Американски Ф-18 отвори оган врз ирански танкер

Американската Централна команда (ЦЕНТКОМ) соопшти дека нејзините сили во Оманскиот Залив отвориле оган врз танкер под иранско знаме и го онеспособиле.

— реклама —

Според објавата на американската војска, танкерот „M/T Hasna“ се обидувал да влезе во иранско пристаниште, со што ја прекршувал американската блокада. По повеќекратни предупредувања кои, како што се наведува, не биле испочитувани, американските сили отвориле оган.

— реклама —

— реклама —

Во акцијата бил употребен морнарички авион F/A-18 „Супер Хорнет“, кој полетал од носачот на авиони „USS Abraham Lincoln“. Со истрели од топ со калибар 20 милиметри било погодено кормилото на бродот, по што танкерот бил онеспособен за пловидба.

— реклама —

Од ЦЕНТКОМнаведуваат дека танкерот повеќе не се движи кон Иран и нагласуваат дека американската блокада за бродови што се обидуваат да влезат или да излезат од ирански пристаништа останува во сила.