Србија се подготвува да воведе ковид-сертификати, изјави премиерката Ана Брнабиќ, по состанокот на Кризниот штаб, кој заседаваше вечерва поради влошената епидемиолошка состојба во земјата.
„ Се подготвуваме за воведување ковид-сертификати, тоа е одлуката. Сертификатите ќе бидат за места како – ноќни клубови, барови, кафулиња и ресторани. Тоа нема да биде за продажни места, бидејќи е нереално и неуставно” рече Брнабиќ.
Таа нагласи дека државата направила се што може о борбата против коронавирусот, но дека граѓаните мора да се вакцинираат и да ги почитуваат мерките.
„ Изгубивме толку многу животи, и можевме да ги спасиме. Вакцинирај се … Не знам што друго да кажам на таа тема”, додаде таа.
Кога станува збор за наставата, Брнабиќ рече дека децата се најбезбедни во училиштата, и дека нејзиното барање е да се смени протоколот, според кој во случај на заразување на 10% од учениците, се менува моделот на настава, така што учениците ќе одат во училиште.
