Ангелов: Денеска се регистрирани дваесетина пожари, најголемиот дел се изгаснати

Во текот на денешниот ден низ државата се регистрирани дваесетина пожари на отворен простор, од кои најголемиот дел се целосно изгаснати, а останатите се ставени под контрола и се очекува да бидат локализирани во текот на денот, информира директорот на Дирекцијата за заштита и спасување, Стојанче Ангелов.

— реклама —

Тој посочи дека денеска немало потреба од ангажирање на ер-тракторите во гаснењето на пожарите.

— реклама —

„Пожар кој беше видлив од подалеку и предизвика одредена вознемиреност кај граѓаните е пожарот на територијата на Општина Струга. Конкретно, имавме два пожари на отворен простор – едниот е целосно изгаснат, а вториот е ставен под целосна контрола. Очекувам набргу и тој да биде изгаснат. Во текот на денешниот ден немаше побарувања за ангажман на ер-тракторите“, изјави Ангелов.

— реклама —

Осврнувајќи се на состојбата со водоснабдувањето во Гостивар, Ангелов рече дека нема промени и дека водата сè уште не е безбедна за пиење, бидејќи во дел од анализираните примероци Институтот за јавно здравје и понатаму утврдува присуство на бактерии.

„Водата и понатаму е дозволена само за техничка употреба, но набргу очекуваме да биде прогласена за исправна. Хиперхлорирањето продолжува“, изјави Ангелов.