По речиси еден месец потрга, две момчиња пронајдени живи во амазонската прашума
Локален Бразилец пронашол двајца малолетни браќа кои биле изгубени во амазонската прашума цели 26 дена.
Момчињата имаат седум и девет години, пишуваат странските медиуми.
Браќата Глеикон и Глауко Фереира беа пронајдени со тешка неухранетост, дехидрација и гребаници и ќе останат во болница.
Тие се префрлени во детската болница во Манаус, главниот град на сојузната држава Амазонас.
Во писмената изјава, владата на Амазон соопшти дека децата исчезнале на 18 февруари, а биле пронајдени на 15 март.
Таткото на двете момчиња, Клаудион Рибеиро Фереира, рече дека потрагата била тешка и дека 260 луѓе ги бараат неговите синови, вклучително и воената полиција и другите служби за итни случаи.
„Беа пронајдени кога слушнале како маж сече дрво во џунглата. Помладото дете врескало, човекот отишол кај нив и успеал да ги најде“, рекол таткото.
