77-годишен маж во Грција ограбен од свој роднина: со пиштол го принудил да го отвори сефот

Грчката полиција соопшти дека го расчистила вооружениот грабеж вреден повеќе од 100.000 евра, извршен врз постар маж во Атина минатиот месец, а како организатор е осомничен негов роднина.

— реклама —

Според полициското соопштение, 51-годишен маж е поврзан со разбојништвото што се случило на 6 мај во северното атинско предградие Кифисија. До него се стигнало преку анализа на снимки од безбедносни камери, и покрај обидите да избегне откривање, меѓу кои и целодневно некористење на мобилен телефон.

— реклама —

Осомничениот бил уапсен минатата недела и се соочува со обвиненија за учество во криминална група, перење пари, кражба и разбојништво.

— реклама —

Полицијата наведува дека осомничениот знаел оти неговиот 77-годишен роднина чувал голема количина вреден накит во сеф во својот стан, по што го организирал грабежот заедно со соучесник.

— реклама —

Двајцата маскирани напаѓачи, според истрагата, му се заканувале на 77-годишниот маж со пиштол и го принудиле да го отвори сефот, по што го одзеле накитот и помала сума готовина.