Министер за здравство, Министер за информатичко општество и администрација и министер за дијаспората, добива Алијанса со влегување во Владата, соопшти премиерот Зоран Заев. Тој додаде дека Алтернатива ќе добие и три заменици министри, Министерството за култура, Министерството за образование и наука и третиот ресор треба да се прецизира иако се зборувале за Министерството за земјоделството.
„Од поважните се МЕПСО, Фонд за пензиско и здравствено осигурување, Агенција за странски инвестиции, Тетовска болница и други“, рече Заев.
Гаши кажа дека неговите кадри поставени на овие функции, ќе направат се за енергетската криза да заврши, Алтернатива би била среќна ако Македонија добие датум за преговори со ЕУ.
Новото мнозинство ги испорачуваме бидејќи граѓаните го бараа, смета Заев и прати порака до ЕУ и Бугарија
Премиерот Зоран Заев упати порака до Европската Унија и до Бугарија, дека во Македонија и стабилно мнозинство, а постои расположение да се надмине проблемот со разбирање и почитување, бидејќи Македонците и Бугарите се братски народи. Тој вели дека европеизација е определбата, а стабилната влада ќе го држи енергетскиот систем стабилен.„Новото мнозинство е одговор на граѓаните кои бараа стабилност. Тие бараа ние испорачуваме. Тоа е одговор на потребите на државата и предизвиците кои ни се исправени како општество. Се здруживме околу заедничката определба дека сега е најважно функционирањето на институциите до полн капацитет. Тоа е важно во време на сериозни предизвици дома и на глобален план. Имаме мнозинство кое ќе работи на решенија за предизвиците, како што се почетокот на преговорите за членство во ЕУ, решавање на проблемот со Бугарија, глобалната енергетска криза и кризата од ковид-19. Едногласни сме дека потребна е Влада која испорачува резултати во интерес на граѓаните“, кажа Заев.Тој посочи дека не се потребни нови вонредни парламентарни избори, бидејќи ќе има нова криза и закочување на европските интеграции.„На нашата татковина и треба мирен и стабилен период. Затоа постигнавме договор со Алтернатива за коалиција која ќе трае до 2024 година. Нема стабилност со вонредни избори. Дел од овој договор е дека Алтернатива ќе преземе одговорности“, додаде Заев.
Македонија | пред 4 години
