71-годишник тешко повреден откако со мопед се забил во паркиран автомобил во Кичево

71-годишен жител на Другово се здобил со тешки телесни повреди откако со мопед удрил во паркирано патничко возило на улицата „Рудничка“ во Кичево.

— реклама —

Според МВР, несреќата била пријавена на 28 септември во 10:15 часот во ОВР Кичево. А.Ѓ. (71) од село Другово управувал мопед со кичевски регистарски ознаки кога удрил во паркиран „пасат“, кој претходно бил управуван од Ш.И. (57) од селото Зајас.

— реклама —

При сообраќајката мопедистот се здобил со тешки телесни повреди, кои биле констатирани во Општата болница во Кичево.

— реклама —

При проверката било утврдено дека 71-годишникот немал возачка дозвола.

Увид на местото на незгодата извршила екипа од ОВР Кичево.