Пратеникот на Левица, Димитар Апасиев, реагираше на почетокот на денешната собраниска седница до спикерот Талат Џафери затоа што го повлекол од дневниот ред на денешната седница законот за легализација на бесправно изградени објекти, наместо да го стави на повторно изјаснување, поради ветото од претседателот Стево Пендаровски, објави 360stepeni.mk.
„Со каков легитимитет тргате точка која веќе не е предлог-закон, туку закон, како што и самите сте навеле во првичниот дневен ред. Владата, како предлагач на законот, има право да го повлече додека е предлог, а откако тој закон ќе биде изгласан, улогата на предлагачот станува небитна“, рече Апасиев и посочи на одредбите што се однесуваат на процедурата за трето читање на закон што не го потпишал шефот на државата.
Џафери одговори дека го повлекол законот од дневен ред откако Владата, на барање на повеќе субјекти, информирала дека го повлекува законското решение од процедура и дека ќе достави ново.
Текстот во целост на: 360stepeni.mk.
