Трагичен настан се случил синоќа на автопатот Гевгелија-Велес, каде што 56-годишна жена од Скопје била пронајдена без знаци на живот во автомобил покрај патот.
Од полицијата било пријавено дека случајот се случил во 19:40 часот. Во патничко возило „Фолксваген Пасат“ со скопски регистарски ознаки била пронајдена М.Д. од Скопје.
На местото пристигнала екипа на Итната медицинска помош, при што лекарот констатирал смрт. Според првичните информации, на телото немало видливи траги на насилство.
Увид извршила екипа на СВР Велес, а бил известен и јавен обвинител. По негова наредба, телото било предадено на обдукција, која треба да ја утврди точната причина за смртта.
