65 случаи на вирусот Западен Нил во Грција, шестмина починаа

Грција бележи зголемување на бројот на случаи на вирусот Западен Нил, а само во изминатата недела се регистрирани 23 нови заразени, соопшти Грчкиот национален институт за јавно здравје.

— реклама —

Заклучно со 5 август, во земјата се потврдени вкупно 65 случаи на инфекција. Најголем број од нив се регистрирани во Глифада, а најпогодени региони се Атика и Тесалија.

— реклама —

Од вкупно 65 заразени, кај 54 лица се развиле тешки компликации на централниот нервен систем, меѓу кои енцефалитис и менингитис, пренесува „Катимерини“.

Досега се регистрирани шест смртни случаи, сите кај пациенти постари од 65 години, кои развиле компликации поврзани со инфекцијата.

— реклама —

Во моментов во болница се лекуваат 20 пациенти, од кои осум се на интензивна нега, додека четворица се на одделение за интензивно лекување.

— реклама —

Вирусот Западен Нил најчесто се пренесува преку убод од заразен комарец и не се пренесува директно од човек на човек. Здравствените власти препорачуваат користење репеленти, носење облека со долги ракави и избегнување престој на отворено во периодите кога комарците се најактивни.