60 возачи санкционирани поради управување под дејство на алкохол

Во засилената сообраќајна контрола спроведена низ целата држава, полицијата санкционирала 60 возачи кај кои било утврдено присуство на алкохол.

— реклама —

Контролата ја спровел Секторот за сообраќајни работи при МВР во периодот од 22 часот на 8 август до 4 часот на 9 август, со цел откривање и санкционирање на возачи кои управуваат возило под дејство на алкохол.

— реклама —

Од вкупно 60 возачи, 55 биле санкционирани согласно со Законот за безбедност на сообраќајот на патиштата, додека за петмина биле поднесени соодветни пријави согласно со Кривичниот законик.

— реклама —

При контролата биле откриени и санкционирани уште 124 други сообраќајни прекршоци.

— реклама —

Од МВР најавуваат дека и во наредниот период ќе продолжат со засилени сообраќајни контроли, со цел зголемување на безбедноста на патиштата и намалување на ризикот од сообраќајни незгоди.