МИЦКОСКИ

Договорот за кредитот меѓу Македонија и Унгарија не може да се менува

Премиерот Христијан Мицкоски изјави дека договорот за кредитот од Унгарија не може да се менува, без разлика на политичките промени во таа земја и падот на владата на Виктор Орбан.„Еднострано променa е невозможна. Кредитот е со Ексим банката. Тука влада со Ексим банка, различна влада и влада со Ексим банка“, рече Мицкоски.Тој нагласи дека не очекува никакви промени во договореното, додавајќи дека обврските мора да се почитуваат.„Јас не очекувам апсолутно никакви промени, бидејќи договор е договор и договор треба да се почитува“, истакна премиерот.Во однос на политичките реакции, Мицкоски ја критикуваше опозицијата, конкретно СДСМ, оценувајќи дека наместо на домашните прашања, вниманието го насочува кон случувањата во странство.Тој додаде дека Владата ќе продолжи да ги почитува сите претходно склучени договори, нагласувајќи дека тоа е принцип на правна сигурност и континуитет на државата.

Македонија | пред 1 месец

(Видео) Мицкоски: Ако Груевски се врати, веднаш оди во затвор

Претседателот на Владата, Христијан Мицкоски, изјави дека прашањето за екстрадиција на поранешниот премиер Никола Груевски е во надлежност на унгарските институции, нагласувајќи дека одлуките во тој процес ги носи Владата во Будимпешта.„Јас како што сум запознаен, екстрадиција е побарана уште во 2018 година, а е одбиена во 2019 година, и дополнителни коментари треба да се побараат од Министерството за правда. Јас не сум министер за правда, јас сум премиер“, рече Мицкоски.Тој посочи дека доколку Груевски се врати во Македонија, ќе мора да ја издржува затворската казна согласно правосилната пресуда.„Доколку Никола Груевски се појави во Македонија, тој има правосилна пресуда и веднаш органите на редот ќе го обезбедат и ќе го упатат на отслужување на затворска казна“, изјави премиерот.Мицкоски нагласи дека Владата е обврзана да ги почитува законите и институциите, додавајќи дека секое лице има право да ги користи правните механизми, вклучително и жалби.„Ние сме Влада за којашто сите закони важат и која мора да ги почитува институциите во државата. А дали ќе се врати и кога ќе се врати, јас немам такви очекувања“, рече Мицкоски.

Македонија | пред 1 месец

Рекордни приходи во Царината: Над 12 милијарди денари месечно, вели Мицкоски

Премиерот Христијан Мицкоски соопшти дека Царинската управа бележи рекордни резултати, при што за првпат се надминати 12 милијарди денари приходи во еден месец. Тој истакна дека ваквите бројки се резултат на системски реформи, засилени контроли и подобра институционална координација.„Денес одбележуваме 34 години од постоењето на Царинската управа- институција која има клучна улога во функционирањето на државата, во заштитата на економијата и во обезбедувањето стабилни приходи за буџетот.Овој јубилеј е можност да се осврнеме на постигнатото, но уште повеќе да ги истакнеме резултатите што ги имаме денес.Во изминатите 20 месеци, Царинската управа ги бележи најдобрите резултати во своето постоење. Остварени се највисоки приходи досега, што е јасен показател дека институцијата функционира поефикасно, поорганизирано и со поголема одговорност.Особено значаен е фактот што за првпат е надмината границата од 12 милијарди денари приходи во еден месец. Тоа е резултат кој не доаѓа случајно, туку е производ на системски пристап, засилени контроли и подобра координација.Овие резултати се дел од пошироките напори на Владата, која веќе 20 месеци работи на воспоставување ред во институциите, на намалување на сивата економија и на зголемување на ефикасноста во наплатата на приходите.Кога ја презедовме одговорноста, не наследивме систем кој функционира беспрекорно. Напротив – затекнавме состојба на хаос, нарушени процеси и сериозно ослабена институционална поставеност. Систем кој со години бил запоставуван и руиниран.Но денес, со право можеме да кажеме дека таа фаза е надмината. Нормализацијата е завршена. Поставен е ред, воспоставени се правила и институцијата повторно функционира како што треба- во служба на државата и граѓаните.Со конкретни мерки, со дигитализација на процесите и со јасна определба за борба против корупцијата, создадовме систем кој дава резултати. Царинската управа е еден од највидливите примери за тоа.Во таа насока, сакам да упатам посебна благодарност и признание до директорот на Царинската управа, Бобан Николовски, за неговото раководење, посветеност и резултатите кои ги постигнува институцијата под негово водство.Истовремено, важно е да се истакне и одличната координација и заедничка работа со министерката за финансии, Гордана Димитриеска-Кочоска. Тоа партнерство, таа синергија, е еден од клучните фактори за постигнатите резултати.Кога институциите работат како тим, кога има заедничка визија и јасна цел- резултатите не изостануваат.Нашата цел е да продолжиме во оваа насока- со дополнително унапредување на капацитетите, со модернизација на системите и со создавање услови за побрза и поефикасна услуга за стопанството, но и со цврст пристап кон спречување на нелегалните активности.Зад овие резултати стои трудот на сите вработени во Царинската управа. Вашата работа е значајна и видлива, а придонесот што го давате е од суштинско значење за функционирањето на државата.Во име на тоа би сакал да Ви се заблагодарам за вашата посветеност и професионалност.Нека овој јубилеј биде поттик за уште поголеми резултати во периодот што следи.Честит 34-ти јубилеј на Царинската управа“, изјави Мицкоски.

Македонија | пред 1 месец

СДСМ: Груевски и Мицкоски останаа без Орбан

СДСМ реагираше по изборните резултати во Унгарија, оценувајќи дека поразот на Виктор Орбан и победата на опозициската Тиса, предводена од Петер Маѓар, претставуваат пресврт што ќе има последици и за македонската политичка сцена.Од партијата посочуваат дека со ваквиот исход се отвора прашањето за статусот на поранешниот премиер Никола Груевски, кој со години престојува во Будимпешта. Според нив, тој досега уживал заштита од унгарските власти, но новата политичка состојба може да доведе до негова екстрадиција во земјава за издржување на затворската казна.СДСМ исто така упати критики кон лидерот на ВМРО-ДПМНЕ, Христијан Мицкоски, оценувајќи дека неговата партија останува без важен меѓународен сојузник по промените во Унгарија.Во реакцијата се наведува и дека новото унгарско раководство најавило подготвеност за соработка во однос на лица кои се барани од правдата, што, според СДСМ, треба да се искористи за отворање постапка за екстрадиција на Груевски.Од партијата повикаа институциите да преземат конкретни чекори, нагласувајќи дека „правдата, колку и да доцни, на крајот мора да стигне“, како и дека земјата треба да продолжи по европскиот пат со засилена одговорност и владеење на правото.

Македонија | пред 1 месец

Мицкоски: Бугарија нема да го смени ставот без силна реакција од ЕУ

Премиерот Христијан Мицкоски смета дека одлуката на Комитетот за човекови права при Обединетите нации, со која се утврдува дека Бугарија ја прекршила слободата на здружување, тешко дека ќе има суштинско влијание врз официјална Софија без посилен меѓународен притисок.„Јас не очекувам дека ќе има ефект врз политиката кај нашиот источен сосед, освен ако не се вклучи силна, робусна акција од Брисел“, изјави Мицкоски.Тој посочи дека, според него, Македонија во изминатиот период добива сè повеќе меѓународна потврда за своите позиции, но оти тоа не значи автоматска промена на ставовите на Бугарија.Премиерот упати и критики кон, како што ги нарече, политики на „меко ткиво“ во минатото кои ги воделе СДСМ, оценувајќи дека тие придонеле за, како што рече, отстапки во однос на македонскиот идентитет.„Секој што верува дека со промена на Уставот или со отстапки ќе се решат проблемите – се лаже. Тоа е или неразбирање на политиката или свесно оттурнување на националните интереси“, истакна Мицкоски.Според него, без јасен и координиран став од Европската унија, не може да се очекува промена во односите, иако ваквите одлуки, како што рече, ја зајакнуваат позицијата на земјава на меѓународната сцена.

Македонија | пред 1 месец

(Видео) Пад на цените на бензините и дизелот од следната недела

Премиерот Христијан Мицкоски најави дека од следната недела се очекува намалување на цените на горивата, врз основа на направените анализи и движењата на светските берзи.Како што посочи, според пресметките, бензините од 95 и 98 октани би требало да поевтинат за околу 1,5 денари по литар, додека дизел горивото се очекува да се намали за околу 2,5 денари.„Очекуваме регулаторната комисија да донесе одлука со која ќе има намалување на цените, што значи дека бензинот од 95 октани би бил околу 82 денари за литар, а дизелот околу 95,5 денари“, изјави Мицкоски.Тој нагласи дека во овие пресметки не се вклучени дополнителните попусти што ги даваат одредени компании, со што реалните цени би можеле да бидат и пониски.Премиерот истакна дека државата располага со доволни количини на нафта и нафтени деривати и дека снабдувањето е стабилно, и покрај зголемената потрошувачка која, според него, во одредени денови достигнува и до 30 проценти повеќе од просекот.Според Мицкоски, Владата ќе продолжи со политики за ублажување на ценовните шокови, при што најави и понатамошни анализи и можни мерки во периодот што следи.

Македонија | пред 1 месец

Бензинските станици дневно снабдуваат до 2 милиони литри гориво, вели Мицкоски

Премиерот Христијан Мицкоски денеска во изјава за новинарите информираше дека побарувачката за нафтени производи во државата е зголемена, со денови кога бензинските станици снабдуваат дури над 2 милиона литри„Зголемена ни е побарувачката, имаме денови кога имаме и дури над 2 милиони литри, коишто бензинските станици во држава ги снабдуваат, но тоа што е битно е дека на дневна основа ги следиме предизвиците, предизвиците ќе има, дури и утре да заврши се тоа, ќе имаме ефект којшто ќе трае бидејќи производните капацитети во заливот, тука пред сè мислам на Кувајт, Ирак, Иран, Саудиска Арабија, Бахреин и ОАЕ имаат озбилни оштетувања, некои и трајни, некои делумни, недостасуваат 12 милиони барели на ден, недостасуваа барем во пикот на воздушната интервенција на сојузниците врз Иран на ден, сега преку теснецот се пропуштаат танкери, дневно меѓу 7 и 10, во одредени периоди денот можеби повеќе, а пред кризата беа меѓу 50 и 100 на ден.Она што е важно за нас и за граѓаните и за бизнесот е дека ние имаме доволни количини на дизел горива и на останати нафта и нафтени производи, и во цевководот, којшто го пуштивме на почетокот на годината, којшто ја поврзува рафинерија Окта со Солунското пристаниште, но и во државните резерви. Немаме до сега најава за било какви попречувања во делот на снабдувањето, не планираме да воведеме ограничувања, на тој начин ги помагаме и нашите соседи, бидејќи некои аеродроми од соседството добиваат керозин од кај нас, така што и тука не планираме да воведеме ограничувања за износ.Голем дел од граѓаните на соседните држави се снабдуваат со бензин и дизел од нашите бензински станици, одредени бензински станици по три-четири пати ја имаат зголемено потрошувачката, така што отприлика сега за сега и покрај историски најголемиот обем на криза, ние како влада прилично стабилно се справуваме“, изјави Мицкоски.

Македонија | пред 1 месец

Автопатите на Коридор 8 се градат според планот, домашни банки го обезбедуваат финансирањето за делницата Кичево-Охрид, вели Мицкоски

Денеска премиерот Христијан Мицкоски, изјави дека сите делници од Коридорот 8 се одвиваат согласно предвидената динамика. Иако имало мала потешкотија со обезбедувањето средства за довршување на делницата Кичево-Охрид по престанокот на кинескиот заем, проблемот е надминат со формирање синдикат од домашни банки, а градежните работи продолжуваат непречено.„Сите делници од коридорот 8 се одвиваат согласно предвидената динамика. Моментално се работат галериите. Имавме мала потешкотија, морам да признаам, посебно во делот на обезбедување на средства за довршување на делницата Кичево-Охрид. Затоа што знаете дека заемот кој го добивавме од кинеската банка, повеќе не го добиваме. Престана. Но бргу се реорганизираме и тој проблем е надминат. Формиран еден синдикат од домашни банки, со исклучително, би рекол, поволни услови, и практично тие домашни банки ќе го дозавршат финансирањето и тоа ќе биде последно и со тоа веќе конечно таа делница ќе биде функционална.Исто така напредува и делницата Тетово-Гостивар, Гостивар-Букојчани, и конечно е предаден извештајот до заемодавателите за делницата Букојчани-Приклучок-Кичево, практично на автопатската делница Кичево-Охрид. Така што во тој дел сум исклучително задоволен. Исто така, прилично солидно би рекол согласно динамиката и реализацијата на делницата Прилеп-Битола, којашто е дел од коридорот 10Д“, изјави Мицкоски.

Македонија | пред 1 месец

Мицкоски: Струга се гради и развива, Владата продолжува со инвестиции тука

Ова е проект што има децениско значење бидејќи е ветуван неколку децении и јас сум убеден дека со реализацијата на овој проект, но и на сличните проекти не само во Струга туку ширум цела Македонија полека но сигурно Владата со својата работа го разбива стереотипот од минатото дека сите политичари се исти, дека сите влади се исти, гледаат само за себе, а не за граѓаните, изјави премиерот Христијан Мицкоски при денешната посета на Струга. „Ценам дека со нашата работа, посветена, фокусирана се разбира во рамките на нашите можности и ресурси тоа што можеме да го направиме го правиме исклучиво и за интересот на граѓаните. Јас тоа сум го кажал многу пати во минатото, ќе го повторам и сега, чуда не се возможни, сите оние коишто ветуваат чуда не ја говорат вистината ние не сме чудотворци, но ќе дадеме се од себе во спортски жаргон да се изразам, ќе го оставиме срцето на терен за да граѓаните добијат поквалитетен живот и да го подобриме нивниот живот, тоа е нашата инспирација и затоа сме посветени максимално.Би сакал да му се заблагодарам на градоначалникот, коишто дел од своето менаџерско искуство го пренесува во својата работа овдека во Општина Струга, да се заблагодарам на колегите од Владата што се денеска тука со мене, да се заблагодарам на пратениците коишто доаѓаат од Струга кои се борат за проект повеќе овдека за Струга и генерално за охридското крајбрежје.Јас сум убеден дека со политиките на Владата, Струга е препознаена и Струга ќе биде еден од нашите главни приоритети во годините коишто доаѓаат.Благодарам на сите коишто ја подржуваат работата на градоначалникот, благодарност на администрацијата којашто помага сето ова да се операционализира, функционира и благодарност најголема до граѓаните на Струга коишто имаат трпение и коишто веруваат дека оваа Влада може да направи нешто повеќе за нив и нивните семејства, а ние како Влада даваме збор дека ќе сториме се што е во наша моќ да го испорачаме сето она коешто сме го ветувале и нема да застанеме тука, ќе се обидеме и проект повеќе да испорачаме, да го подобриме проектот повеќе на животот на граѓаните на Општина Струга“, вели Мицкоски.

Македонија | пред 1 месец

„Нема да дозволиме не пазарно однесување на ланците на маркети“, вели Мицкоски

 Претседателот на Владата на Република Македонија, Христијан Мицкоски денеска одговарајќи на новинарско прашање во однос на проценките за инфлацијата која е 4,9% и за тоа дали се потребни поголеми мерки, бидејќи потрошувачката кошничка во еден месец не може да се наполни ни со две минимални плати, изјави: „Ако мислите на потрошувачката кошница којашто ја имаат синдикатите, односно Сојузот на синдикати, самите автори на истата рекоа дека таа е просечна, не минимална.“ Во однос на општите трошоци со оглед на тоа што секојдневно цените во маркетите се високи и дали треба да се направи уште нешто по тоа прашање, премиерот Мицкоски рече: „Апсолутно се согласувам со вас дека цените се високи и дека она коешто ние како Влада го правиме, а го имаме на располагање, е да имаме следни микро таргетирани мерки. Но, ја следиме, ќе повторам, состојбата и ќе носиме мерки во зависност од тоа како ќе се развива ситуацијата. Затоа што, сепак треба да имаме предвид дека оваа година враќаме две и пол милијарди евра стари долгови. Дека оваа година враќаме солидарен данок, којшто веќе почнавме да го враќаме. Дека исплаќаме Колективни договори и така натаму и така натаму. И нѐ задесија две војни, таа во Украина и таа во Заливот. Многу предизвици, но тоа е што е. Не кукаме, не очајуваме. Заедно сме со граѓаните и нема да дозволиме не пазарно однесување на ланците на маркети.  И тоа внимателно го следиме со вонредни инспекциски контроли од страна на Државниот пазарен инспекторат.“

Македонија | пред 1 месец

Мицкоски: Започна реконструкцијата на „Брсјачка Буна“ во Шуто Оризари

Премиерот Христијан Мицкоски денеска го честиташе Светскиот ден на Ромите, 8 април, и им посака успех, здравје и среќа на сите граѓани. Тој истакна дека денот е прилика да се потсетиме на она што во минатото можеби било пропуштено и да се заложиме за надминување на тие пропусти во иднина. Посетата на Шуто Оризари, како што рече Мицкоски, има токму таа цел – да се реализираат отстапките и да се работи за подобра иднина за ромската заедница. „Да покажеме дека оваа Влада ја препознава општина Шуто Оризари и сака да помогне во делот на реализирање на инфраструктурни проекти.Градоначалникот спомена дека станува збор за  58 проекти со вкупна вредност отприлика 4 и половина милион евра, некаде околу 275 милиони денари. Но, и покрај проектите кои што се финансирани преку првиот и вториот повик од Министерството за локална самоуправа, за што му благодарам и на министерот кој што е денеска со нас, имаме проекти кои што се реализираат и преку други ресори во Владата, како што е Министерството за транспорт, за што му благодарам на заменик- претседателот на Влада и министер за транспорт, исто така му благодарам и на градоначалникот на Град Скопје којшто заедно со градоначалникот на Шуто Оризари допринесува да понатаму имаме јасни планови за развој на општина Шуто Оризари.Исто така сакам да му се заблагодарам на градоначалникот на општината, на Советот кој што ја подржува работата на градоначалникот, на администрацијата која што секогаш е тука да помогне при реализацијата на новите проекти, на колегите од владата затоа што без целосен концепт ние не ќе можеме да ги реализираме овие проекти бидејќи со пролета  градилиштата повторно се формираа и ние сега имаме на илјада и двесте точки отприлика на целата држава градежна механизација и оператива која што работи на реализирање на проекти од првиот и од вториот повик.Мојата порака и до градоначалниците тука е да се подготвуваат бидејќи до година повторно ќе имаме, само да видиме какви ќе бидат можностите во буџетот, повторно ќе имаме таков повик за да можат да реализираат проекти кои што ќе значат дополнителна вредност во квалитетот на животот на граѓаните во општините.Така што ова е би рекол една хармонична соработка помеѓу сите стејхолдери, помеѓу сите страни, Владата, општините, нормално и граѓаните. Нормално јас очекувам во таа насока да продолжиме и во иднина.Уште еднаш благодарност за сите кои се вклучени, на граѓаните за трпението и толеранцијата која ја имаат при реализацијата на овие проекти, но сепак кога ќе се заврши сето ова, тие непријатности од повеќе прашина, од повеќе сообраќаен метеж ќе бидат заборавени и тогаш ќе имаме инфраструктура која што ќе го подобри квалитетот на животот на истите“, додаде Мицкоски.

Скопје | пред 1 месец

Мицкоски: Рано е за проценки, но примирјето Вашингтон-Техеран веќе влијае на цената на нафтата

Премиерот Христијан Мицкоски изјави дека е рано да се прават прецизни проекции за влијанието на најавеното двонеделно примирје меѓу Вашингтон и Техеран врз цената на нафтата, но посочи дека првичните ефекти веќе се видливи на светските берзи.Според него, цената веќе бележи пад од околу 20 долари по барел во однос на претходниот ден, што е директна реакција на договорот за примирје.„Ќе видиме како ќе се движат работите понатаму. Рано е да се прават проценки за следните денови, но внимателно ја следиме состојбата“, рече Мицкоски.Во однос на влијанието врз домашната економија, премиерот се осврна и на најновите податоци за трошоците за живот. Според официјалната статистика, тие на годишно ниво се зголемени за 4,9 проценти.Тој потсети дека во март минатата година беа активни и Рамазанската и Велигденската кошничка, што создава пониска споредбена основа.„Ако го гледаме месечното ниво, зголемувањето е 0,7 проценти, со што сме меѓу петте земји во Европа со најниска инфлација. Помала стапка имаат Словенија, Словачка, Естонија и Белгија“, истакна премиерот.На прашањето за ефектите врз буџетот од намалувањето на ДДВ-то и акцизата за горивата, Мицкоски не изнесе конкретни пресметки, но посочи дека Владата внимателно ги следи сите економски параметри поврзани со движењата на цените на енергенсите.

Македонија | пред 1 месец

„Вие не сте премиер, вие сте уредник на таблоид, на жолт печат“, Филипче го критикува Мицкоски за тендери и подгревање тензии

Претседателот на СДСМ и пратеник д-р Венко Филипче, на денешните пратенички прашања му порача на премиерот Мицкоски, дека наместо како премиер кој треба да ја води државата кон напредок, тој се однесува како уредник на жолт печат. Во репликата Филипче посочи дека Мицкоски не се фокусира на решавање на клучните проблеми, туку на тендери и на теми кои не се од интерес на граѓаните.„Вие не сте премиер, вие сте обично уредник на таблоид, на жолт печат. Тендери, тоа вас ве интересира сега, само вашите тендери на блиските луѓе до вас, бизнисот со струја. Се е тоа сега во овој момент, и никаква грижа за граѓаните, ниту за иднината на државата“, рече Филипче.Во репликата Филипче додаде дека политиките на премиерот Мицкоски водат кон продлабочување на поделбите и застој на стратешките процеси на државата.„Подгревање на меѓунационални, меѓуетнички тензии, блокирање на европскиот пат. Така држава не се води. Тоа луѓето што седат овде околу вас го знаат, тоа и го коментираат кога не сте тука. Да знаете, има неистомисленици со вас. Така што граѓаните гледаат, знаат како живееле во тоа време, знаат како живееле во ова време. На некој следен изборен циклус ќе го кажат својот глас. Ваква влада ние не заслужуваме“, рече Филипче.

Македонија | пред 1 месец

Филипче до Мицкоски: Не можете да ги убедите граѓаните дека фрижидерите не им се празни

Не можете да ги убедите граѓаните дека фрижидерите не им се празни, му порача претседателот на СДСМ и пратеник, д-р Венко Филипче, на премиерот Христијан Мицкоски во реплика на денешната собраниска седница за пратенички прашања од опозицијата. Филипче посочи дека СДСМ во најголемите кризи водеше грижа за граѓаните, а не како сегашната влада на ВМРО која што не се грижи за граѓаните, туку за своите тендери.Во продолжение е интегрален текст од репликата на претседателот Филипче:„Сакате да ги убедите граѓаните дека фрижидерот не им е празен. Не може ги убедите. Тие ќе го кажат гласот на следните избори -се слагам. Ако кажувате дека ги потсеќаме на нешто што било лошо, па не се жалете, тоа е добро за вас. Еве одлично е. Јас ги потсетувам како било во наше време, како е сега во ваше време. Еве во делот на одговорот во којшто вие не сте премиер, сте обично уредник на таблоид, на жолт печат. Тендери, тоа вас ве интересира сега, само вашите тендери на блиските луѓе до вас, бизнисот со струја. Се е тоа сега во овој момент, и никаква грижа за граѓаните, ниту за иднината на државата. Подгревање на меѓунационални, меѓуетнички тензии, блокирање на европскиот пат. Така држава не се води. Тоа луѓето што седат овде околу вас го знаат, тоа и го коментираат кога не сте тука. Да знаете, има неистомисленици со вас. Така што граѓаните гледаат, знаат како живееле во тоа време, знаат како живееле во ова време. На некој следен изборен циклус ќе го кажат својот глас. Ваква влада ние не заслужуваме“.

Македонија | пред 1 месец

Мицкоски ги остави граѓаните без заштита – мерки дури по Велигден, велат од СДСМ

СДСМ обвини дека Владата предводена од Христијан Мицкоски доцни со мерките за заштита на животниот стандард, оставајќи ги граѓаните да се соочат со зголемените трошоци во пресрет на Велигденските празници.Од партијата посочуваат дека, според податоците на Државниот завод за статистика, трошоците за живот во март се зголемени за 4,9 проценти, при што најголем раст има кај храната и безалкохолните пијалоци – 7,5 проценти, како и кај земјоделските производи со 6,4 проценти.„Животот на граѓаните стана поскап, а Владата не презеде навремени мерки. Наместо реакција во период кога трошоците се најголеми, Мицкоски најавува мерки по Велигден, повикувајќи се на анализи и извештаи“, велат од СДСМ.Партијата додава дека со недели предупредувала на растот на цените и понудила конкретни предлози за намалување на цените на горивата и храната, но, според нив, тие биле игнорирани.Од СДСМ оценуваат дека последиците од, како што велат, задоцнетата реакција, веќе ги чувствуваат граѓаните преку зголемени трошоци и намален животен стандард.

Македонија | пред 1 месец

Мицкоски: Пораст на извозот во февруари за отприлика 12% во евра споредено со претходната година

Претседателот на Владата на Република Северна Македонија, Христијан Мицкоски денеска одговарајќи на новинарско прашање во однос на бројките кои го покажуваат извозот во државата и каков тренд се очекува во наредниот период, изјави: „Па во текот на вчерашниот ден Државниот завод за статистика извади еден податок којшто е, би рекол охрабрувачки, но тој е за првите два месеци, за јануари и февруари, пред да почне кризата. Практично во февруари се нивелираше тоа што се пропушти во јануари поради протестот на превозниците. Имаме пораст на извозот во февруари за 12 отприлика проценти во евра, споредено со претходната година. И отприлика 10% увозот е зголемен во евра, споредено со истиот период од минатата година. Или ако се земат првите два месеци, отприлика и извозот и увозот растат со истата динамика од 2,4%. Што значи дека немаме намалување како што постоеше стравувањето, туку имаме зголемување. Но тоа се однесува на првите два месеци, сега ќе видиме како ќе бидат следните месеци, март, април. И во зависност од тоа колку ќе биде длабока кризата, така и ние ќе се однесуваме практично.“

Македонија | пред 1 месец

Мицкоски: Рудата Антимон од кривопаланечкото село Луке ќе се извезува во САД

Македонија е првата земја од Европа која одржува стратешки дијалог на вакво високо ниво со актуелната администрација на Соединетите Американски Држави. Ова го истакна премиерот Христијан Мицкоски, коментирајќи ја посетата на македонската делегација во Вашингтон.Делегацијата е предводена од министерот за надворешни работи Тимчо Муцунски, кој остварува средби со вториот човек на американскиот Стејт департмент. Премиерот појасни дека на маса се исклучително важни теми за иднината на државата.„Теми коишто ќе бидат опфатени се дигиталната трансформација, односно дигитализацијата, вештачката интелигенција, апликациите, имплементацијата, соработката билатерална, потоа енергетиката, инфраструктурата којашто ние ја градиме и во којашто силно инвестираме, потоа одбранбената индустрија. Тоа се неколку области во коишто очекуваме да се постигне голем напредок. Истовремено да се промовира една инвестиција во еден значаен производен објект, тоа е рудата Антимон којашто ќе се експлоатира во кривопаланичкото село Луке. Редок минерал, нешто којешто навистина може за нашата економија да значи многу. Веќе таму истрагите се при крај и очекувам многу скоро да биде тоа започнато. Ќе се извезува во САД. Од инвеститорите ја добив информацијата дека топилницата би се градела во Оклахома во САД“, изјави Мицкоски.

Македонија | пред 1 месец

Мицкоски и градоначалникот на Аеродром го означија почетокот на реконструкцијата на 19 улици

Градоначалникот на Општина Аеродром, заедно со лидерот на ВМРО-ДПМНЕ, Христијан Мицкоски, денеска ја означија почетокот на реконструкцијата на 19 улици во општината. Проектот, финансиран од страна на Владата, вклучува уредување на улиците и придружна инфраструктура во вредност од над 130 милиони денари, со цел подобрување на квалитетот на животот на граѓаните. „Уште неколку проекти коишто се финансирани од страна на Владата во општините. Од тоа коешто можев да го слушнам од градоначалникот станува збор за вкупен обем на улици и придружна инфраструктура, во вредност поголема од 130 милиони денари, меѓу другото тоа се неколку проекти коишто покрај коишто веќе се реализираат од страна на програмата на Владата за финансирање на проекти во општините. Општина Аеродром на овој начин добива додадена вредност и тоа е многу важно затоа што се подобрува квалитетот на животот на граѓаните.Јас би сакал да се заблагодарам на градоначалникот, на советниците, на пратениците, на сите оние коишто учествуваат во реализацијата на овие проекти бидејќи само на овој начин можеме да покажеме дека тоа што го ветуваме тоа и го испорачуваме за граѓаните. Јас сум задоволен кога гледам со каква динамика се работат проектите, еве се запролети и веќе наеднаш повторно сите градилишта се рестартираат, така што очекуваме оваа година сето она коешто беше почнато со првиот и вториот повик преку Министерството за локална самоуправа да биде завршено, а следната година да имаме одреден буџет за да објавиме нов повик и нови проекти да реализираме во општините. Така што еве уште еднаш благодарен сум на сите оние коишто учествуваат во реализацијата на овој проект. Благодарам до градоначалникот, до советниците, до администрацијата, до пратениците коишто се борат за проект повеќе за својата општина и очекувам така да продолжиме и во периодот којшто следува“, изјави Мицкоски

Скопје | пред 1 месец

Мицкоски: Ќе имаме 10 модерни операциони сали, нови следуваат до лето

Премиерот Христијан Мицкоски најави дека во наредниот период ќе бидат ставени во функција вкупно 10 современи операциони сали, оценувајќи дека станува збор за значаен чекор во модернизацијата на здравствениот систем.Тој посочи дека во моментов се пуштени шест сали, додека во следните неколку месеци се очекува да бидат завршени уште четири, со што, како што рече, ќе се заокружи целиот процес.Дополнително, најави дека од почетокот на летото се очекува да биде реализиран уште еден проект во Клиничка болница „8 Септември“, каде исто така ќе бидат пуштени во употреба модерни операциони сали.„Со тоа ќе бидеме практично држава број еден во регионот кога станува збор за ваков тип на операциони сали“, изјави Мицкоски.Премиерот нагласи дека здравството останува еден од врвните приоритети на Владата, но и дека се потребни длабоки, структурни реформи.„Во здравството има многу работи што треба да се направат. Потребни се фундаментални промени, и во менталитетот на политичарите, но и во менталитетот на кадарот“, рече тој.Тој додаде дека реформите ќе се спроведуваат постепено, со оглед на ограничените ресурси, и дека Владата ќе продолжи да работи „проблем по проблем“.Мицкоски упати честитки до директорите, министерот и сите вклучени во реализацијата на проектите, најавувајќи дека во периодот што следи ќе има уште инвестиции од ваков тип насочени кон подобрување на здравствената заштита.

Македонија | пред 1 месец

СДСМ: 1.500 работници останаа без работа поради Мицкоски

Опозициската СДСМ обвини дека економските политики на Владата предводена од Христијан Мицкоски довеле до масовни отпуштања и влошување на економската состојба на граѓаните.Според партијата, во изминатиот период без работа останале над 1.500 лица, што, како што наведуваат, претставува сериозен удар врз илјадници семејства. Посочуваат дека само минатата недела компанијата „Артекс“ од Кочани престанала со работа, при што околу 100 текстилни работници останале без работа и неисплатени плати.СДСМ тврди дека отпуштања имало и во други компании, меѓу кои и во „Бехтел и Енка“, како и во фирми во ТИРЗ зоните каде, како што велат, биле затворени погони. Во Штип, според нив, затворени се четири конфекции, меѓу кои „Елит Фешн“ и „Мода Ексклузив“, со над 110 отпуштени работници, додека во Куманово околу 180 лица останале без работа поради затворање на чевларски погони.Дополнително, од партијата наведуваат дека со повлекувањето на странски инвестиции, како што е „Aptiv“, изгубени се меѓу 500 и 600 работни места, додека „Lear“ и „Dura“, според нив, отпуштиле уште околу 300 работници. Во металуршкиот сектор, пак, над 400 работници биле испратени на принуден одмор, а дел од нив и трајно отпуштени.СДСМ посочува дека бројот на вработени во индустријата во февруари 2026 година е намален за 3,4 проценти во однос на истиот период лани, што го оценуваат како директен резултат на, како што велат, неспособноста на владата.Од партијата предупредуваат дека доколку не се преземат итни мерки, бранот на отпуштања ќе продолжи и ќе доведе до дополнително продлабочување на економската криза и сиромаштијата.

Македонија | пред 1 месец

Протестен марш во Скопје: посебен режим на сообраќај, траса до Министерството за правда

Денеска во Скопје ќе биде воведен посебен режим на сообраќај поради протестен марш кој ќе започне во 12:30 часот, информираат од Министерството за внатрешни работи.Маршот, организиран од група граѓани поради незадоволство од неспроведување на Законот за употреба на јазиците во правосудниот испит, ќе започне од плоштадот „Карпошово востание“, ќе продолжи по улицата „11-ти Март“, преку Камениот мост, по „Никола Вапцаров“, а ќе заврши пред Министерството за правда на улицата „Димитрие Чуповски“.Од МВР информираат дека сообраќајот ќе биде пренасочен по околните улици со цел непречено движење, а граѓаните се повикуваат да ги почитуваат насоките на полициските службеници.Протестот се организира со барање да се овозможи полагање на правосудниот испит на албански јазик, прашање кое веќе предизвика политички реакции.Премиерот Христијан Мицкоски ги повика учесниците да не дозволат, како што рече, „да бидат алатка во рацете на политичка партија која сè уште живее во спомените од минатиот век“.Тој најави дека Владата работи на решение за проблемот.„Формиравме група од уставни експерти кои работат на решение кое ќе биде уставно и во согласност со меѓународните стандарди. Ги уверувам студентите дека ќе се изнајде соодветно решение“, изјави Мицкоски.Премиерот посочи и дека Законот за употреба на јазиците е оспорен пред Уставниот суд, како и дека за одредени одредби, особено во правосудството, постојат забелешки и од Венецијанската комисија.Протестот се одржува во чувствителен момент, со засилени политички позиции околу јазичната политика и примената на законот во правосудниот систем.

Македонија | пред 1 месец

Филипче: Мерките на Мицкоски се задоцнети и недоволни, сè е поскапено

Претседателот на СДСМ, Венко Филипче оцени дека мерките на Владата на Христијан Мицкоски се „задоцнети, недоволни и нема да имаат апсолутно никаков ефект“, бидејќи спиралата на поскапувања веќе започнала.„Кога ние предупредувавме дека мерките треба да се воведат навремено, како што тоа го направија многу земји во регионот, власта не нѐ послуша. Сега кризата ќе станува се потешка, а граѓаните ќе ја чувствуваат на својот грб. За жал, власта е тотално неодговорна и заинтересирана само за себе и своите бизниси“, рече Филипче.

Македонија | пред 1 месец

Филипче: Владата на Мицкоски ја загрози егзистенцијата на земјоделците

Претседателот на СДСМ, Венко Филипче, денеска го посети Криволак и разговараше со земјоделци, лозари и производители на житарици, констатирајќи дека ситуацијата е сериозно алармантна.„Во оваа временска ситуација, кога растат цените на нафтата, земјоделците се соочуваат со сериозни предизвици за својата егзистенција и за семејствата кои ги издржуваат преку земјоделството. Постојат ризици од недостаток на одредени култури, особено житарици, што може да предизвика дополнителен раст на цената на лебот до крајот на годината“, изјави Филипче.Тој посочи дека недоволното одржување на системите за наводнување, нечистите канали и неадекватната откупна политика создаваат тешкотии за земјоделците. „Ниска откупна цена, ниски субвенции и високи трошоци за работна сила, вода и ѓубрива – оваа ситуација треба да биде сериозен аларм“, рече Филипче.Тој додаде дека недостасуваат и средства од ИПАРД-програмата, што дополнително ги оптоварува земјоделците, и најави дека СДСМ ќе предложи законски решенија за поддршка на земјоделците, како што беше направено и лани со зголемување на откупната цена на грозјето, но што власта тогаш го одби.„Искрено се надевам, иако не верувам, дека од оваа власт ќе наидеме на разбирање и ќе се обезбеди помош за земјоделците“, заклучи Филипче.

Македонија | пред 1 месец

Мицкоски: Владата со нови вонредни мерки, се намалуваат акцизите на горивата, спречен нов раст

Претседателот на Владата Христијан Мицкоски соопшти дека Владата донела нов пакет вонредни мерки за ублажување на последиците од глобалната енергетска криза, со кои се намалуваат акцизите на горивата и се продолжува намалениот ДДВ.„Продолжуваме со намалената стапка на ДДВ од 18 на 10 проценти, а истовремено донесовме одлука за намалување на акцизите на дизелот за 4 денари по литар и за бензините од 95 и 98 октани за 2 денари по литар, со што директно влијаеме врз намалување на цените“, изјави Мицкоски.Тој нагласи дека без овие мерки цената на дизелот би надминала 102 денари за литар, а бензините би поскапеле дополнително, но со одлуките Владата успеала да го амортизира ценовниот притисок.Дополнително, по разговорите со компанијата ОКТА, договорено е продолжување на попустите до крајот на април, со што вкупното намалување кај дизелот достигнува 7 денари по литар.„Со оваа одлука испраќаме јасна порака – нема да дозволиме товарот од глобалната криза да падне врз плеќите на граѓаните“, порача Мицкоски.Тој додаде дека снабдувањето со горива е стабилно и дека нема потреба од ограничувања, и покрај зголемената потрошувачка која достигнала до 2 милиони литри дневно.

Македонија | пред 1 месец

Итна седница за цените на горивата пред ново поскапување

Владата денеска во 11 часот ќе одржи вонредна седница на која ќе се разгледува состојбата со цените на горивата, во пресрет на можен нов раст поради турбуленциите на светските нафтени берзи, дознава „Скопје1“.По седницата, во 11:45 часот, прес-конференција ќе одржи премиерот Христијан Мицкоски.Претходно, Мицкоски најави дека Владата ќе донесе одлука за намалување на акцизите, со цел да се ублажи ценовниот притисок и да се спречи ново поскапување.„Според овие калкулации, дизелот требаше да поскапи околу 7 денари, а бензините околу денар и пол до два. Со владината седница исполнети се условите да ги намалиме акцизите – за дизелот за 4 денари по литар, а за бензините за 2 денари по литар“, изјави Мицкоски.Според најавите, цената на дизелот се очекува да стагнира, додека бензините би можеле да поевтинат за околу половина денар, зависно од тоа дали ќе продолжат попустите од компанијата ОКТА.Конечната одлука за цените, како и досега, ќе ја донесе Регулаторната комисија за енергетика во понеделник.Премиерот нагласи дека мерките ќе имаат фискални последици, но Владата ќе продолжи со интервенции.„Тоа ќе се одрази врз буџетот, но ќе продолжиме и со мерката 10% ДДВ уште две недели, по што ќе ја следиме состојбата и ќе реагираме“, изјави Мицкоски.

Македонија | пред 1 месец