Партијата на Орбан се дистанцира од поранешниот министер осомничен за мито од 33 милиони евра

Партијата Фидес на унгарскиот премиер Виктор Орбан се огради од случајот со запленетите 17,5 милиони евра скриена готовина, по истрагата против поранешниот министер Миклош Сештак.

— реклама —

Портпаролот на Фидес, Берталан Хаваши, во реакција на прашањата од новинарите истакнал дека партијата не може да биде поврзувана со лица кои не ги почитуваат законите.

— реклама —

„Од промената на политичкиот систем, секој избран претставник во Унгарија се заколнал дека ќе го почитува законот и ќе се грижи за неговото спроведување. Фидес-КДНП не може да се поврзува со никого што не ја почитува оваа заклетва“, изјавил Хаваши.

Тој додал дека се надева оти снимките објавени од Националната канцеларија за враќање и заштита на имотот немаат никаква врска со Миклош Сештак.

— реклама —

Реакцијата следува откако унгарските власти соопштија дека заплениле околу 17,5 милиони евра во готовина, пронајдени на повеќе скриени локации, во рамки на истрагата против поранешниот министер, кој е осомничен за примање повеќе од 33 милиони евра мито и незаконски провизии.

— реклама —

Засега нема директна реакција од Виктор Орбан за случајот.