Напнато е во Цетиње, ден пред устоличувањето на црногорскиот и приморскиот митрополит Јоаникије, што треба да се одржи утре во Цетинскиот манастир.
Безбедносната состојба е загрижувачка. Група граѓани го блокираа главниот пат Подгорица – Цетиње.
Тие ја пробија блокадата што полицијата ја постави на кружниот тек на влезот во Цетиње, а потоа фрлија камења по патот, поставија гуми и контејнери со цел да го спречат преминот кон Цетиње на српскиот патријарх Порфириј и митрополитот црногорско-приморски Јоаникије.
Во пресрет на денешните протести, неколку полицајци ги соблекоа униформите и отидоа кај граѓаните кои ги блокираа приодите кон Цетиње, од правецот на Подгорица и Будва, со цел да го спречат доаѓањето на патријархот Порфирије и свештенството на СПЦ на устоличување на митрополитот Јоаникије во манастирот Цетиње.
Граѓаните тргнаа пеш од блокадата на патот Подгорица-Цетиње.
