Владата предводена од СДСМ одново докажа дека силно го вреднува трудот на работниците и остана доследна на заложбата за повисока минимална плата, вели СДСМ.
„Постигнат е договор преку Економско социјалниот совет, од мартовската плата, како што ветивме, минимална плата ќе изнесува 18.000 денари.
80.000 работници ќе добиваат повисока нето плата за околу 45 евра.
За неполни пет години минималната плата ја зголемивме двојно, односно од 9.000 на 18.000 денари.
Владата предводена од СДСМ ќе ги субвенционира придонесите од разликата од покачувањето, до крајот на годината.
Со ова решение им излегуваме в пресрет и на граѓаните и на стопанството, бидејќи е важно да имаме задоволни и мотивирани работници но и силно стопанство кое ќе придонесе за поголем економски раст.
Продолжуваме да обезбедуваме повисоки плати и повеќе пари во семејните буџети и повисок животен стандард за граѓаните“, се вели во соопштнеието.
