СЛУЧАЈ ТАФТАЛИЏЕ

Јовановски и мавал шлаканици на Ивана неколку часа пред трагедијата – Презентирана видео-снимка од „Сејф Сити“

На денешното рочиште против Стојанче Јовановски, кој се товари дека ја навел на самоубиство сопругата Ивана, која почина со пад од тераса заедно со нивната шестгодишна ќерка Катја, беше презентирана видео-снимка од системот „Сејф Сити“, на која, според Обвинителството, се гледа настан од 2 март 2026 година, околу 11 часот, односно неколку часа пред трагедијата.Според презентираните кадри, по заминувањето на сведокот Мартин Саздов со возило „БМВ“ по средба со Ивана кај гимназијата „Нова“, на местото пеш пристигнува Јовановски. Во 11:07 часот, Ивана влегува во кадарот и се среќава со него на влезот од училиштето, по што двајцата застануваат на тротоарот.На снимката се гледа дека Јовановски ја удира Ивана со десната рака во лицето, по што таа се повлекува. Неколку минути подоцна расправијата продолжува.Во меѓувреме, на местото повторно пристигнува возилото на Саздов, кој се приклучува на разговорот. Според снимката, во 11:12 часот Јовановски повторно ѝ удира шлаканица на Ивана, по што сведокот се обидува да интервенира и застанува меѓу нив, оттурнувајќи го обвинетиот и обидувајќи се да го спречи понатамошното насилство.И покрај обидот за смирување на ситуацијата, од видеото може да се забележи дека Јовановски продолжува со вознемирено однесување и повторно физички ја напаѓа Ивана.

Македонија | пред 5 дена

Обвинителството пушти снимки од 112 со пријавите за Стојанче: плач на дете, пријави за тепање и заклучен стан

Серија пријави и аудио снимки од бројот 112, во кои соседи и самата Ивана Стојаноска барале помош поради насилството врз неа додека присутна била Катја, беа презентирани како клучни докази на денешното рочиште во случајот против Стојанче Јовановски. Обвинителката Адела Бојчевиќ посочи дека дел од доказите содржат вознемирувачка содржина.Во постапката се презентираат и аудио повици од 2024, до 2026 година, во кои соседи пријавуваат бучава, вресоци и плач на дете од станот каде живееле Стојанче, Ивана и Катја, како и случаи кога Ивана барала помош на бројот 112, наведувајќи дека сопругот ја малтретира или дека не ѝ дозволува да влезе во станот кој прво бил заедничка сопственост, а потоа само на сега обвинетиот Стојанче Јовановски.Во еден од повиците, таа бара интервенција откако била заклучена надвор од домот, додека од другиот доказ се слуша пријава дека сопругот „чува дрога во станот“. Од аудио материјалот се слуша како таа му вели, најверојатно ан Стојанче: „Ќе отвориш или да те пријавам?“, па тука го завршува повикот.Крајот на јуни минатата година Ивана го пријавила Стојанче дека ја тепа во Чаир, но дека не ја знае точната локација каде се наоѓаат, а од полицијата и велат да се јави на 112 за да ја лоцираат.Презентирани се и пријави во системот на МВР, вклучително и пријава поднесена од Цветанка Јовановска, мајка на обвинетиот, како и записници од увидот. Ова било на 20 декември минатата година. Кога операторот прашува „што има таму“, Цветанка одговара: „обид за убиство“. Таа пријавува дека и детето е тепано и удирано и дека емногу вознемирено, а од позадина се слуша гласен плач.Пријава имало и од мајката на Ивана во август минатата година, дека Ивана била тепана од Стојанче во станот, посочувајќи дека се разведуваат, а таму била за да земе алишта.Пријава на 113 имало и од маркет во Ѓорче дека „таткото ја тепа мајката пред детето“. Пријавителката рекла дека не ги познава и му вели на операторот „ве молам дојдете“.Јовановски се товари за телесна повреда, загрозување на сигурноста и наведување на самоубиство, поврзано со трагедијата од март годинава, кога Ивана Јовановска скокна од шести кат во Тафталиџе, при што животот го загуби и нивното шестгодишно дете.

Македонија | пред 5 дена

'Tато, ќе ја убиеш мама' викала Катја на Стојанче, сведочи сосетка која сведочи за насилството

Во Основниот кривичен суд во Скопје продолжи судењето против Стојанче Јовановски, обвинет во случајот со трагедијата во Карпош, во која животот го загубија неговата сопруга Ивана и шестгодишната ќерка Катја.На денешното рочиште сведочеа сосетка и наставничка, кои опишаа низа настани и индиции за семејно насилство во периодот пред трагедијата.Сосетката Тања Спировска изјави дека во зградата каде живеело семејството често се слушале викање, тропање и тепање.Една ноќ кон 2 часот слушнавме „тато ќе ја убиеш мама“. Малата Катја викаше, се слушаше. Излегов надвор ама во ходникот не се слушаше ништо. Мислам дека и некои од другите комшии тогаш излегоа во ходниците. Јас лично два пати имам повикано полиција од ПС Карпош., рече тааТаа раскажа како се качувале по катовите за да видат од каде се слушало викањето. Кога пријавила првиот инспектор бил коректен, додека вториот полицаец бил нервозен и според нејзизните зборови: „лупаше по становите, прашуваше на кој кат е, му реков не знам. Знам дека е над мене. Тропна на неколку стана, по што мене ми се закани дека ќе добијам кривична за лажно пријавување“.

Македонија | пред 1 седмица

Братот на Ивана: Не верувам дека доброволно се врати кај Стојанче, се плашеше за Катја

Братот на Ивана, воедно и вујко на шестгодишната Катја, кои починаа по падот од балконот во Тафталиџе сведочеше во судскиот процес против обвинетиот Стојанче Јовановски, посочувајќи дека неговата сестра живеела во страв, под притисоци и уцени, поради што, како што рече, не верува дека доброволно се вратила да живее со него.„После сите уцени што Ивана ми ги кажа, заканите и стравот за Катја, јас не мислам дека сестра ми доброволно се вратила“, изјави сведокот.Тој раскажа дека по настанот на автопатот кај Штип во 2025 година, Ивана со детето се вратила кај родителите, кога за првпат отворено зборувала за проблемите и побарала помош. Семејството ангажирало адвокат и започнало постапка за развод, а според неговите зборови, таа тогаш открила и сомнежи за фалсификат поврзан со нејзиниот стан.Во сведочењето посочи дека Ивана му се обраќала и за финансиска помош, барајќи пари поради, како што му кажувала, долгови и притисоци.„Во декември ми побара 1.400 евра. Сакав да бидам сигурен дека парите ќе се искористат за тоа што го кажува, бидејќи се плашевме дека е уценета“, рече тој.Сведокот изјави дека семејството се сомневало дека Ивана трпи физичко насилство, особено кога имала болки во стомакот, за кои се сомневале дека се последица од тепање.Дополнително, посочи дека обвинетиот ѝ се заканувал со одземање на детето и иселување од станот, барајќи 30.000 евра за да ѝ го препушти имотот.„Ѝ се заканувал дека ќе ја избрка и дека ќе ѝ ја земе Катја“, сведочеше братот.Тој опиша и закани упатени кон целото семејство.„Ми се јави и почна да се заканува дека ќе ни го запали имотот. Имав голем страв за сестра ми, за мајка ми и за мене“, изјави сведокот.Според неговото сведочење, комуникацијата со Ивана во еден период станала сомнителна, бидејќи, како што рече, имал чувство дека некој друг пишува од нејзиниот телефон.Тој додаде дека семејството било постојано загрижено за нејзината безбедност, а домот на родителите секогаш ѝ бил отворен за да се врати со детето.

Македонија | пред 1 седмица

„Кога татко ми ја удира мама, таа така паѓа“ – сведоштво за Катја во суд од нејзината наставничка

Во Основниот суд во Скопје денеска продолжи судењето за трагедијата во Тафталиџе, во која шестгодишната Катја и нејзината мајка Ивана починаа по пад од балкон, а за случајот е обвинет таткото Стојанче Јовановски.Пред судот сведочеше наставничката од училиштето „Јохан Хајнрих Песталоци“, која раскажа за однесувањето на девојчето и за настаните што претходеле на трагедијата.Таа сведочеше дека за време на игра во училницата забележала како Катја паѓа на подот, по што ја прашала дали се работи за игра.„Катја рече дека татко ѝ кога ја удира мајка ѝ, таа така паѓа“, изјави наставничката.По ова, веднаш бил известен училишниот психолог, кој разговарал со детето, а потоа и со мајката, која била упатена каде да се обрати во случај на семејно насилство. Наставничката посочи дека иако ова било загрижувачко, во секојдневното однесување Катја не покажувала знаци на вознемиреност.„Катја се однесуваше како и сите други деца, беше отворена, другаруваше со сите, изгледаше среќно. Не помисливме дека нешто се случува во семејството“, рече таа.Како дополнителен индикатор, наведе дека девојчето најчесто цртало само мајка си.„Кога ја прашав зошто, рече: ‘Јас сум со мама’“, сведочеше наставничката.Таа раскажа и за момент кога таткото на Катја влегол во училницата, иако тоа не било дозволено.„Катја кога го виде се израдува, го поведе кон шкафчињата, а учениците му даваа комплименти. По неколку минути влезе и Ивана и заедно заминаа“, рече таа.За денот на трагедијата, наставничката изјави дека Катја била донесена од бабата, а подоцна забележала дека не носи дел од униформата.„Рече дека не знае каде е, дека мајка ѝ веројатно го испрала. Беше облечена во нова облека и рече: ‘Вчера бевме во шопинг со мама’, беше многу среќна“, изјави наставничката.Подоцна, околу 13:30 часот, мајката дошла во училиштето и ја зела Катја.„Секогаш кога мајка ѝ ќе ја земеше, таа беше многу среќна. И тој ден се гушкаа и се бакнуваа“, рече таа.Наставничката додаде дека таткото еднаш повторно дошол во училиштето, вознемирен, барајќи контакт од родител на друго дете, при што му било укажано дека ваквите ситуации се решаваат преку училиштето.Судењето продолжува.

Македонија | пред 1 седмица

Кобниот ден кога Ивана го пријавила Стојанче, добила закани од полицијата дека она ќе биде одговорна и да си го реши прболемот, сведочи Саздов

Сведочење за последните часови од животот на Ивана Стојаноска и нејзината шестгодишна ќерка Катја денеска даде Мартин Саздов во Кривичниот суд во Скопје, во процесот против Стојанче Јовановски, обвинет за семејно насилство, тешка телесна повреда и наведување на самоубиство.Саздов, кој бил пријател и на двајцата сопружници и колега на обвинетиот од Пожарната бригада-Скопје, сведочеше за континуираниот страв во кој живеела Ивана, како и за насилството на кое, според него, била изложена во деновите пред трагедијата.Тој раскажа дека вечерта на 1 март Ивана му испратила порака во која му напишала дека не може повеќе да издржи и го молела да не ја остава. Утредента, околу 10:30 часот, отишол кај неа на работа, каде повторно ја убедувал да замине кај мајка ѝ.„Ѝ реков – не дај боже, еден ден ќе те убие. Таа ми велеше дека не може да си оди, ќе остане со Катја на улица“, сведочеше Саздов.Набргу по нивната средба, Ивана повторно му се јавила вознемирена, барајќи да се врати бидејќи сопругот дошол и почнал да ја тепа. Кога пристигнал, Саздов го оттурнал Јовановски за да ја заштити.Тројцата потоа се качиле во неговиот автомобил и тргнале кон Кривичниот суд, каде обвинетиот требало да се пријави. Но, насилството продолжило и во возилото.„Се сврте назад и почна со боксови да ја удира. Толку силно ја тепаше што се онесвести. Застанав на сред улица за да го спречам да не ја удави“, рече сведокот.Според неговото сведочење, Јовановски ја навредувал и ја омаловажувал, тврдејќи дека „глуми“, и продолжил со закани и по пристигнувањето пред судот.По пријавата во полиција, службените лица разговарале со двајцата, но, како што рече Саздов, им ги вратиле документите со зборовите „решете си го проблемот“. При нова пријава за закани, полицајците ѝ се заканиле на Ивана дека ќе одговара за лажно пријавување ако повторно повика.Потоа, заедно ја зеле Катја од училиште и се упатиле кон станот на улицата „Митрополит Теодосиј Гологанов“. За време на возењето, Јовановски, според сведокот, постојано ја навредувал Ивана и ѝ се заканувал дека ќе ѝ ги одземе и станот и детето.„Ќе ти земам и стан и дете, ќе видиш со кого имаш работа“, изјавил обвинетиот, според Саздов.Пред зградата, Ивана и Катја се качиле во станот за да земат работи, а Јовановски инсистирал да оди со нив. По кратко време, Ивана ја заклучила вратата.Саздов и обвинетиот останале пред зградата. Во еден момент, Ивана му се јавила на Јовановски, а потоа и на Саздов, барајќи да ѝ крене на видеоповик.„Ја видов како стои со Катја на тераса. Веднаш сфатив што ќе направи. Викнав – ‘Ивана, немој да си направила глупост’ и почнав да трчам. Само слушнав силен удар“, сведочеше Саздов, видно вознемирен.Тој раскажа дека прво ја видел Ивана во крв, а потоа и малата Катја до неа, по што повикал Брза помош.На прашање дали обвинетиот се приближил до телата, Јовановски во судницата одговорил: „Не, немав храброст“.

Македонија | пред 1 седмица

Пред трагедијата Ивана му се јавила на Стојанче со камера: Саздов просведочи за кобниот момент

На денешното рочиште, Мартин Саздов сведочеше за заканите на Стојанче кон Ивана. Како што вели тој, Стојанче се и заканувал на Ивана дека ќе ја земе Катја, а дека ако оди во затвор ќе излезе и ќе ја убие. Тој исто така и покажувал и пиштол.Пред да се случи трагедијата, Стојанче, Ивана, Мартин и малата Катја отишле во станот во Тафталиџе, за Ивана да земе некои работи.„Ивана ја затвори и ја заклучи вратата. Не се слушаше ништо од станот, јас заѕвонив, прашав „како си Ивана“, рече „еве за 5 минути сме спремни.“ После ја отвори вратата, рече „јас не сакам да си одам, ќе легнеме малку со Катја да спиеме“. Му реков на Стојанче „ајде да се симнеме доле.“ Стојанче викаше „ќе видиш што ќе ти направам“, Ивана беше со Катја во раце, гушнати. Ивана само се насмеа и рече „прави што сакаш“. Влезе и заклучи. Јас и Стојанче се симнавме доле. Се посомневав да не направи нешто Ивана, му го реков тоа и на Стојанче. Тој рече „не, таа не се убива, не умира“.Пред да скокне од тераса заедно со Катја, Ивана му се јавила на Стојанче со вклучена камера, вели сведокот Мартин Саздов кој како што вели, кога сфатил што ќе направи, почнал да вика да не прави глупости, но кусо потоа слушнал силен тресок.„Му се јави, Стојанче ја вклучи камерата, ја видов Ивана како стои со Катја во рацете на терасата и сфатив што ќе направи. Викав „Ивана, немој да си направила глупост.“ Потрчав кон влезот и слушнав силен тресок. Истрчав да видам што се случува, ја видов Ивана во крв целата. Почнав да трчам, мислев Катја е горе, па ми текна дека е заклучено, па се вратив назад, а кога стигнав ја видов и Катја до нејзе. Викав ве молам викајте брза помош, не знаев што да направам“, сведочеше Мартин со солзи во очите.На прашање на обвинителката каква била реакцијата на Стојанче во тој момент, Мартин одговори:„Почна да трча накај главната улица. Јас истрчав накај Ивана и Катја. Не отиде да ги види“, рече сведокот, на што Стојанче дофрли:„Јас истрчав да барам помош, немав храброст да ги видам“.

Македонија | пред 1 седмица

Нови детали од сведокот: Ја давеше во кола, Ивана се онесвести

Еден ден пред да се случи трагедијата, Мартин Саздов сведочеше дека комуницирал со Ивана која цело време му пишувала дека веќе не може да издржи, дека ѝ е многу тешко, дека не може да го поднесе Стојанче, дека е психички падната и многу исплашена.„Еден ден пред 2 март, вечерта, Ивана ми пиша „Мартин, те молам не ме оставај, многу ми е тешко, не можам да го издржам ова.“ Но јас вечерта сум заспал и не сум ѝ вратил одговор на пораката. Утрото се облеков и отидов кај неа на работа, да ја видам. Ја замолив да оди кај мајка ѝ, ѝ реков не дај боже, еден ден ќе те убие. Таа велеше дека не може да го остави станот, дека ќе остане на улица, дека Катја си ја бара собата.Саздов сведочеше дека по разговорот тој си заминал, и и рекол дека ќе зборуваат друг ден, но по две минути таа му се јавила.„Немаше минута-две, кога ми се јави исплашена и рече „те молам врати се, Стојанче е тука“. Кога стигнав, Стојанче почна да ја тепа, почнав да го влечам, му реков да не ја удира. Му реков на Стојанче качи се во кола, да си одиме, а на Ивана ѝ реков да оди на работа. Ми беше страв да ги оставам таму. Стојанче влезе во возилото, влезе и Ивана. Ѝ реков да оди на работа, не сакаше. Го прашав Стојанче каде да го возам, ми рече да го носам во суд дека треба да се пријави.Додека оделе кон судот, Стојанче се свртел кон Ивана и почнал да и удира боксови на Ивана и да ја дави, по што таа се онесвестила, сведочеше Мартин.„Јас го влечев, застанав среде улица на Партизанска за да ги разделам. Се свртев да видам дали Ивана е добра. Стојанче ми рече „Остави ја, глуми, сега ќе ѝ го земам телефонот, ќе видиш како ќе стане.“ Почна да ѝ го влече телефонот, Ивана се освести. Стојанче почна да се смее и да вели „виде ли како глуми“. Стигнавме пред судот, не се сеќавам дали таму ја удри, сведочеше Мартин.Откако Стојанче се пријавил во судот, тргнале кон колата, каде ги чекала Ивана и зборувала на телефон. Стојанче ја прашал со кого зборувала, а таа рекла дека зборувала со мајка ѝ. Стојанче инсистирал да види, мислел дека го пријавувала во полиција, а потоа се тргнале на страна за да прават муабет.„Тој пак почна да ја тепа, ја удри со двете раце одеднаш во главата. Јас се стрчав, го тргнав. Ивана го зеде телефонот, се јави во полиција и рече дека сака да пријави насилство. Стојанче ја навредуваше, ѝ рече „ништо не можеш да ми направиш“ и се смееше. Рече „ќе видиш со кого си имаш работа“. Ја навредуваше сѐ додека дојде полиција. Полицајците дојдоа, ја тргнаа Ивана на страна и разговараа, па го тргнаа и Стојанче на страна и разговараа.Според сведочењето на Саздов, полицајците им ги вратиле личните карти и им рекле да си го решат проблемот.„Кога тргнавме, полицајците застанаа до нашето возило и рекоа да застанеме, зашто пак има пријава за закани. Ја викнаа Ивана, ја прашаа кој ѝ се заканувал, а таа молчеше. Полицајците почнаа да викаат „ако уште еднаш пријавиш ќе ти пишеме казна за лажно пријавување. Им реков да не ѝ пишуваат казна и да ја остават да си оди – сведочеше Мартин.

Македонија | пред 1 седмица

„Стојанче кога ќе се врател дома издрогиран ја тепал Ивана пред Катја“, вели сведокот Саздов

Поранешниот пријател на Стојанче Јовановски, Мартин Саздов на денешното рочиште изнесе нови и шокантни детали за однесувањето на Јовановски и страдањата на Ивана и Катја.Според изјавите на сведокот, Стојанче се дрогирал уште откако го познавал, а дека Ивана и Катја страдале во негово присуство. Стојанче и се заканувал на Ивана дека ќе објави експлицитни видеа од неа, за да ја посрамоти.Саздов сведочеше дека и малата Катја во училиште зборувала дека татко и ја тепа мајка и па од училиштето ја испратиле Ивана на психолошко советувалиште.„Многу се плашеше дека ќе ѝ ја земе Катја. Ми велеше: ‘Многу ја сакам Катја, таа ми е животот, се плашам да не ми ја земе Катја. Секоја вечер кога Стојанче ќе се врател дома издрогиран ја тепал пред Катја. Ивана беше многу психички падната поради малтретирањето од Стојанче и истовремено многу исплашена. Отишла во психолошко советувалиште и почнала да пие антидепресиви,’“ раскажа Саздов.Според Саздов, Ивана трпела и финансиски притисоци за кои, бидејќи Стојанче ја натерал да извади 40.000 денари од кредитната картичка. Иако Мартин и понудил да плати, Ивана не сакала да земе пари.„Стојанче никако не придонесуваше кон Ивана и Катја. Ивана ми кажуваше дека се мачела сама, сама плаќала сметки за станот и кредит, дека кога Катја почнала да оди на училиште, сама купувале се за Катја, се мачела. Мене ми беше многу жал, отидов да ѝ купам на Катја тетратки и се што ѝ треба за прво одделение. Катја беше многу среќна.“

Македонија | пред 1 седмица

Сведокот Саздов започнал љубовна врска со Ивана, која сакала развод од Стојанче: По настанот во Штип се зближивме, излегувавме многу, ја засакав

Мартин Саздов денеска сведочеше во Кривичниот суд во Скопје, на продолжението на судењето за случајот со Ивана и Катја, кои починаа на 2 март по пад од балкон во населбата Тафталиџе.Саздов сведочеше дека во август минатата година Стојанче ги оставил Ивана и Катја на автопат, по што Ивана му се јавила за да ги земе. Според неговото сведочење, Ивана била целата модра, искубана, и двете со Катја плачеле.Тој додава дека по тој настан со Ивана се зближиле.„Ми раскажуваше дека сака да се разведе од него, дека ги тепа, дека многу ги малтретира, дека не и посветува внимание на Катја, дека ја тепа Ивана пред Катја. Ивана се плашеше од Стојанче многу. Ми викаше: ‘Мартин не го знаеш каков психопат е, ќе ме убие, не можам да издржам веќе не знам што да правам’. И велев, не се секирај, сите ќе ти помогнеме, но таа пак беше исплашена многу, затворена беше не зборуваше ни со нејзините. Се обидував на секој начин да и помогнам но не успеав.“Потоа Ивана поднела тужба за развод и се преселила кај својата мајка. Од тогаш почнала секојдневно да излегува со Саздов:„Ја шетавме Катја во Зоолошка, на лулашки, во ‘Џамбо’. Се обидував да им биде убаво, да не бидат под стрес, да не бидат исплашени. Но Ивана секој ден ми зборуваше: ‘Мартин не знаеш каков психопат е, ќе не убие двајцата’. Јас ѝ реков не се секирај има институции, ќе го решат проблемот. Во тој период бидејќи се зближивме излегувавме многу, ја засакав, и таа ми кажа: ‘Мартин, како што ми е сега со тебе во животот, никогаш не ми било вака, се чувствувам многу сигурно со тебе и смирено.’ Почнавме љубовна врска, да. Излезе пред нас, не следел. На Ивана ѝ кажав да се тргне. Стојанче сакаше да се тепа, јас му велев: ‘Дај смири се, и ти си излегувал со две мои девојки, додека се дружевме, да зборуваме смирено.“Саздов истакна дека отворено му кажал на Стојанче дека ја засакал Ивана.„Ја навредуваше Ивана пред мене дека е ‘к…а’, ваква-таква. Го молев да не ја навредува. Велеше дека ‘сака да се спаси од оваа к…а, дека не ја сакал ни Катја, а Ивана го прашуваше како за сопствено дете така може да зборува. Јас му велев дека Катја ќе си ја гледа и сака и после се што било. Рече дека сака да се разведе од Ивана, а ние двајца да сме правеле што сакаме.“Според изјавата на Саздов, Стојанче продолжил да ги следи Ивана и него, да го пријавува лажно во полиција, да се појавува пред зградата со друга девојка. Саздов сведочеше дека Стојанче ја сменил бравата на станот за Ивана да не може да влезе. Ивана му кажувала дека обвинетиот постојано се гледал со други жени.

Македонија | пред 1 седмица

„Се криеја позади банкина, кога ги земав Ивана беше целата модра, искубана, плачеа двете со Катја“, сведочи сведокот кои ги земал од автопат каде ги оставил Стојанче

„Се криеја позади банкина, кога ги земав Ивана беше целата модра, искубана, плачеа двете со Катја“, сведочеше Мартин Саздов во Кривичниот суд во Скопје, на продолжението на судењето за случајот со Ивана и Катја, кои починаа на 2 март по пад од балкон во населбата Тафталиџе.Во предметот, Стојанче Јовановски е обвинет за наведување на самоубиство, а денешното рочиште беше посветено на сослушување на сведоци, меѓу кои и Саздов, поранешен пријател на обвинетиот.Сведокот изјави дека порано бил во близок круг со обвинетиот и девојките, но се дистанцирал откако дознал дека Јовановски бил во врска со неговата девојка.Тој детално го опиша настанот кој, според него, се случил во август 2025 година.„Во август 2025 година ми се јави Ивана во 1 навечер со плачење. Ми рече ‘извини што ти ѕвонам толку касно, немам на кого да му се јавам, јас и Катја сме пред Штип, може ли да дојдеш да не земеш, Стојанче не тепаше и не исфрли од кола’“, изјави Саздов.Тој посочи дека веднаш тргнал да ги побара.„Се облеков, отидов да ја земам. Прво не можев да ја најдам Ивана, па таа ми кажа дека се на 5 километри пред Штип позади банкина, се криеле со Катја. Ми рече дека се наоѓа на автопатот од страната за накај Скопје. Ѝ реков да излезе да ја видам каде се наоѓа точно, свртев назад кон Скопје и ги видов од десната страна како стојат покрај банкината“, изјави Саздов.Според неговото сведочење, состојбата на девојките била вознемирувачка.„Ивана беше целата модра, искубана, плачеа двете со Катја“, изјави Саздов.Тој додаде дека Ивана изразила страв да се врати дома.„Ја прашав каде да ја однесам, ми рече ‘страв ми е да одам дома, да не ме тепа пак’. Ја прашав дали да ја однесам кај мајка ѝ, но таа одговори дека не сака мајка ѝ да ја гледа во таква состојба“, изјави Саздов.Сведокот посочи дека ги однел кај него дома за да бидат безбедни.„Ја однесов кај мене, сестра ми беше дома, јас реков ќе излезам, да не ви биде незгодно. Требаше сабајле да одам на работа, тие да си седат раат“, изјави Саздов.Судењето продолжува со изведување на докази и сослушување на сведоци за околностите што довеле до трагичниот настан.

Македонија | пред 1 седмица

Кај 50 полицајци се проверува одговорноста: 39 направиле пропусти во пријавите на Ивана, 11 полицајци се осомничени за случајот на Росица

Вкупно педесет полицајци се под истрага за нивното постапување во само два случаи - пријавите на Ивана Стојаноска против сопругот Стојанче Јовановски и пријавите на убиената Росица Коцева против експартнерот Илија Стефановски.Ова доаѓа откако денеска, МВР утврди пропусти кај 39 полицајци кои постапувале по пријавите на Ивана, кога барала спас од семејното насилство кое според Обвинителството траело седум години.„Одделот за внатрешна контрола, криминалистички истраги и професионални стандарди при МВР утврди пропусти во постапувањето на 39 полициски службеници кои постапувале по пријавите за семејно насилство. Оддел за внатрешна контрола, криминалистички истраги и професионални стандарди достави известување до Основното јавно обвинителство за гонење на организиран криминал и корупција. За сите дополнителни информации обратете се во надлежното обвинителство“, велат од МВР.Истовремено, речиси шест месеци трае предистрагата за 11 пријавени полицајци од СВР Велес, за кои треба да се истражи дали ја оставиле незашитена убиената Росица, која пријавувала насилство од Стефановски. Тој ја уби во нејзиниот дом на 15 септември 2025, откако го уби и татко ѝ Киро, а потоа се самоуби.„Предметот се наоѓа во фаза на предистражна постапка, при што се сослушани сите полициски службеници и други лица во својство на сведоци и се преземаат и други дејствија во насока на прибирање докази релевантни за случајот“, рекоа последно од Обвинителството.Се проверува и постапувањето на полицајците кои постапувале во Нагоричане, каде 25-годишниот Трајко Бојковски уби две жени, додека се чека да се утврди дали има уште една жртва. Наредени беа две ексхумации на тела, бидејќи претходно, жртвите биле заведени дека починале од природна смрт.

Македонија | пред 1 седмица

Обвинителството ќе ги проверува полицајците кои постапувале по пријавите од Ивана кога Стојанче ја тепал

Обвинителството за гонење организиран криминал и корупција ќе го испитува постапувањето на полициските службеници во случаите на пријавено семејно насилство, правено од страна на Стојанче Јовановски врз неговата сопруга Ивана и малолетната ќерка Катја.Предметот веќе е доставен до ОЈО ГОКК и ќе го преземе обвинител од Специјализираното одделение за гонење кривични дела сторени од лица со полициски овластувања, кој ќе утврдува дали постои основ за кривична одговорност кај службените лица.„Утрово за известувањето на МВР за полициските службеници поврзани со случајот на Стојанче ви проследувам одговор: Известувањето за кое покажувате интерес е доставено до ОЈО ГОКК во текот на вчерашниот ден и истото ќе биде дадено на постапување на јавен обвинител од Специјализираното одделение за гонење на кривични дела сторени од лица со полициски овластувања и припадници на затворската полиција“, велат од Обвинителството за гонење организиран криминал и корупција.Според обезбедените докази, насилството било континуирано и ескалирало со текот на времето. На 2 март, на повеќе локации во Скопје, обвинетиот физички ја нападнал сопругата, удирајќи ја со шлаканици и тупаници, при што таа изгубила свест. Истиот ден ѝ упатил и сериозни закани по живот, предизвикувајќи кај неа страв и чувство на загрозеност. Ивана пријавувала во полиција, сведочеше и нејзината мајка пред судот.Покрај Внатрешната контрола во МВР, сега и обвинителството ќе утврдува дали институциите соодветно постапувале по претходните пријави за насилство и дали евентуални пропусти довеле до трагичниот исход.

Македонија | пред 1 седмица

Стојанче ја тепал Ивана и ја оставил на автопат, ја турнал по скали во Клиника, а Катја покажувала како мајка и се бранела - сведоштво во судница

Мајката на починатата Ивана, и баба на Катја, на денешното рочиште во Кривичниот суд против Стојанче Јовановски обвинет дека преку семејно насилство ја довел својата сопруга Ивана до самоубиство, сведочеше пред судот и целата јавност за тортурата. Љубица Стојановска, во својство на сведок кажа како Стојанче ги оставил жртвите на среде автопат во еден часот по полноќ, моментите кога малата Катја кажувала како била заклучувана дома додека тој бил во теретана, но и за моментот кога ја турнал Ивана по скалите на Клиниката за дигестивна хирургија во јануари. Стојановска раскажуваше за настан во август 2025 година, кога Ивана имала модринки и црвенило на вратот.„Ми се јави мајката на Мартин Саздов, другар на Стојанче, ми рече дека Ивана била нападната од сопругот и некако успеала да излезе од станот. Таа ме советуваше да пријавам во полиција. Ми кажаа дека не знаеле каде е сега Ивана. Јас се јавив во полициска станица Карпош и кажав дека мојата ќерка е нападната од нејзиниот сопруг и не знам каде е сега. Им ја кажав адресата и им го дадов телефонскиот број на Ивана. Полицијата ми кажа да дојдам во полициска станица. Отидов заедно со внуката Катја. Во меѓувреме полицијата стапила во контакт со Ивана и ѝ кажале да дојде со станицата. Се сретнавме таму и тогаш ги видов модринките и црвениото на вратот и отоците од што ја стегал на вратот“, раскажа мајката која посочи дека Ивана не се вратила во полициска станица да го потпише записникот од страв.За сведокот Мартин Саздов, мајката на Ивана рече дека е другар на Стојанче од Пожарна. Потоа раскажа за ситуација кога Стојанче ги извадил од автомобил Ивана и Катја среде автопат.„Ивана го згрешила вклучувањето на патот, па се скарале, Стојанче ги извркал од колата Ивана и Катја среде автопат, ја удирал, ја клоцал. Катја потоа ми призна дека и неа ја удрил. Ги оставил и си заминал. Ивана побарала од свекрвата да ја земе, а таа и кажала дека ја боли стомак и дека не може, а одбил и свекорот. Синот беше на одмор, па се јавила кај Мартин Саздов кој отишол да ги земе од автопат“, додаде мајката на Ивана.Дури и Катја, според сведоштвото, раскажувала што се случило на автопатот.„За случката рече: тато не избрка од кола на автопат и ја удираше мама со клоци, мама беше легната, ја шутираше. Дури и нејзе ја удрил, ама како, колку, не знам. Мартин Саздов ми рече дека Стојанче му рекол дека двете ги натепал“, додаде мајката.Раскажа и како Стојанче ја турнал Ивана по скалите во болница, а таа таму била хоспитализирана оти имала хематом во амдоменот, кој го добила од удар.„Кога бев на посета, дознав дека Стојанче ја бутнал по скали. Сестрата нѐ внесе во соба со Ивана, дојде полицика, и им кажа дека Стојанче дошол, излегле пред лифтовите на платото од одделот, се расправале, сакал да и ги земе телефоните за да види со кого комуницирала. Катја рече ‘тато ја бутна мама по скали’. Болничар ја кренал Ивана и веднаш организирале компјутерска томографија на глава. Сестрите ја згрожиле Катја, а таа им рекла ‘Јадев ѓевречиња вчера, тато ме заклучи во станот и отиде да вежба’“, раскажа мајката на Ивана.Малата Катја освен што раскажувала, според сведоштвото, и покажувала како Ивана се бранела од Стојанче: „Катја клекнуваше, ги ставаше рацете на лице и кажуваше дека Ивана така клеклувала кога Стојанче ја тепал“.

Македонија | пред 2 седмици

(Видео) Чаловска: Самоубиство поради семејно насилство се смета за фемицид

Адвокатката на семејството на Ивана и Катја, Неда Чаловска, денеска по првото судско рочиште истакна дека самоубиство поради семејно насилство се смета за фемицид. Семејството на Ивана денеска се приклучи кон кривичен прогон на Стојанче Јовановски и достави отштетно побарување.„Денеска обвинетиот најпрво призна вина за двете кривични дела, но потоа ја повлече, а за третото кривично дело, кое е наведување и помагање на самоубиство. Во нашиот правосуден систем и по информација од обвинителството за првпат се води, во другите држави не е толку чудно да жртви на континуирано семејно насилство коишто се самоубивале, сторителите, односно нивните интимни партнери или нивните сопрузи, бидат гонети и осудени конкретно за овие кривични дела. Така што, очекуваме во целост да биде прифатено обвинението како оштетени заради тоа што во поширока смисла, во меѓународниот аспект, самоубиство поради семејно насилство се смета за фемицид“, изјави Чаловска.

Македонија | пред 2 седмици

(Видео) Обвинителката Бојчевиќ: Денешното признание на вина од страна на Стојанче воопшто не е признание

Обвинителката Адела Бојчевиќ, денеска, по рочиштето во Основниот кривичен суд Скопје против Стојанче Јовановски, изјави дека исказот на обвинетиот не ги исполнува законските услови за признание на вина поради што судот не го зел предвид и постапката продолжила со изведување докази.„Денешното признание на вина од страна на обвинетиот воопшто не е признание. Согласно закон се знае како се дава тоа признание, треба да биде доброволно и јасно без присила од никого. Поради тие причини судијата не го зема во целост нити го ценеше и затоа продолживме со изведување на докази. Овој предмет го водам од почетокот, од моментот на увид. За краток период собравме навистина многу голем доказен материјал врз основа на кој доказен материјал се базира обвинението за сите три кривични дела коишто му се ставаат на товар на обвинетиот. Во насока на почитување на презумпцијата на невиност на овој обвинет, сметам дека тој е невин, сè додека јас не го докажам спротивното до крај на постапката. Јас до крај сметам дека навистина имам голем број на докази коишто ќе бидат изведени во оваа постапка и со сигурност ќе докажам надвор од разумно сомневање дека Стојанче ги сторил кривичните дела точно на начинот како што е опишано во диспозитивот на обвинителниот предлог. немало никаков сомнеж и баш и денес и мајката на Ивана кажа за односот којшто го имал со жртвите, така да јас немам дилема никаква освен обвинетиот што може да се брани на каков начин и да сака во оваа постапка, тоа е нивно право на обвинетите и воопшто не ми е спорно и ја разбирам која е искрено неговата позадина“, изјави Бојчевиќ.Во однос на Мартин Саздов е исто предложен како сведок, денешната одбрана ја гледам како искрено како чиста манипулација во насока да се избегне некоја кривична одговорност, но понатаму оставам доказите да зборуваат сами за себе.

Настани | пред 2 седмици

Мајката на Ивана сведочеше: Стојанче ја тепаше додека беше со дете во раце, Катја кажуваше „бабо, тато ја шутираше мама и ѝ викаше д*ољо“

Во Кривичен суд со изведување на докази продолжи судењето против Стојанче Јовановски, обвинет дека преку семејно насилство ја довел својата сопруга Ивана до самоубиство, при што животот го загуби и нивната ќерка Катја по пад од балкон. Прва сведочеше Љубица Стојановска, мајка на починатата Ивана, баба на Катја.Обвинителката Адела Бојчевиќ: Во какви односи беа брачните односи?“Љубица Стојановска, мајка на починатата Ивана: „Во почетокот беа под кирија, јас секогаш се наоѓав да им помагам како мајка. Тој работеше достава на храна, а ќерка ми работеше во Масимо дути. Ќерка ми сакаше да имаат свој стан, секогаш имаше позитивен став за својот сопруг, многу кратко се знаеја пред да стапат во брак. Остана бремена и како родител не знаевме ништо, тогаш она ни кажа дека имал некои судења за него, за некое дело. И јас како родител што сака да помогне и го поминавме тоа. Да ви кажам искрено, помогнавме да се заврши работа да добие условна. Потоа успеаја уплатија стан, убав беше почетокот, јас многу ретко го кажував по име, секогаш со ‘сине, синко’. Се радувавме, средуваа стан, имале проблеми, но никогаш мојата Ивана не го кажуваше тоа. Некогаш ќе ја видев со модро око па рече дела паднала од тротинет. Малата Катја беше две години, кога ми се јави зетот, во еден ноќе, извинете за изразот, ‘тетка ти Љубица дојди да си ја земеш ќерка ти, Ивана ку*ва’. Ноќе некој така да ти каже, јас за 10 минути стасав до нивниот стан. Беше топло време, беше многу нервозен и јас дојдов и викам ‘кажи синко што е работава’, Ивана седеше во дневна и ја гушкаше малата. Стојанче беше многу лут шеташе нервозен и зборот што ми го кажа не можам да го преболам и прв пат го кажав на обвинителката и адвокатката“.Обвинителката Адела Бојчевиќ: Може ли да ни кажете на што се однесуваа тие зборови?Љубица Стојановска, мајка на починатата Ивана: Кога дојде полиција го извадија надвор во ходник да разговараат, еден полицаец беше со нас во соба, Ивана беше многу исплашена, он тргна да ја удри, но јас застанав меѓу нив да ми кажат што е работата пред да дојде полицијата. Ја удираше со боксови, Катја беше во раце на Ивана, тој ја удираше... Ивана беше исплашена и само викаше „нека земе и стан и сѐ само ќерка ми да ми ја остави“.Обвинителката Адела Бојчевиќ: Ова се случуваше 2021, што се случуваше понатаму?Љубица Стојановска, мајка на починатата Ивана: Она се плашеше да не ѝ ја земе Катја, а благодарение на мене го вработив во Пожарна. Живее со моето дете и сакав да има стабилна работа, нејзе секогаш на прво место и беше Катја. Кога се земаше станот, она го плаќаше станот, потоа беше на пола-пола, потоа по некое време на барање на негова страна Ивана ги плаќаше сметките, телефоните…Обвинителката Адела Бојчевиќ: Дали Ивана ви кажуваше дека има проблеми со Стојанче?Љубица Стојановска, мајка на починатата Ивана: Забележував модринки и секогаш ми викаше ‘се удрив мамо, знаеш дека лесно ми излегуваат’, беше под стрес, под контрола секогаш ќе кажеше ‘еве сум кај моите’.. на два пати окото и беше модро..Обвинителката Адела Бојчевиќ: Дали се сомневате дела Ивана е тепана?Љубица Стојановска, мајка на починатата Ивана: Се сомневав ама не ми признаваше, велеше ‘ќе биде во ред’. јас во ниту еден момент не го прашав зет ми, рачунав дека они сами ќе си го решат, нејќев да се мешам.Љубица Стојановска, мајка на починатата Ивана: Дали од Катја дознавате какво е однесувањето на нејзиниот татко кон мајка и?Обвинителката Адела Бојчевиќ: Катја ми рече ‘Бабо јас ќе ти кажам ама не ѝ кажувај на мама, мамa знаеше да чучне доле, со рацете собрани и тато да ја шутира и удира’. Дури мојата Катја, 6 години, ги користеше зборови ‘дрољо, ку*во, ку*виште’ велеше тато и кажуваше на мама. ‘Дали е тоа убаво’, велеше Катја, ‘не е убаво бабо’, ама тато на мама ѝ вика.Судењето продолжува по паузата.

Македонија | пред 2 седмици

Стојанче призна вина за две дела, па кажа дека бил присилен и се расплака - судот не го прифати, ќе се изведуваат докази

Во Основниот кривичен суд Скопје започна судењето против Стојанче Јовановски, обвинет дека преку семејно насилство ја довел својата сопруга Ивана до самоубиство, при што животот го загуби и нивната ќерка Катја по пад од балкон.На денешното рочиште, обвинетиот изјави дека чувствува вина за две од трите кривични дела што му се ставаат на товар, но не и за третото, кое се однесува на наведување и помагање при самоубиство.Судот не го прифати неговото признание за вината за двете дела, откако Јовановски изјави дека бил изложен на закани и притисоци да признае вина за сите обвиненија.Обвинителката Адела Бојчевиќ образложи дека обвинението се темели на умисла и континуирано семејно насилство, опишувајќи настан од 2 март годинава, кога, според обвинението, обвинетиот физички и вербално ја нападнал сопругата на повеќе локации во Скопје, упатувајќи ѝ сериозни закани. За поттикнување на самоубиство, обвинителството посочи дека станува збор за специфичен облик на наведување на самоубиство, каде што, иако не постои директно поттикнување, суровото и нечовечко однесување создало состојба што довела до трагичниот исход.„На жрвата и упатувал вербални закани 'ќе те убијм ку*во, ќе видиш што ќе ти направам. Со умисла на повеќе локации во Скопје вршел семејно насилство“, рече обвинителката Адела Бојчевиќ.Пред судот, Јовановски рече: „За првите две дела разбирам, за третото не. Не се согласувам во потполност“. Во текот на излагањето, тој се расплака, тврдејќи дека не бил сослушан и дека неправедно се товари.„Ја доведоа во безизлезна состојба, семејството ми е уништено. Мене ме присилуваа да признам вина за сите три дела“, изјави обвинетиот, посочувајќи го како одговорен сведокот Мартин Саздов.Судењето го води судијата Ивица Стефановски, а постапката продолжува со изведување докази и сослушување сведоци.

Македонија | пред 2 седмици

(Видео) Стојанче седна на обвинителна клупа, обвинет е за насилство и смрт на Ивана и Катја

Започна судењето против Стојанче Јовановски, сопруг на Ивана и татко на Катја, кои трагично го загубија животот по пад од тераса.Судењето ќе го води судијата Ивица Стефановски, познат по постапувањето во предметот за убиствата на Вања Ѓорчевска и Панче Жежовски.Според Обвинителството, Јовановски подолг период вршел психичко и физичко насилство врз својата сопруга. Таа била тепана, навредувана и понижувана, како во домот така и на јавни места и пред сведоци, при што ѝ биле упатувани закани дека ќе биде избркана од домот и дека ќе ѝ биде одземено детето.Обвинението наведува дека насилството кулминирало на критичниот ден, по што Ивана, во состојба на тешка психичка вознемиреност и безизлезност, си го одзела животот.„Малтретирањето ја довело оштетената во состојба на страв, безнадежност и чувство на безизлезност, поради што таа не можела разумно да ги контролира своите постапки“, наведуваат од Обвинителството.Според информациите од МВР, против Јовановски претходно биле поднесени повеќе од десет пријави за семејно насилство. Паралелно, против него се водела истрага и за други кривични дела, меѓу кои и трговија со дрога, а двапати бил осудуван, вклучително и за напад врз полициски службеник.По трагедијата, инспекциските служби од Министерството за социјална политика утврдиле пропусти во постапувањето на Центарот за социјални работи.

Македонија | пред 2 седмици

Насилството кулминирало со смрт: Почнува судењето за случајот за Јовановски, по смртта на Катја и Ивана

Денес започнува судскиот процес против Стојанче Јовановски, сопруг на Ивана и татко на малолетната Катја, кои трагично го загубија животот по пад од тераса, случај што предизвика силни реакции во јавноста.Постапката ќе ја води судијата Ивица Стефановски, познат по водењето на предметот за убиствата на Вања Ѓорчевска и Панче Жежовски.Според наводите на Основно јавно обвинителство, обвинетиот подолг временски период вршел психичко и физичко насилство врз својата сопруга. Таа, како што се наведува, била тепана, навредувана и понижувана – и во домот и на јавни места, пред сведоци, при што ѝ биле упатувани закани дека ќе биде избркана од домот и дека ќе ѝ биде одземено детето.Обвинението посочува дека насилството кулминирало на критичниот ден, кога Ивана, во состојба на тешка психичка вознемиреност и чувство на безизлезност, си го одзела животот.„Малтретирањето ја довело оштетената во состојба на страв, безнадежност и неможност разумно да ги контролира своите постапки“, наведуваат од Обвинителството.Според податоците на Министерство за внатрешни работи, против Јовановски претходно биле поднесени повеќе од десет пријави за семејно насилство. Паралелно, против него се воделе постапки и за други кривични дела, меѓу кои и трговија со дрога, а двапати бил осудуван, вклучително и за напад врз полициски службеник.По трагедијата, инспекциските служби од Министерство за социјална политика утврдиле пропусти во постапувањето на надлежниот Центар за социјални работи.Официјалните податоци на МВР покажуваат дека од почетокот на годината до 10 март се регистрирани 319 кривични дела поврзани со семејно насилство, поднесени се 207 кривични пријави, а во 14 случаи е одреден притвор. Во истиот период се евидентирани и 602 поплаки за семејно насилство, што дополнително ја отвора темата за системските пропусти и заштитата на жртвите.

Македонија | пред 2 седмици

Повеќе од 10 пријави, трагичен крај: Стартува судењето за Стојанче, по трагедијата во која починаа Ивана и Катја

Утре започнува судењето против Стојанче Јовановски, сопруг на Ивана и татко на Катја, кои трагично го загубија животот по пад од тераса.Судењето ќе го води судијата Ивица Стефановски, познат по постапувањето во предметот за убиствата на Вања Ѓорчевска и Панче Жежовски.Според Обвинителството, Јовановски подолг период вршел психичко и физичко насилство врз својата сопруга. Таа била тепана, навредувана и понижувана, како во домот така и на јавни места и пред сведоци, при што ѝ биле упатувани закани дека ќе биде избркана од домот и дека ќе ѝ биде одземено детето.Обвинението наведува дека насилството кулминирало на критичниот ден, по што Ивана, во состојба на тешка психичка вознемиреност и безизлезност, си го одзела животот.„Малтретирањето ја довело оштетената во состојба на страв, безнадежност и чувство на безизлезност, поради што таа не можела разумно да ги контролира своите постапки“, наведуваат од Обвинителството.Според информациите од МВР, против Јовановски претходно биле поднесени повеќе од десет пријави за семејно насилство. Паралелно, против него се водела истрага и за други кривични дела, меѓу кои и трговија со дрога, а двапати бил осудуван, вклучително и за напад врз полициски службеник.По трагедијата, инспекциските служби од Министерството за социјална политика утврдиле пропусти во постапувањето на Центарот за социјални работи.Податоците на МВР покажуваат дека од почетокот на годината до 10 март се регистрирани 319 кривични дела поврзани со семејно насилство, поднесени се 207 кривични пријави, а во 14 случаи е одреден притвор. Во истиот период се евидентирани и 602 поплаки за семејно насилство.

Македонија | пред 2 седмици

Судењето за трагедијата во Тафталиџе почнува на 30 март: на Стојанче ќе му суди судијата од предметот за убиството на Вања и Панче

На 30 март ќе започне судскиот процес против Стојанче Јовановски, сопруг на Ивана Јовановска, која на 2 март скокна од балкон од шести кат заедно со својата шестгодишна ќерка. Случајот ја потресе јавноста и отвори сериозни прашања за институционалната реакција во случаи на семејно насилство.Судењето ќе го води судијата Ивица Стефановски, познат по постапувањето во предметот за убиствата на Вања Ѓорчевска и Панче Жежовски.Според Обвинителството, Јовановски подолг период вршел психичко и физичко насилство врз сопругата. Таа била тепана, навредувана и понижувана, како во домот, така и на јавни места и пред сведоци, при што ѝ биле упатувани закани дека ќе биде избркана од домот и ќе ѝ биде одземено детето.Обвинението наведува дека насилството кулминирало на критичниот ден, по што Ивана, во состојба на тешка психичка вознемиреност и безизлезност, го извршила самоубиството.„Малтретирањето ја довело оштетената во состојба на страв, безнадежност и чувство на безизлезност, поради што таа не можела разумно да ги контролира своите постапки“, наведуваат од Обвинителството.Против Јовановски, според информациите од МВР, претходно биле поднесени повеќе од десет пријави за семејно насилство. Паралелно, против него се водела истрага и за други кривични дела, меѓу кои и трговија со дрога, а двапати бил осудуван, вклучително и за напад врз полициски службеник.По трагедијата, инспекциски служби од Министерството за социјална политика утврдиле пропусти во постапувањето на Центарот за социјални работи.Податоците на МВР покажуваат дека од почетокот на годината до 10 март се регистрирани 319 кривични дела поврзани со семејно насилство, поднесени се 207 кривични пријави, а во 14 случаи е одреден притвор. Во истиот период се евидентирани и 602 поплаки за семејно насилство.

Македонија | пред 3 седмици

Стојанче ја тепал Ивана и пред малата Катја: Истрагата завршена, пред трагедијата таа тргнала да се исели, но Стојанче и се заканувал

Основното јавно обвинителство Скопје поднесе обвинение против Стојанче Јовановски за трагедијата во Карпош во која мајката Ивана и нејзината малолетна ќерка Катја го загубија животот по пад од балкон.На обвинетиот му се ставаат на товар три кривични дела: телесна повреда сторена како продолжено дело на семејно насилство, загрозување на сигурноста и наведување на самоубиство и помагање во самоубиство.Според обвинението, на 2 март на повеќе локации во Скопје обвинетиот физички ја нападнал сопругата, удирајќи ја со шлаканици и тупаници, при што таа во еден момент изгубила свест. Истиот ден, на паркинг зад Основниот кривичен суд Скопје, и упатил сериозни закани по нејзиниот живот и тело, со што кај неа предизвикал страв и чувство на несигурност.Обвинителството наведува дека обвинетиот подолг временски период сурово и нечовечно постапувал кон сопругата, која била во положба на фактичка и егзистенцијална зависност од него. Во ноември 2022 година, како што се наведува, тој издејствувал Ивана Јовановска со договор за дар да му го отстапи својот идеален дел од станот во кој живееле со нивната малолетна ќерка.По стекнувањето на сопственоста, според обвинението, започнало психичко и физичко малтретирање, кое во 2025 година прераснало во сурово и нечовечно постапување.Обвинетиот често ја тепал и омаловажувал сопругата, и во домот и на јавни места, пред сведоци и во присуство на нивната малолетна ќерка, заканувајќи се дека ќе ја избрка од домот и дека ќе ѝ го одземе детето.На критичниот ден, по ново психичко и физичко малтретирање и закани, жената се вратила во станот со ќерката, со намера да се спакува и да замине. Обвинетиот инсистирал да се качи со неа во станот и таму продолжил со заканите. Сведок на настанот го оттурнал обвинетиот и заедно се симнале пред зградата за да ја почекаат оштетената.Според обвинителството, долгогодишното малтретирање ја довело жената во состојба на тешка психичка вознемиреност, страв и безнадежност, по што таа скокнала од терасата на станот од шестиот кат заедно со својата малолетна ќерка.Јавниот обвинител до Основниот кривичен суд Скопје поднесе и предлог за продолжување на мерката притвор за обвинетиот, поради опасност од бегство и можност да продолжи со насилнички кривични дела.

Македонија | пред 1 месец

Полицијата не повикала социјални работници кога Ивана била нападната на Клиника, тврди ресорниот синдикат

Синдикалната гранкова организација при САДУ на Центрите за социјална работа во Македонија ги демантираше тврдењата дека стручни лица од Центарот биле присутни кога Ивана наводно била нападната од сопругот Стојанче Јовановски додека била на лекување во Клиничкиот центар, инцидент кој според одредени медиуми го гледала и нејзината ќерка Катја. Станува збор за мајката и детето кои трагично го загубија животот по пад од балкон во скопската населба Карпош.Од синдикатот соопштија дека во јавноста се пласираат шпекулации и неточни информации во врска со постапувањето на Центрите за социјална работа.Тие тврдат дека записник од наводен вонреден инспекциски надзор, за кој се говори во дел од медиумите, до денот на објавувањето на нивниот демант воопшто не бил доставен до Јавната установа Меѓуопштински центар за социјална работа – Скопје.Воедно, категорично ги отфрлаат и наводите дека социјални работници биле присутни при наводниот физички напад врз Ивана пред здравствената установа.Според синдикатот, на 19 јануари 2026 година – денот кога наводно се случил инцидентот – Центарот не добил никаква пријава или повик за интервенција во Клиниката за дигестивна хирургија во рамки на комплексот клиники. Од увидот во службената документација, како што велат, произлегува дека тој ден дежурни биле две службени лица од Специјализираниот тим, но дека тие не биле повикани на интервенција.Од синдикалната организација оценуваат дека ваквите информации се пласираат тенденциозно и служат за дефокус на јавноста и дискредитирање на улогата на стручните лица во Центрите за социјална работа.Тие предупредуваат дека со ширење непроверени информации се нанесува штета врз угледот и професионалниот интегритет на вработените, кои, како што наведуваат, често работат во услови на зголемен ризик и соочување со чувствителни случаи на семејно насилство.Синдикатот најавува дека ќе застане во одбрана на вработените во Центрите за социјална работа и бара целосно процесуирање на постапката, со цел да се утврдат фактите и одговорноста за постапувањето на сите инволвирани институции.

Македонија | пред 1 месец

(Видео) Стојанче, сопругот на Ивана останува во притвор уште 8 дена: правеше гримаси на прашањата дали чувствува грижа

Стојанче Јовановски, сопруг на 31-годишната жена, која заедно со своето 6-годишно дете починаа по пад од балкон во Карпош, молчејќи и со правење гримаси влезе во суд. Беше прашан дали станал поголем маж со насилството кое седум години го трпела Ивана, како што тврди Обвинителството – но не одговори. За него судот извести дека останува во притвор уште осум дена.Тој молчеше и на прашањата дали чувствува вина, дали со молчење се брани и во судот каде ќе се одлучува за неговиот притвор откако Обвинителството отвори истрага.  Кога беше прашан од нашата екипа „како можевте седум години да малтретирате жена“, тој мавташе со главата.Основното јавно обвинителство Скопје поведе постапка и предложи мерка притвор за Стојанче Јовановски осомничен за кривични дела наведување на самоубиство и помагање во самоубиство, телесна повреда и загрозување на сигурноста, во врска со трагедијата во скопската населба Карпош во која починаа Ивана Јовановска и шестгодишна ќерка Катја.Според обвинителството, постои основано сомнение дека осомничениот, сопруг на починатата со кого таа била во бракоразводна постапка, во периодот од 2019 година до 2 март континуирано ја малтретирал физички и психички, ја навредувал, тепал и понижувал, нанесувајќи ѝ видливи повреди по телото.Според прибраните докази, ваквото однесување се интензивирало во текот на 2025 и 2026 година, поради што Ивана Јовановска се нашла во безизлезна состојба и донела одлука да си го одземе животот. Таа ја земала во раце својата шестгодишна ќерка и скокнала од балконот на шестиот кат од станот во кој живееле, по што двете паднале на бетонската

Настани | пред 1 месец