31-годишен маж со македонско потекло загина во тешка сообраќајна несреќа во Италија

Триесет и едногодишен маж со македонско потекло го загубил животот во тешка сообраќајна несреќа што утрово се случила во близина на Ортона, во италијанскиот регион Абруцо.

— реклама —

Според информациите објавени попладнево од италијанските медиуми, загинатиот е Стефан Ѓ. (31), со македонско потекло, кој живеел во Ортона.

— реклама —

— реклама —

Несреќата се случила околу 7:15 часот на државниот пат 16. Стефан управувал со автомобил „Фолксваген голф“ кога, од засега непознати причини, изгубил контрола над возилото.

Автомобилот излетал од патот и удрил во армирано-бетонски потпорен ѕид. Од силниот удар, 31-годишниот маж починал на самото место.