И Словачка воведува локдаун за невакцинираните
Словачка ќе воведе построги мерки за лицата кои не се вакцинирани против коронавирус.
Премиерот Едуард Хегер најави еден вид карантин за невакцинираните.
„Тоа е заклучување за невакцинираните“, рече Хегер на прес-конференција.
Според новите правила, само лицата кои се вакцинирани или кои имале Ковид-19 во последните шест месеци ќе можат да влезат во ресторани, трговски центри, продавници, на спортски натпревари и јавни настани.
Мерките, кои стапуваат на сила од понеделник и се закажани за наредните три недели, се одраз на мерките што од оваа недела беа усвоени во соседната Австрија.
Словачка има една од најниските стапки на вакцинација во Европската Унија, со вакцинирани 45% од вкупното население, во споредба со просекот на ЕУ од 65%. Земјата има забележано 13.725 смртни случаи од почетокот на пандемијата.
