Турција и Сирија не престануваат да се тресат, познат бројот на жртви
![](https://skopje1.mk/wp-content/uploads/2023/02/3360836_snimak-ekrana-20230220-215117_ls.jpg)
Во синоќешните земјотреси во Турција и Сирија загинаа најмалку 11 лица, јавија денеска локалните медиуми, додека се чекаат официјални податоци за бројот на жртвите.
Најмалку шест лица загинаа, а речиси 300 се повредени во двата земјотреси на југоистокот на Турција, пишува денеска турскиот весник „Хуриет“.
Според тој весник, повредени се најмалку 294 лица, од кои 18 се во тешка состојба, пренесе ТАСС.
Турската управа за итни случаи и природни катастрофи соопшти дека земјотреси со јачина од 6,4 и 5,8 степени според Рихтеровата скала ја погодиле синоќа провинцијата Хатај и биле проследени со најмалку 32 последователни потреси. Потресите се почувствувани и во Сирија, Кипар, Грција, Египет, Израел и Либан.
Во вчерашниот земјотрес во Сирија загинаа пет лица во неколку градови, објавија арапските ТВ станици.
JUST IN: Footage shows buildings collapsing following another 6.3 magnitude earthquake in Turkey-Syria region.
— Remarks (@Remarks) February 20, 2023
Како што наведува Ал Арабија, четири лица загинале вчера во Сирија во стампедо предизвикано од паниката предизвикана од земјотресот во градовите Алепо и Тартус, а уште една жена го загубила животот во Латакија, пренесува Sky News Arabia. Некои луѓе имале и срцев удар.
Скај њуз Арабија објави дека луѓето скокнале од прозорците од страв да не бидат затрупани под урнатините, пренесува ТАСС.
Медиумите засега различно известуваат за бројот на повредени во вчерашниот земјотрес во Сирија. Скај њуз објави дека повеќе од 100 луѓе се повредени во Латакија, а ТВ Ал Хадат јавува дека 470 луѓе се повредени низ цела Сирија, вклучувајќи ги и областите под контрола на опозицијата.
Според сеизмолозите, станува збор за последователен потрес по разорниот земјотрес на 6 февруари, во кој животот го загубија повеќе од 47.000 луѓе во Сирија и Турција.
Hatay'daki deprem anı güvenlik kameralarına böyle yansıdı https://t.co/zgHfvBwikn pic.twitter.com/0gQiPrgbZL
— Habertürk (@Haberturk) February 20, 2023
![](https://skopje1.mk/wp-content/uploads/2022/01/2222.png)