Андоновска: Додека СДС ја избегнува одговорноста, остануваме посветени на здравствените предизвици и одговорности

Членката на ВМРО-ДПМНЕ Марија Андоновска побара да се утврди одговорност за проблемите со квалитетот на водата во Гостивар, посочувајќи дека Јавното обвинителство веќе постапува по случајот.

Во објава на социјалните мрежи, Андоновска тврди дека со години институциите и лабораториите известувале за неправилности со водата, не само во Гостивар, туку и во други градови.

— реклама —

Таа обвини дека претходната власт не ги информирала граѓаните за ваквите случаи и дека за проблемите биле известувани повеќе надлежни институции.

„Сите овие известувања кои ги добивале и молчеле, ќе бидат доставени до јавноста и до обвинителството“, напиша Андоновска.

— реклама —

— реклама —

Таа наведе дека станува збор за известувања од Центрите за јавно здравје, Институтот за јавно здравје и приватни акредитирани лаборатории за испитување на квалитетот на водата.

Андоновска упати и јавен повик до Венко Филипче за јавно соочување и разговор за состојбите во здравството, при што ги спомена и проблемите со водата во Гостивар, прочистителната станица, известувањата за неисправна вода во повеќе градови, состојбата со здравствените институции, модуларната болница и други прашања.

Таа порача дека верува во професионалноста на обвинителството и очекува одговорноста да биде утврдена согласно законите и прописите.