Американците бесни на Инфантино: Градови домаќини тврдат дека ФИФА им должи милиони

Претседателот на ФИФА, Џани Инфантино, се соочува со нови критики откако неколку американски градови домаќини на Светското првенство тврдат дека не ја добиле ветената финансиска помош од по еден милион долари за организациските трошоци.

— реклама —

Според американските медиуми, средствата биле усно ветени за време на подготовките за Мундијалот, но до денес не биле исплатени, поради што локалните организациски комитети бараат објаснување од ФИФА.

— реклама —

Ова се случува во период кога Инфантино веќе е изложен на критики поради повлечениот план за продажба на дел од комерцијалните права на Светското првенство на приватни инвеститори, кој беше стопиран по противење од УЕФА и други фудбалски организации.

Дополнително, претседателот на Фудбалскиот сојуз на Јордан, Али бин Хусеин, неодамна ја обвини ФИФА дека се обидела да изврши притисок врз неговиот сојуз, нудејќи помош во замена за јавна поддршка на Инфантино. Од ФИФА засега нема официјална реакција на овие обвинувања.

— реклама —

Според информациите, Инфантино свикал итен состанок со своите најблиски соработници во Мароко, во обид да ја зацврсти својата позиција пред претседателските избори во ФИФА следната година.

— реклама —