42 секунди во полскиот воздушен простор: руски хеликоптер Ми-8 накратко ја преминал границата

Руски воен хеликоптер Ми-8 накратко влегол во воздушниот простор на Полска, откако ја преминал границата од рускиот Калининград, соопшти Оперативната команда на полската војска.

— реклама —

Според соопштението објавено на платформата „Икс“, хеликоптерот во полскиот воздушен простор се задржал 42 секунди, навлегувајќи најмногу околу 300 метри.

„Кренати се ловци, додека копнените сили и средствата останаа во состојба на готовност“, соопшти полската војска.

— реклама —

Оттаму додаваат дека природата на инцидентот укажува на можноста Русија повторно да ја тестира подготвеноста на полската противвоздушна одбрана.

— реклама —

Полска е во состојба на зголемена готовност поради можни нарушувања на нејзиниот воздушен простор поврзани со руската војна во Украина.

Руската амбасада во Варшава не одговорила на барањето на „Ројтерс“ за коментар во врска со инцидентот.