Сите партии што и мислат добро на земјата ќе изберат интеграција во ЕУ, а не изолација, вели СДСМ
По 17 години чекање, нашата држава ги започна и води преговорите со ЕУ, вели СДСМ
„Скрининг процесот што се одвива на официјален македонски јазик тече согласно предвидената динамика и наскоро ќе заврши.
Сега, нашата држава е исправена пред сериозна одлука, да го продолжи европскиот пат преку носење на потребните реформи за што е потребна вклученост на сите политички субјекти.
Сите партии што и мислат добро на државата и на граѓаните, ќе изберат интеграција во ЕУ, а не изолација.
Време е и Христијан Мицкоски и ВМРО-ДПМНЕ да се надминат себеси и барем еднаш во овие 30 години независна Македонија да поддржат одлука со која што државата ќе се интегрира во ЕУ.
Изборот е едноставен: на едната страна е напредок и интеграција во ЕУ, на другата страна е изолација, нови поделби и кавги со соседите.
Мицкоски мора да одлучи дали ќе се приклучи на европскиот блок или ќе остане во антиевропскиот блок предводен од Левица“, се вели во соопштението.
