92 неправилности утврдени при контрола на автобуси и возила за јавен превоз

Во петчасовна акциска контрола на возила за јавен превоз, полицијата констатирала неправилности кај 92 од вкупно 405 контролирани автобуси и други возила.

— реклама —

Контролата била спроведена на 6 октомври, од 08:00 до 13:00 часот, на територијата на целата држава, од страна на Секторот за сообраќајни работи при Министерството за внатрешни работи.

— реклама —

Од контролираните возила, 170 биле упатени на технички преглед, а 34 биле исклучени од сообраќај поради утврдени неисправности.

Во рамки на акцијата биле поднесени и три кривични пријави согласно член 297-а од Кривичниот законик, додека едно возило било одземено согласно член 300-б.

— реклама —

Покрај утврдените неправилности, биле констатирани и 239 други прекршоци. За сите прекршоци биле преземени соодветни мерки согласно законските прописи.

— реклама —

Од МВР најавуваат продолжување на зајакнатите сообраќајни контроли со цел поголема безбедност и сигурност при јавниот превоз на патници.