Андоновска: Судството кое го пушти Васил Јованов во поправен дом е виновно за смртта на младата Фросина

Викторија Андоновска од ВМРО-ДПМНЕ, денескаостро го критикуваше судството за пресудата со која убиецот на младата Фросина, Васил Јованов, наместо затворска казна, бил упатен во поправен дом.

— реклама —

„Поединци во судството го деградираат неговиот кредибилитет и ја уништуваат довербата на граѓаните во системот. Секој ден сведочиме на пресуди кои немаат никаква правна основа, туку се темелат на судска корупција и компромис,“ изјави Андоновска.

— реклама —

Таа рече дека Јованов, иако полнолетен и фатен со дрога, наместо затвор добил мерка поправен дом.

— реклама —

„Да завршеше во затвор, до смртта на младата Фросина најверојатно немаше ни да дојде,“ истакна таа, додавајќи дека трагичниот настан на булеварот „Партизански одреди“ покажува колку е погрешен системот.

— реклама —

Андоновска пресудата ја нарече „врв на безобразлук и немање осет за реалноста“. „Судиите затвораат луѓе за кражба на ќебапи, а деликвентите ги пуштаат на слобода. Судството мора да се менува – тоа не е опција, тоа е морална обврска,“ нагласи таа.