Македонија

27 сантиметри снег на Попова Шапка

Од Скопје 1

Објавено на 03/01/2022

Најмногу снег утринава има на Попова Шапка, каде се измерени 27 сантиметри, а потоа во Маврови Анови – девет сантиметри.

Најстудено утрово било во Битола и во Берово со измерени минус три степени Целзиусови и во Скопје-Петровец, Тетово, Струмица и Демир Капија со измерени минус два степени. Во Куманово и во Дебар измерен е минус еден степен. Најтопло било на Попова Шапка, каде се измерени пет степени Целзиусови.

Како што информира УХМР, во ноќните часови времето беше претежно ведро или со мала облачност. Утрово во поголем дел од земјава е сончево со мала облачност, но по одделни котлини има појава на магла.