Пејачката Анастасија Ражнатовиќ имаше сообраќајна незгода, откако таксито во кое била со нејзината другарка се судрило со друг автомобил. Тие оделе кон аеродромот во Дубаи, пренесува српски Блиц.
„Анастасија тргнала на лет за Белград, но таксистот ја однел неа и пријателката на погрешен терминал. Потоа успеале да најдат такси, по што доживеале сообраќајка. Потоа дошла полиција и брза помош, но Анастасија и нејзината пријателка немале никакви повреди. Дошло и трето такси, но кога стигнале на аеродромот им било кажано дека авионот затворил пред пет минути“, открива извор близок на пејачката за „Блиц“.
Анастасија се огласи откако таа и нејзината пријателка го пропуштиле летот.
„Пропуштен лет поради сплет на несреќни околности. Ќе чекаме 10 часа до следниот лет. „Овој ретро Меркур ме здроби“ напиша таа додаде: „Нема ништо што не ни се случило денес, но клучот е да останете позитивни дури и кога ви доаѓа да плукате оган по сите живи!“
