АЛТА банка а.д. Белград остана без дозвола за работа: Народната банка на Србија утврди сериозно влошување на финансиската состојба

Како што објавува српскиот портал „Блиц.рс“ (Blic.rs), Извршниот одбор на Народната банка на Србија донел одлука за одземање на дозволата за работа на АЛТА банка а.д. Белград.

— реклама —

Агенцијата за осигурување на депозити, со решение на судот, ќе биде именувана за стечаен управник на банката.

Извршниот одбор на Народната банка на Србија соопшти дека пред одземањето на дозволата за работа биле спроведени контролни активности насочени кон зголемување на нивото на ликвидност на банката.

— реклама —

При контролата било утврдено дека финансиската состојба на банката значително се влошила во изминатиот период, како и дека постои можност за дополнително влошување на финансиската состојба или ликвидноста на банката.

— реклама —

Поради тоа, биле загрозени интересите на депонентите, односно клиентите кои имаат депонирани средства во банката, се наведува во соопштението.

Имајќи предвид дека биле исполнети законските услови за одземање на дозволата за работа на банката, согласно Законот за банки, Народната банка на Србија ја донела оваа одлука со цел да ги заштити интересите на депонентите и да ја зачува стабилноста на финансискиот систем.

Агенцијата за осигурување на депозити во рок од седум работни дена ќе овозможи исплата на осигурените износи и располагање со средствата на депонентите, во согласност со Законот за осигурување на депозити.