Алијанса: 139 деца примени за 48 часа во Тетово, 12 хоспитализирани – „Каде се сега министрите?“

За само 48 часа, 139 деца биле примени на Одделот за педијатрија во Тетово. Од нив, 12 се хоспитализирани. Покачена температура, повраќање и дијареја. Каде се денес предупредувањата? Каде се прес-конференциите? Каде се министрите, директорите и сите оние кои во Гостивар секој преглед и секое јавување ги броеја како аргумент за создавање јавна паника, прашуваат од Алијанса за Албанците.

— реклама —

„Во Гостивар беа објавувани кумулативни бројки, во кои беа вклучени повторени прегледи, контакти со здравствените установи, телефонски повици и советувања. Бројките од ден на ден се користеа за политички цели, додека реалниот број на хоспитализирани лица беше многу помал.

— реклама —

Денес имаме 12 хоспитализирани деца само на Одделот за педијатрија во Тетово, во период од 48 часа.

Зошто сега молчат?

— реклама —

Јавното здравје не смее да се третира различно во зависност од општината, градоначалникот или дневниот политички интерес. Кога бројките се користат за политички напад во Гостивар, а за сериозните бројки во Тетово се избира молк, граѓаните имаат право да бараат одговори.

Исти критериуми, исти стандарди и иста одговорност за сите“, се вели во соопштението.