(ВИДЕО) Зеленски за руските војници; „Убијци, мачители, силувачи, разбојници“
Претседателот на Украина, Володимир Зеленски, испрати видео порака на доделувањето на Греми наградите и побара поддршка во „раскажувањето на приказната за руската инвазија на Украина“.
Зеленски ги нарече руските војници „убијци, мачители, силувачи, разбојници“ откако беа пронајдени десетици тела во близина на Киев, што го предизвика гневот на светот и ветувањето за нови остри санкции против Москва.
Ukraine's President Volodymyr Zelensky calls Russian troops "murderers, torturers, rapists, looters".
Dozens of bodies have been found near Kyiv, triggering global outrage and vows of tough new sanctions on Moscowhttps://t.co/kHngvoABYm pic.twitter.com/vzbqYKV2Ff
— AFP News Agency (@AFP) April 4, 2022
Локалните власти соопштија дека биле принудени да копаат масовни гробници за да ги закопаат мртвите кои се собрале на улиците, вклучително и некои пронајдени со врзани раце зад грб, во сцени што ги шокираа меѓународните метрополи повеќе од еден месец по руската инвазија. И покрај негирањето на одговорноста од страна на Русија, осудата беше брза, а западните лидери, НАТО и ОН, велат дека ова е ужас поради извештаите за убиства на цивили во Буча, северозападно од Киев и на други места. Во својата ноќна видео порака, Зеленски предупреди дека „концентрираното зло дојде во нашата земја“. Тој ги опиша руските војници како „убијци, мачители, силувачи, разбојници, кои себеси се нарекуваат војска и кои заслужуваат само смрт по она што го направиле“. „Сакам секоја мајка на секој руски војник да ги види телата на убиените во Буча, во Ирпин, во Хостомел“, додаде тој. „Сакам сите лидери на Руската Федерација да видат како се извршуваат нивните наредби“, рече Зеленски.
Тој рече дека формирал специјално тело за да ги истражува убиствата во областите од кои руските војници се повлекле околу главниот град, додека Москва ги прегрупирала своите сили во југоисточна Украина.
Во својата видеопорака, Зеленски ја спореди инвазијата со смртоносна тишина која се заканува да ги „изгаси соништата и животот на украинскиот народ“, вклучително и децата, пренесува АП.
„Нашите музичари носат панцири наместо смокинг. Тие им пеат на ранетите во болниците, дури и на оние што не ги слушаат“, рече Зеленски, истакнувајќи дека музиката „ќе пробие“.
Пред церемонијата, организаторите на Греми наградите започнаа кампања на социјалните мрежи наречена „Ајде да застанеме со Украина“ со цел да се соберат пари и да се обезбеди поддршка за време на хуманитарната криза.
