(Видео) Тројца скопјани натепани пред ноќен клуб во Скопје, од снимка се слуша: Обезбедување помогнете! Сестра ми ја утепа бе ало!
Три лица меѓу кои девојче биле претепани вчеравечер пред ноќен клуб во Скопје, дознава „Скопје1“. Според неофицијални информации, дел имаат и сериозни повреди. „Скопје1“ дојде до снимки од кои се слуша како тепаните бараат помош.
„Нормален ли си? Обрзбедување помогнете! Сестра ми ја утепа бе ало! Помогни ми бе“, вели едно од лицата, додека девојче се развикува: „Вие сте ненормални, психопати!“.
Тепаните, настанот го пријавиле во полиција. Досега, насилниците не се пронајдени.
„Денеска (01.11.2024) во 01.30 часот во СВР Скопје, М.М.(20), М.С.(20) и Н.Ч.(22) сите од Скопје пријавиле дека пред угостителски објект на подрачјето на Центар М.М. и М.С. биле физички нападнати од едно лице, а Н.Ч. бил физички нападнат од две лица“, велат од МВР за „Скопје1“.
Снимката е заматена со цел заштита на идентитетот на жртвите. На настанот имало куп сведоци. Видеото ќе биде доставено и до надлежните органи.
