ВЛЕН ги претвори државните институции во бироа за вработување на семејствата и блиските на своите функционери. Во замена за функции и привилегии, неговите претставници молчат за деградацијата на положбата на Албанците, за албанскиот јазик, за правичната застапеност, за Законот за игрите на среќа, за полагањето на правосудниот испит на албански јазик и за блокирањето на процесот на евроинтеграција, велат од Алијанса за Албанците.
„Најнов случај е оној на пратеничката и потпретседателка на ВЛЕН, Мимоза Муса. Нејзиниот татко, Ариф Муса, иако е пензионер, е именуван за член на Надзорниот одбор на Развојната банка на Северна Македонија.
Иронијата е што Ариф Муса, како поранешен член на Државната комисија за спречување на корупцијата, некогаш бараше преиспитување на именувањата и повторно распишување на конкурсите таму каде што беше утврден непотизам.
Денес, истите принципи треба да важат и за него.
Семејното вработување продолжува и со неговиот внук, Нусрет Халити, кој ја извршува функцијата директор на Агенцијата за електронски комуникации.
Затоа јавно прашуваме дали имало политичко влијание врз овие именувања и дали постапките биле транспарентни и спроведени преку фер и конкурентна процедура.
ВЛЕН не се бореше против непотизмот. Само го чекаше својот ред за да има корист од него“, се вели во соопштението.
