Првиот човек на Левица, Димитар Апасиев се огласи откако претседателот на ДПА, Мендух Тачи упати критики кон оваа партија.
„ТАЧИ ќе ме тепа, ТЕЧЕ ќе ме брани“ – вака Апасиев реагира на заканите од лидерот на ДПА.
Тачи претходно изјави дека не се појавува на дискусии во Собранието, затоа што ќе треба да го истепа Апасиев.
„Левица не ја прифаќа независноста на Косово. Левица го искина документот на кој што пишуваше на албански јазик“, рече Тачи на ТВ Клан.
Заедно со кусата реакција на Фејсбук, Апасиев објави и фотографија, во чија позадина пишува: „Нека дојде кој сака“. Тачи смета дека Левица е антиалбанска партија.
