Андраш Бака ја прифатил номинацијата на пратеничката група на партијата Тиса за претседател на Унгарија, соопшти унгарскиот премиер Петер Маѓар.
Маѓар на Фејсбук објави дека Бака ја прифатил номинацијата со желба да ѝ служи на нацијата, да работи на обединување на унгарскиот народ и на создавање демократска и европска Унгарија.
Пратениците од партијата Тиса наведоа дека Бака во текот на целата своја кариера „најголемо значење му придавал на принципот на поделба на власта“, како и дека доследно се залагал за владеење на правото и независност на судството.
Бака, поранешен судија на Европскиот суд за човекови права, во 2011 година беше сменет од функцијата претседател на Врховниот суд на Унгарија, три години пред истекот на неговиот мандат.
Европскиот суд за човекови права во 2014 година пресуди дека Унгарија го сменила Бака поради неговите критики кон владата и дека неговата смена ги нарушила демократските слободи во земјата. Владата на Виктор Орбан ги отфрли овие наводи.
Смената на поранешниот претседател Тамаш Шујок беше меѓу главните цели на новиот унгарски премиер Петер Маѓар, кој го обвинуваше дека е марионета на поранешниот премиер Виктор Орбан.
Шујок минатиот месец го потпиша уставниот амандман со кој беше прекинат неговиот мандат. Според амандманот, новиот претседател ќе остане на функцијата до стапувањето во сила на новиот Устав, односно најмногу пет години.
Потпретседателката на Националното собрание од партијата Тиса, Анико Халерне Наѓ, која привремено ја извршува функцијата претседателка на парламентот, ги закажа претседателските избори за вторник.
За номинацијата да биде валидна, кандидатот мора да добие писмена поддршка од најмалку една петтина од пратениците, односно 40 пратеници.
Во Унгарија претседателот не се избира директно од граѓаните, туку го избира парламентот.
За избор во првиот или вториот круг потребно е двотретинско мнозинство од сите пратеници. Доколку тоа не се обезбеди, во третиот круг одлучува просто мнозинство меѓу двајцата кандидати со најмногу освоени гласови.
Според важечкиот унгарски Устав, претседателот главно има церемонијална улога, но располага и со ограничени овластувања, меѓу кои е можноста да стави вето на законите или да побара нивно преиспитување.
Унгарија избира нов претседател: Тиса се одлучува меѓу тројца кандидати
Партијата Тиса денес ќе избере кандидат за нов претседател на Унгарија, откако Тамаш Шујок беше разрешен од функцијата, а меѓу потенцијалните кандидати се правници, поранешни судии и јавни личности.Пратеничката група на партијата Тиса денес ќе одлучи кого ќе номинира за претседател на Унгарија. Рокот за поднесување на кандидатурата истекува во понеделник, 10 август, во 10 часот, додека Народното собрание ќе го избира новиот шеф на државата во вторник, 11 август, пренесе порталот Индекс.Тамаш Шуј
Свет | пред 1 ден
