Двајца американски пилоти биле спасени откако нивниот хеликоптер во понеделникот се урнал во морето во Ормутскиот теснец, соопшти Американската централна команда (ЦЕНТКОМ).
Според информациите, спасувачката акција била успешно реализирана во рок од околу два часа, а пилотите се наоѓаат во стабилна здравствена состојба. Причините за несреќата засега не се познати и се предмет на истрага.
Американски претставник за „ABC News“ открил дека екипажот на хеликоптерот AH-64 „Апачи“ бил извлечен од морето со помош на поморски дрон – беспилотно пловило кое ги пренело на безбедно место.
Станува збор за пловило што го користи оперативната група „Task Force 59“, која располага со флота вакви системи. Според официјалниот претставник, дронот по својот дизајн потсетува на глисер.
Инцидентот се случил во Ормутскиот теснец – еден од најважните светски поморски коридори низ кој минува значителен дел од глобалниот извоз на нафта.
