Алијансата за Албанците со осуда за глорификацијата на Младиќ: „Геноцидот не се заборава“

Алијансата за Албанците остро го осуди, како што наведува, секој обид за глорификација на Ратко Младиќ, кој е осуден на доживотен затвор за геноцид, злосторства против човештвото и воени злосторства.

— реклама —

Од партијата потсетуваат на жртвите во Сребреница и Сараево и велат дека за злосторствата постојат правосилни судски пресуди, поради што, според нив, нема простор за „митови, романтизирање и истории прекроени според желбите на националистите“.

— реклама —

„Тој што велича воен злосторник ги навредува жртвите, нивните семејства и самото човештво. Глорификацијата на човек осуден за геноцид е морален, човечки и политички срам“, се наведува во реакцијата.

Алијансата за Албанците изразува загриженост и поради, како што наведува, објави на социјалните мрежи во кои и македонски граѓани изразуваат восхит или благодарност кон Младиќ. Од партијата оценуваат дека тоа е „алармантен знак“ и повикуваат на спротивставување на национализмот.

— реклама —

Во реакцијата се наведува и дека Македонија се стреми кон членство во Европската Унија, поради што, според Алијансата за Албанците, во јавниот живот и институциите нема место за глорификација на лица осудени за геноцид и воени злосторства.

„Жртвите заслужуваат почит. Геноцидот не се релативизира. Воените злосторници не се величаат“, порача партијата.