Шаќири: Реално, немаме пари за учебници по сите предмети во средното образование
Од
Објавено на
Учебната година полека се ближи кон крајот, а Министерството за образование и наука сè уште не ги снабди учениците од средното образование со сите учебници поради недостиг од финансиски средства, објасни министерот Јетон Шаќири во емисијата „Детектор“ на ТВ Сител!
„Реално немаме пари за учебници по сите предмети во средното образование“, изјави тој. „Според податокот кој сега го имам, не верувам дека целосно можеме да го затвориме стручното образование со учебници зашто се работи за многу предмети. Реално, за средното образование немаме за сите предмети. За основното се обезбедени за сите предмети и за новата концепција и делот што останува за средното образование ќе се надополнува“.
