработка и размена на искуства.Во завршниот дел од обраќањето, Мицкоски испрати порака за поголема општествена одговорност, нагласувајќи дека државата се гради преку личен придонес и дека иднината зависи од заедничката посветеност кон домашниот систем и економија.„Системот сме ние самите. Ако сакаме подобра иднина, мора да придонесуваме дома“, порача премиерот.

Македонија | пред 3 дена

Започна Интрадеј пазарот на МЕМО – нова фаза во развојот на македонскиот електроенергетски систем

Со стартот на Интрадеј пазарот на МЕМО, Македонија влегува во нова фаза на развој на електроенергетскиот систем, што претставува значаен чекор кон негова либерализација, модернизација и поблиска интеграција со европскиот енергетски пазар. Настанот, организиран од Националниот оператор на пазар на електрична енергија – МЕМО ДООЕЛ Скопје, се одржа во присуство на владини претставници, институции, енергетски компании и меѓународни партнери.Министерката за енергетика, рударство и минерални суровини, Сања Божиновска, истакна дека воспоставувањето на Интрадеј пазарот претставува нова фаза во развојот на електроенергетскиот систем и важен механизам за зголемување на неговата флексибилност и ефикасност. Таа посочи дека процесот во минатото бил забавен поради институционални слабости и недоволна стратешка насоченост, но дека со координирана работа и политичка волја бил реализиран овој сегмент од пазарот.Божиновска нагласи дека новиот пазар овозможува управување со електричната енергија во реално време, што е особено важно во услови на динамичен енергетски систем. Според неа, компаниите сега добиваат можност за прилагодување на своите позиции непосредно пред испорака, намалување на трошоците за дебаланс и поефикасно управување со производството и потрошувачката.Таа додаде дека Интрадеј пазарот има значајна улога во енергетската транзиција, особено во интеграцијата на обновливите извори на енергија, бидејќи овозможува поголема стабилност при користење на извори како сонце и ветер. Ова, според неа, претставува чекор кон поодржлив и поконкурентен енергетски систем.Министерката порача дека ова не е конечна цел, туку почеток на следна фаза – поврзување на македонскиот пазар со европските преку механизам на пазарно спојување, што ќе донесе поголема ликвидност, подобри ценовни сигнали и заштита на домашните компании од дополнителни трошоци поврзани со европските регулативи.Во своето обраќање, таа истакна дека Министерството ќе продолжи со зајакнување на институционалните капацитети, унапредување на регулаторната рамка и поттикнување на инвестиции во енергетската инфраструктура и обновливите извори.Од МЕМО беше нагласено дека со воведувањето на Интрадеј пазарот системот добива можност за работа во реално време, со појасни ценовни сигнали и поефикасно управување со ресурсите, додека меѓународните партнери ја истакнаа важноста на овој чекор за регионална енергетска интеграција.Со оваа реформа, Македонија ја зајакнува својата позиција како активен и кредибилен учесник во европскиот енергетски систем, отворајќи нова фаза на развој, конкурентност и одржливост во секторот.

Македонија | пред 4 дена

Најмногу се зголемени цените на авио-картите, а цените на храната се зголемени за 1%, вели Мицкоски

Премиерот Христијан Мицкоски изјави дека Владата има ограничен простор за интервенции во однос на растот на цените, оценувајќи дека замрзнувањето на цените и маржите не е добро решение.Одговарајќи на новинарско прашање дали се планираат мерки за храната, Мицкоски рече дека Владата ги анализира податоците од Државниот пазарен инспекторат и дека зголемувањето на цените на месечно ниво е релативно ниско.„Бројките што ги добиваме за цените на храната на месечно ниво, април наспроти март, се некаде под 1% зголемени. Најмногу се зголемени транспортните услуги, особено кај нискобуџетните авиопревозници и картите, што влијае врз крајната инфлација“, изјави премиерот.Тој посочи дека инфлациски притисоци има и во регионот, наведувајќи дека во Бугарија инфлацијата е над 6%, во Хрватска околу 6%, а во Грција околу 5%.„Нема како ние да останеме имуни на ова, имајќи предвид дека лани во овој период имавме и Велигденска кошница“, рече Мицкоски.Премиерот очекува стабилизација на цените во наредниот период, со проекција инфлацијата да падне под 4%, а до крајот на годината да се движи меѓу 2 и 3 проценти, особено доколку се стабилизира ситуацијата на Блискиот Исток.На дополнително прашање дали Владата има конкретни мерки, тој кратко одговори: „Има, да“, но појасни дека просторот за маневар е ограничен.„Немаме ние простор голем како влада, освен да влијаеме на данокот на додадена вредност. Ако ги замрзнеме цените и маржите, тие ќе се прелеат во другите месеци и тоа се покажа како лоша мерка“, изјави Мицкоски.

Македонија | пред 4 дена

Годинава нема избори, ВМРО-ДПМНЕ е подготвено и за предвремени во 2027 година

Премиерот Христијан Мицкоски изјави дека оваа година нема да има избори, нагласувајќи дека 2026 е година на реформи и консолидација, а редовните избори се очекуваат во 2028 година.„Мојот став е дека оваа година избори нема. Оваа година е реформска и година на консолидација. Јас би сакал да имаме редовни избори, коишто ќе се случат наскоро, во пролетта 2028 година“, изјави Мицкоски.Тој додаде дека, иако ВМРО-ДПМНЕ е секогаш подготвена за избори, приоритет во моментот е спроведување на реформи и зголемување на економската активност.„ВМРО-ДПМНЕ секогаш е подготвено да оди на избори и да победи, но она коешто ние сега го правиме и коешто ни е нашиот фокус е да испорачаме реформи и да ја зголемиме економската активност, со што ќе ја зголемиме и стандардот на граѓаните“, рече премиерот.На новинарско прашање за претходни изјави дека може да има избори, Мицкоски одговори дека изборите се редовен процес утврден со закон.„Наскоро, мора да има избори. Такви се законите. На 4 години секогаш ќе има избори“, изјави тој.

Македонија | пред 4 дена

Мицкоски: Над 15.000 нови работни места во последната година

Премиерот Христијан Мицкоски на денешната пре-конференција изјави дека во последната година се создадени над 15.000 нови работни места, посочувајќи дека во државата во моментов има околу 710.000 вработени и помалку од 90.000 регистрирани невработени.Тој додаде дека, доколку се земат предвид различни категории во статистиката, реалниот број на невработени е значително понизок и изнесува под 5% од работоспособното население, што, како што рече, претставува историски најниско ниво од независноста.Мицкоски нагласи дека економските резултати се должат на зголемена инвестициска активност и владини мерки за поддршка на стопанството, вклучително и субвенционирани кредити со ниски каматни стапки.Тој посочи дека во изминатиот период се реализирани голем број инфраструктурни проекти низ општините, кои, како што рече, не прават разлика меѓу политичка припадност на локалната власт, и се реализираат под еднакви услови.

Македонија | пред 5 дена

Мицкоски за членот на неговото обезбедување кој ја нападна својата сопруга: Законот важи за сите, без исклучок

Премиерот Христијан Мицкоски, на денешната прес-конференција, одговарајќи на новинарско прашање, се осврна на случај со припадник на неговото обезбедување кој е уапсен по пријава за физички напад врз сопругата.Тој истакна дека во конкретниот случај институциите постапуваат и дека законот важи подеднакво за сите, без исклучок.Мицкоски нагласи дека ова не е единствен случај поврзан со лица од неговото обезбедување и дека нема толеранција за какви било прекршувања.Според него, системот функционира и постапувањето на надлежните органи е доказ дека нема заштитени лица, за разлика од претходни практики, како што рече, кога слични случаи не биле санкционирани.Тој додаде дека не толерира недисциплина и дека секој што ќе го прекрши законот ќе сноси одговорност.

Македонија | пред 5 дена

Одморите поминете ги во Македонија, имаме прекрасни планини и езера, препорача Мицкоски поради новиот систем на ЕУ

Премиерот Христијан Мицкоски упати апел до македонските граѓани дел од летниот одмор да го поминат во земјата, по воведувањето на новиот дигитален систем за евиденција на патници од страна на Европската Унија, за државјани од земји кои не се членки на Шенген-зоната.Одговарајќи на новинарско прашање дали Владата ќе побара одложување на примената на системот во летниот период, Мицкоски изјави дека се водат разговори во рамките на Европската Унија, но нагласи дека Македонија располага со доволно домашни туристички капацитети.Тој ги повика граѓаните да ги искористат природните убавини на земјата, истакнувајќи ги езерата, планините и селата, и порача дека „самите треба да си ја чуваме земјата затоа што друга немаме“.Повод за новите мерки е системот на Европската Унија познат како „влез–излез“ (EES), кој се однесува на државјани од трети земји и се применува во 29 европски држави. Системот предвидува при прв влез патниците да даваат биометриски податоци, вклучувајќи скенирање на пасош, отпечатоци од прсти и фотографија.Иако е наменет за поефикасна гранична контрола, неговата примена веќе предизвикува доцнења и гужви на дел од европските гранични премини, особено во периоди на зголемен сообраќај.

Македонија | пред 5 дена

Мицкоски со одговор по изјавите на Груевски: Секој кој е соочен пред правосудните органи, има права согласно законите

Премиерот Христијан Мицкоски изјави дека ставот на Владата во однос на владеењето на правото останува непроменет, коментирајќи ги последните реакции поврзани со статусот на Никола Груевски.„Мојот став е оној кој го кажав пред неколку недели, тој е непроменет. Тој важи за сите кои се грижат за владеењето на правото и тоа ќе остане. Немаме двојни принципи, а тие кои веруваат во владеење на правото ќе го поддржи ова однесување на Владата, а секој кој е соочен пред правосудните органи, има свои права согласно законите и Уставот и тие му се на располагање“, изјави Мицкоски.Тој додаде дека во однос на обвинувањата и политичките реакции, постои јасна правна рамка.„Што се однесува на тврдењата на СДСМ, си има правна процедура и се разбира дека сите правни процедури ќе бидат застапени“, рече Мицкоски.Претходно, Никола Груевски преку јавен настап упати серија обвинувања, тврдејќи дека против него се водел политички прогон во периодот на поранешната власт, со, како што наведе, „монтирани судски постапки“ и притисоци врз сведоци и судии.Груевски, кој има азил во Унгарија, ја критикуваше и актуелната постапка за негова можна екстрадиција, повикувајќи на, како што наведе, „проверка на сите неправди и злоупотреби од минатото“.Случајот повторно ја отвора дебатата за правосудниот систем и политичките влијанија, додека институциите најавуваат дека ќе постапуваат согласно законските процедури.

Македонија | пред 6 дена

Мицкоски: Продолжуваат мерките за ниски цени на горивата, Македонија има најниски цени во регионот

Премиерот Христијан Мицкоски изјави дека Македонија, според одредени економски анализи, се наоѓа меѓу водечките земји во Европа по одредени параметри поврзани со фискални мерки и нивното влијание врз БДП.„Горди сме што можеме да влијаеме на подобар стандард и кај граѓаните од соседните држави. Македонија останува фактор на стабилност и продолжуваме со политики што значат подобар животен стандард“, рече Мицкоски, додавајќи дека владата останува на мерките за намалени акцизи и намалено ДДВ за горивата, со што, како што нагласи, земјата има меѓу најниските цени на горива во регионот.На новинарско прашање за можни ограничувања во договорите за препродажба на гориво, премиерот одговори дека не ги проверувал договорите и дека тоа е надлежност на институциите.„Институциите ќе проверат сè што треба да се провери. Препродажбата и реекспортот се различни работи“, истакна тој.Мицкоски се осврна и на економските движења, наведувајќи дека во март е забележан раст на индустриското производство од околу 3 отсто, а трговијата на мало бележи раст од приближно 12 до 13 отсто.„Работиме на зголемување на куповната моќ на граѓаните и ќе продолжиме во таа насока“, рече тој.Тој посочи дека рударството сè уште се соочува со намалена активност во првиот квартал, но изрази очекување за негово закрепнување, како и задоволство од растот на преработувачката индустрија.Во делот на демографските политики, премиерот нагласи дека формирањето семејства и поддршката за повеќедетни семејства се приоритет.„Демографијата е еден од најважните приоритети. Поддржуваме ин витро процедури и издвојуваме средства за младите да започнат сопствен бизнис“, рече Мицкоски, додавајќи дека се предвидени околу 41 милион евра преку мерки за економија и труд за поддршка на млади и повратници.

Македонија | пред 6 дена

Мицкоски: Македонија нема да отстапи од својот идентитет, ликот на Гоце Делчев и „црвените линии“

Премиерот Христијан Мицкоски, одговарајќи на новинарско прашање, изјави дека Македонија се соочува со, како што рече, оспорувања на идентитетот и историското наследство, вклучително и на ликот на Гоце Делчев.Тој нагласи дека македонскиот народ и државата и во 21 век се соочуваат со предизвици кои, според него, не би требало да постојат, посочувајќи дека дел од нив имаат корени во минатото.Мицкоски истакна дека Владата ќе остане на позицијата за заштита на македонскиот идентитет, оценувајќи дека тоа претставува „црвена линија“ од која, како што рече, нема отстапување.Во однос на односите со Бугарија, премиерот изјави дека не очекува подобрување на атмосферата, туку, како што рече, можност за нејзино дополнително заострување.Тој додаде дека постојат, според него, политички и општествени структури во земјата кои влијаат врз надворешнополитичките позиции, но дека Владата е подготвена за дијалог на билатерално и мултилатерално ниво.Мицкоски порача дека Македонија ќе ги изнесува своите аргументи во сите разговори и дека очекува исто така да бидат земени предвид и аргументите на другата страна.

Македонија | пред 6 дена

„Очекуваме дополнително намалување на цените на горивата од следната недела“, вели Мицкоски

Премиерот Христијан Мицкоски изјави дека, според податоците на Меѓународниот монетарен фонд, земјата се наоѓа меѓу водечките во Европа по примена на мерки за заштита на животниот стандард на граѓаните. Тој нагласи дека цените на горивата во земјава се значително пониски во однос на соседството, како и дека Владата продолжува со мерките за намалени акцизи и повластено ДДВ за бензин и дизел, со цел одржување на стабилни и пониски цени.„Според податоците на Меѓународниот монетарен фонд, а не според податоците на Владата, Македонија е трета земја во Европа според имплементацијата на мерки со кои се штити стандардот на граѓаните.Имаме убедливо најниски горива, кои се за 30% до 50% поевтини од горивата во соседството.Во овој момент остануваме на мерката намалено ДДВ за бензините 95 и 98 октански, на 10%. Остануваме и на мерката намалени акцизи. Просекот што е на PLATTS FOB Италија за бензините ќе значи намалени акцизи за 2 денари по литар, а за дизелот ќе значи 4 денари по литар, врз основа на просекот од втората половина на април. Така ќе биде во следните две недели.Што се однесува до ДДВ-то кај дизел-горивото, тоа ќе остане на 18%, и со тоа нашето дизел-гориво денес е од 30 до 50 евроценти по литар поевтино од дизел-горивата во соседството. Очекувам од понеделник да биде и уште поевтино, имајќи предвид дека најголемиот дел од земјите од соседството ќе ги определат новите цени: Србија денес, а останатите држави од понеделник и вторник, како и ние“, вели Мицкоски.

Македонија | пред 1 седмица

Мицкоски за протестот на ССМ: Тадиционални првомајски активности, демократско право е да се бараат подобри услови

Премиерот Христијан Мицкоски изјави дека денешните синдикални протести ги смета за традиционални првомајски активности, нагласувајќи дека правото на протест е демократско право кое Владата го почитува.„Дел од тие синдикати што денеска ќе ги видите на протести беа со мене на прес-конференции кога заеднички постигнувавме договори за поголеми права за вработените и повисоки плати.Така што, јас денешното нивно протестирање го класифицирам во групата на традиционални првомајски протести, кои, впрочем, и синдикатите треба да ги прават. Правото на секој граѓанин е да протестира и да се бори за повисоки права. Ние сме демократска држава, ова е демократска влада, така што ние тоа право го почитуваме“, вели Мицкоски.

Македонија | пред 1 седмица

„Компании кои користат попуст реекспортирале гориво во соседството“, Мицкоски предупредува за можни злоупотреби

Премиерот Христијан Мицкоски изјави дека Владата по напорни и тешки преговори успеала да се договори со ОКТА за да продолжи попустот кој претходно беше договорен до 18 мај. Тој исто така изјави дека се проверуваат информациите според кои дел од компаниите кои користат попуст за набавка на гориво од OKTA вршеле реекспорт на бензин и дизел во соседните земји.„По напорни и тешки преговори со ОКТА успеавме да го продолжиме попустот кој претходно веќе беше договорен до 18 мај. Тоа е дополнителни 2 денара по литар за бензините и 3 денара по литар за дизелот. Тоа ќе трае до 18 мај; до тогаш имаме договор. За потоа ќе видиме — се надеваме дека ќе заврши кризата и дека ќе можеме да влеземе во една нормална состојба.Важно е дека попустите продолжуваат за сите оние компании кои практично добиваат од ОКТА бензин и дизел. Она што мене ме изненади, а го проверуваме дали е точно, е фактот дека некои од компаниите кои го користат овој попуст прават реекспорт на бензините и дизелот во соседните држави. Апелирам, ако е тоа точно, а проверуваме дали е точно, дека нема потреба тоа да го прават, бидејќи ние не ги затворивме границите за граѓаните од нашите соседи. Tие и сега слободно точат гориво на бензинските пумпи во Македонија.Има држави кои забранија реекспорт, односно износ на нафта и нафтени деривати. Ние тоа не го направивме како држава, така што оние слики кои во минатото беа — кога македонските граѓани одеа во соседството да се вакцинираат за време на КОВИД-кризата — сега имаме спротивна слика: гледаме редици како од соседните држави доаѓаат кај нас за да ги наполнат своите резервоари со бензин и со дизел. Така што нема потреба од ваков тип шпекулативно внесување“, изјави Мицкоски.

Македонија | пред 1 седмица

Мицкоски за СДСМ: Тие не се борат за победа на наредните избори, туку за опстанок на раководството во партијата

Во врска со обвинувањата од страна на опозицијата дека нема напредок во исполнување на реформската агенда премиерот Хирстијан Мицкоски ги замоли граѓаните пораките кои доаѓаат од СДСМ да ги прифааќаат со резерва.„Би ги замолил граѓаните сите оние пораки што доаѓаат од страна на опозицијата да ги прифаќаат со резерва, бидејќи целта на оваа опозиција не е да испрати точна порака или да биде конструктивна и да понуди решение, туку целта е со лаги и шпекулации да привлече внимание. Тие не се борат на следните избори да победат, туку се борат ова раководство и понатаму да остане раководство во опозицијата.Во смисла на тоа што го зборувам, а и во таа насока, е и шпекулацијата поврзана со застој во реализирањето на реформската агенда. Вчера имавме долг состанок со ресорните министри во Владата, кои треба до крајот на јуни да ги доиспорачаат веќе започнатите чекори. Можам да кажам дека сите оние 10 што се заостанати, со исклучок на 2, ќе бидат испорачани.Првиот е оној дел во кој се бара од државата да не обезбедува 100% електрична енергија за домаќинствата и за сите корисници на електрична енергија од снабдувачот, бидејќи цениме дека тоа што го прифатила претходната Влада, ако ние го продолжиме и го прифатиме, тогаш сметките за електрична енергија на домаќинствата ќе бидат за 25% до 30%, па и повеќе, поскапи. Тука свесно нема да одиме во реализација на тој чекор, бидејќи сакаме да го заштитиме стандардот на граѓаните.Вториот чекор е Изборниот законик. Знаете дека тој се носи со консензус. СДСМ ја напушти работата на групата што работи на Изборниот законик и, сè додека е таа одлука, ние Изборниот законик не можеме да го донесеме.Сè останато ќе биде завршено и сè останато ќе биде уште еден демант на лагите што ги испраќа СДСМ на тие дневни прес-конференции“, изјави Мицкоски.

Македонија | пред 1 седмица

Мицкоски за „Плаошник“: Конечно ќе го завршиме тој проект, кој за жал не бил во приоритетите на многу влади претходно

Премиерот Христијан Мицкоски изјави дека дел од инфраструктурните и развојните проекти во Охрид се веќе реализирани или се во фаза на реализација, најавувајќи продолжување на работите на автопатот Кичево–Охрид и посилна динамика за довршување на проектот „Плаошник“.„Дел од приоритетите коишто ги имаше општината и дел од проектите коишто ги предложија и пратениците се или реализирани или се во фаза на реализација или ќе отпочнат да се реализираат. Многу е важно кога патувате накај Охрид и кога ќе можете да го видите прогресот на автопатот којшто е пуштен во сообраќај и којшто очекуваме, согласно претходните најави, да биде целосно пуштен од Кичево до Охрид, еве најдоцна, да речеме, првиот квартал од 2027 година.Знаете со какви предизвици се соочувавме. Беше откажан кредитот од страна на кинеската „Ексим“ банка, па со домашните комерцијални банки направивме синдикат и проектот ќе биде реализиран целосно до крај.Следен проект што мислам дека треба многу внимателно да му се посвети внимание овде во Охрид е „Плаошник“. Конечно да го завршиме тој проект, почнат од пред многу време. За жал, не бил во приоритетите на многу влади претходно.Оваа година, имајќи ги предвид можностите на буџетот, одвоивме скромна сума средства, но важно е да се подготви проектната документација и следната година многу посилно да се излезе на терен и мислам дека со проектите коишто сега се реализираат и оние проекти за коишто претходно зборуваа и градоначалникот и потпретседателот на Владата ќе дојдеме до една, би рекол, физиономија којашто ја заслужува Охрид и охридското крајбрежје“, изјави Мицкоски.

Македонија | пред 1 седмица

Мицкоски бара лекарско уверение за раководството на СДСМ

Премиерот Христијан Мицкоски од собраниската говорници подели остри забелешки на сметка на СДСМ. Обвини дека опозициската партија во јавниот простор настапува со збунувачки пораки и тенденциозни тврдења чија цел, рече, не е политичка дебата туку одржување на внатрешна кохезија пред изборен пораз.Наведе примери со кои СДСМ ја лажеле јавноста, рече дека ширеле паника оти буџетот е празен и ќе нема плати и пензии, дека е зголемен долгот и буџетскиот дефицит и државата ќе банктотира.,,Не само што не банкротираше, туку според сите параметри е држава за пример во регионот”, рече Мицкоски.Мицкоски се осврна и на, како што рече, „токсичниот политички речник“ кој доаѓа од опозицијата, изразувајќи загриженост за нивото на јавна комуникација. Со иронија, тој дури предложи воведување лекарски прегледи за партиски функционери, алудирајќи на, како што го нарече, „психолошкиот притисок и состојба“ во која се наоѓа раководството на СДСМ.Премиерот предупреди и на можни идни политички потези од страна на опозицијата, тврдејќи дека би можеле да се обидат да го оспорат изборниот процес или да создадат оправдувања за резултатите на следните избори. Не ја исклучи ниту можноста за нивно дистанцирање од изборниот процес.

Македонија | пред 1 седмица

Мицкоски за реформската агенда: Очекувам многу скоро информација од Брисел со која од последни, повторно ќе сме фронтранери во регионот

Претседателот на Владата, Христијан Мицкоски, во одговор на пратеничко прашање се осврна на состојбата со Реформската агенда, при што порача дека очекува наскоро позитивни информации од Брисел и дека земјата, според неговите очекувања, повторно ќе биде меѓу водечките во регионот.Тој објасни дека дел од индикаторите од реформската рамка треба да бидат исполнети до крајот на јуни, кога завршува т.н. грејс период за обврските со рок јуни 2025 година. Според него, од вкупно 12 индикатори, 10 се во фаза на реализација.Во делот на енергетиката, Мицкоски посочи дека еден од индикаторите предвидува промена во начинот на набавка на електрична енергија, со што би се намалило државното учество во субвенционирањето на цената за граѓаните. Тој нагласи дека Владата нема намера да го реализира овој чекор, бидејќи, како што рече, тоа би довело до значително зголемување на цената на струјата за домаќинствата и ценовен шок.Во однос на законските измени во енергетскиот сектор, премиерот истакна дека се работи на подзаконски акти со експертска помош, со цел целосна функционалност на законот за енергетика.Во економскиот дел, Мицкоски наведе дека се прават измени на постоечки законски решенија, за кои оцени дека се повеќе технички отколку суштински, но неопходни за усогласување со препораките од Европската комисија.Тој додаде дека се работи и на формирање регистар на правни лица во кои државата има сопственички удел, како еден од индикаторите од реформската агенда.Во делот на правосудството, премиерот се осврна на измените на Законот за судскиот совет и на независноста во процесите на вработување и унапредување во судството и обвинителството, нагласувајќи дека дел од обврските се веќе исполнети или во завршна фаза.Според него, зголемувањето на платите во правосудниот сектор и усогласувањето со одлуки на Уставниот суд придонесуваат кон исполнување на дел од реформските критериуми.Мицкоски изрази очекување дека до крајот на грејс периодот ќе бидат исполнети најмалку седум до осум индикатори, а дел од нив и пред предвидените рокови. Тој додаде дека наскоро од Брисел се очекува информација со позитивна оценка за напредокот, при што, како што рече, Македонија од последно место во регионот би можела повторно да се позиционира меѓу водечките земји.

Македонија | пред 1 седмица

Мицкоски: СДСМ методолошки шират лаги со цел да обезбедат алиби како да се задржи актуелното раководството после следниот изборен пораз

Претседателот на Владата, Христијан Мицкоски, на седница во Собранието посветена на пратенички прашања изјави дека дел од опозицијата, предводена од СДСМ, методолошки шири невистини со цел да создаде алиби за идните политички случувања.Според него, опозициските настапи не биле насочени кон конструктивна дебата, туку кон создавање сензации и дезинформации, со цел да се влијае врз јавноста и да се оправдаат идни изборни резултати.Мицкоски посочи дека во изминатиот период опозицијата ширела паника за економската состојба, тврдејќи дека нема да има исплата на плати и пензии, како и дека државата е во финансиски ризик, што, како што рече, не се покажало како точно.Тој се осврна и на дебатата за евроинтеграциите, наведувајќи дека критиките од опозицијата не ја одразуваат реалната состојба и дека напредокот е потврден и од меѓународни партнери, вклучително и од Европската Унија.Премиерот додаде дека Владата ќе продолжи да се фокусира на реформите и на интересите на граѓаните, наместо на, како што рече, политички конструкции на опозицијата.

Македонија | пред 1 седмица