(ВИДЕО) Во 06:30 три експлозии, Киев повторно гори
Рано утринава одекнаа експлозии во Киев. Дваесетина минути претходно во градот и регионот се огласија сирените за воздушна опасност.
На социјалните мрежи беше објавено дека во 06:30 часот веќе се слушнале три експлозии.
Градоначалникот на Киев, Виталиј Кличко, потврди дека е погоден централниот кварт на градот Шевченковски. Службите за итни случаи се на терен“, објави тој на Телеграм.
Киевската јавна управа соопшти дека се оштетени две згради на градската управа.
At 6:30, three explosions were already heard in Kyiv.
Ukrainians wake up not from alarm clocks, but from explosions. Thanks to neighboring Russia! Good morning!
— Oleksiy Goncharenko (@GoncharenkoUa) December 14, 2022
Кличко тврди и дека украинската противвоздушна одбрана успеала да собори 10 ирански беспилотни летала „Шахед“, со кои Русите ја гаѓаат украинската престолнина.
„Во регионот на Киев и над главниот град, силите за воздушна одбрана соборија вкупно 10 беспилотни летала „Шахед“, напиша Кличко на Телеграм, но агенцијата Ројтерс наведува дека не може да ја потврди оваа информација од независни извори.
Explosion in Kyiv. #Kyiv #UkraineRussiaWar #Ukraine #RussiaIsATerroristState pic.twitter.com/hJxzQZIKk0
— Daria Matviichuk (@DariaMatviichuk) December 14, 2022
„Останете во засолништа“
Шефот на киевскиот регион Олексиј Кулеба предупреди дека воздушната закана не поминала. Опасноста сè уште постои. Останете во засолништа“, напиша Кулеба.
„Русија го продолжува енергетскиот терор. Но, секој ден стануваме посилни“, додаде тој, а Виталиј Бунечко, шеф на Житомир, регион кој се наоѓа веднаш до Киев, предупреди дека може да има нов бран напади со беспилотни летала. И тој ги советуваше луѓето да останат во засолништа.
Зеленски бара помош
Украинскиот претседател Володимир Зеленски денеска ја повика меѓународната заедница да и помогне на неговата земја да ги отстрани нагазните мини и другите неексплодирани убојни средства кои, како што рече, загадуваат област голема како Камбоџа или Уругвај.
„Според денешната ситуација, 174.000 квадратни метри украинска земја се засадени со мини и други неексплодирани убојни средства“, рече Зеленски во видео-обраќањето пред парламентот на Нов Зеланд, повикувајќи го Нов Зеланд, чија војска е искусна на терен, да ги води напорите за деминирање и да го ублажи влијанието на конфликтот врз животната средина. . .
